關於學琴, 買琴嘅問題,
識答盡量答~
小朋友8歲初級情度，買Yamaha YS1 鋼琴好嗎？可以5年內100% trade in YU series.
Thanks
YS1, 2萬幾蚊, 大陸做, 聲同手感都非常麻麻,
如果唔會換琴, 一定唔會考慮呢部
而如果諗住5年內會換YUS系列, 咁即係都有d家底,
咁不如一開始買日本做嘅U1
雖然U1要成5萬, 但可以用到8級, 中途唔使再諗換琴,
而且二手價企得好硬, 廿年琴都賣到2萬幾
touch wood小朋友學左幾年唔學, U1賣出去收返3萬幾, Ys1得幾千
咁計落, 成本其實都係差唔多, 但一開始就有部靚琴練, 點都好d, 學上去嘅機會都會大d
買琴記住揾琴老師, 大部分琴行都有優惠, 會平過你自己walk in買
我想問下關於繼續學琴定係放棄嘅問題
小朋友四歲開始學琴
考左兩級 本來今個月考四級
佢話上堂開心
但係好抗拒練琴
每日都要三催四請
我反問自己 當初俾佢學琴係希望佢培養對音樂嘅興趣，但係而家變成父母催佢去練琴，本末倒置
我有諗過唔再學。但係丈夫覺得，正正因為佢欠缺耐性，希望佢學識堅持
係教學生鋼琴嘅過程裏邊
有冇乜嘢意見可以分享？多謝你呀
1個讚
一般一開始學用咩書多?
想自己幫小朋友開個頭先揾老師學
小朋友學琴, 成功與否,
好多時係睇家長們嘅堅持
一開始學琴, 就要建立固定練琴習慣,
由最初每日練10mins開始, 慢慢加長時間,
小朋友係一張白紙, 所以家長要幫佢,
(例如: 每日要練完琴, 先可以食零食/睇電視/玩遊戲)
初初練習時, 更可能要家長坐喺附近陪練,
彈得好時, 多加讚賞,
彈得麻麻地, 鼓勵再練多幾次,
建立左練琴習慣之後, 佢就唔會咁抗拒練琴,
而家長亦唔再需要每次陪練
(有研究話, 建立一個習慣最少要21日)
跟住, 就要keep住佢地嘅興趣,
所以我除左教基本野之外, 仲會教自選歌(流行曲/兒歌/game音樂/教會歌/學校唱過嘅歌, 咩歌都得, 佢地自己揀),
咁佢地彈到自己鍾意嘅歌, 有成功感滿足感, 自然就更願意練琴
3個讚
每個老師都有自己慣用嘅書,
而唔同年齡嘅學生又會用唔同嘅書
如果小朋友, 一開始都係揾老師學穩陣d
1個讚
小朋友5歲未學過，有無咩書推介呀？
因為唔打算教級，我想自己教下睇下佢有無興趣先再搵老師
有個app叫Simply Piano,
你可以試下,
我試左開頭幾個課程, 都算循序漸進咁教,
應該試用一段短時間就知小朋友有無興趣,
不過後面嘅課程我都未試過,
唔知會唔會有突然間好難嘅情況
2個讚
咁你可以推介一D Standard 嘅俾我哋參考嗎?
其實我哋呢代中產嘅，不少家長自己都八級或以上，自己都可以教個頭，學到咁上下程度或者唔聽支笛先搵老師都得。
1個讚
https://learnpianovivi.pixnet.net/blog/post/249445869-米米老師愛用的初學鋼琴教材
https://justineleepiano.pixnet.net/blog/post/178208326-你孩子最適合什麽教材？
可以參考下呢兩個網, 有講常用初學書
不過如果你自己都學到8級以上,
咁不如用返你細個學琴時嘅書,
起碼你會熟悉d, 咁可能會比較好
3個讚
唔該晒你! 係我想揾嘅嘢
初學啲書冇keep啦，屋都搬咗好幾次，淨係記得少少個樣又唔知有冇改版。有老師請教就梗係問老師先 
我女本來上年8月考咗4級，本來今年2月考樂理，現在應該要報10月，今年小5又開始呈分，琴一直冇停學，某程度上是練多咗，買咗frozen 1,2, 迪士尼d譜。因為覺得小5小6課程會密咗，打算小6升中一才考琴。呢2年享受下音樂先。d樂理掉抵一排d 生字真是會不記得哂。
好丫, 好好享受音樂~
唔使趕考試課程, 彈多d自己鍾意嘅歌都唔錯丫 
樂理d生字, 常用果d見得多就會記得,
唔常用果d, 就報左名考試先再温啦 
唔使客氣, 幫到你就好,
你都可以襯呢個機會練返琴,
第時可以同小朋友彈duet 
1個讚
本來想住下年升6考6級，後來女同咗老師講後年才考，老師話咁到時考7級都得，因為6級scale其實都學哂，是未開歌同aural。咁到時7級之後趁暑假學埋8級樂理，是咪不使考8級琴? 之後就是演奏級? 雖則太長遠但都是得個想法。
我同我兩個女(8歲和10歲)學了三年大家都只是三级，雖然同老師講不考試，是否進度很慢？
我小朋友4歲啱啱開始學琴，佢都好鍾意彈，好願意上堂，不過暫時只係想佢享受彈琴，完全冇練琴，只係一星期45分鐘。
有冇咩小遊戲幫小朋友學睇五線譜？
佢依家係先續個油唔同色，睇左一次先開始彈。
我同我兩個女(8歲和10歲)學了三年大家都只是三级，雖然同老師講不考試，是否進度很慢？
你講嘅係音樂術語生字嗎？
其實可以透過彈sight reading去見得多，音樂術語自然會同樂曲融合而記得，唔洗死記～
P.s.我都係一位任教20年嘅以鋼琴為主嘅樂器導師。
1個讚