你好，請問你對Suzuki Piano有甚麼意見呢?謝謝
其實幾多歲開始學琴比較好？ 男同女有冇分別㗎
唔好意思, 呢個我唔太熟悉, 答唔到你 
幾多歲學琴呢個問題, 你睇返樓上, 之前有答過, 仲有另一位資深老師都有提供意見
而男同女嘅分別, 我就覺得女仔通常都早熟dd, 咁如果女仔5-6, 咁男仔就6-7, 咁上下
我自己都教左20年琴
好鐘意pianocat嘅回應
真係有時好怕家長對自己小朋友太多期望
我有朋友都會問我小朋友一聽音樂好有反應
係咪好有音樂感
我心諗：只證明佢冇失聰。其實正常人聽到音樂都好自然跟住節奏郁或俾反應
所以我會話你覺得佢有興趣咪俾佢去玩下唱遊班啦
我自己就見識過通x某出名唱遊班小朋友嘅功力
最主要我唔係prefect pitch,見到佢地大部分有咁嘅技能。覺得好勁呀
咁之後我又去學過甚至去教過呢個課程
我自己有學開樂器，我會覺得呢個課程有用
不過係主要prefect pitch
如果期望學個課程會彈琴莫札特咁呢
呢個課程唔會係大家想要嘅野
甚至有人真係同我講覺得個課程廢
咁我相信佢唔了解prefect pitch對學樂器有咩好處
我就等我寶寶出世後又到合適年齡
會俾佢同佢老豆一齊去學，因為我老公冇咩音樂感，我希望改善個大嘅都有少少音樂感
咁當然都希望小朋友會玩樂器
咁佢有prefect pitch，學咩都有幫助
其實最主要問親小朋友鐘唔鐘意玩樂器
9成實答你鐘意
但最後會加一句：但我唔鐘意練琴
但又認真冇練習又點彈得好
所以我只會奉勸各位家長唔好心急
如果樂器好貴嘅，又大大件嘅
借/租俾小朋友練先
買左之後唔練…係好浪費呀
我多數同家長講
至少考過一次試先好諗買琴呀
真心，賣琴時老師有佣收嘅（大琴行老師武定有，細琴行老師就要睇佢有冇入咩會咁啦）
所以有部分人會為左佣同你講什麼「功欲善其事必先利其器」
如果屋企冇土地問題，財政又好充足
可以考慮買係屋企練唔洗走黎走去
但其實要練琴嘅，走落樓下琴行/club house都會練，仲可能練得更專心
唔會練練下又食野，又飲水，又去廁所
學任何野都冇絕對幾時最啱，真心要睇天份架
我以前有個中學老師到3x歲人先自學晒學器
仲做到某古典音樂部顧問
咁遲先學都好成功架
佢冇天份，做極都唔好，就會搞搞下冇興趣
只會浪費學費同老師心機
如果佢天份做運動嘅
咪俾佢學果方面嘅野啦
唔係個個都可以又文又武架
家長諗下自己係咪都可以又文又武先
有時見d小朋友學咁多野，真心辛苦
但當然有小朋友樂在其中啦
8個讚
我小朋友5歲，4歳開始學鋼琴，沒有考試
又係好鍾意琴但唔肯練琴，直情影響親子關係，我講過幾次，如果唔練就唔好學，媽媽唔想迫佢，自己又勞氣，次次喊晒話要學會練⋯⋯一兩日後又唔練
我不停諗，到底要佢堅持唔好半途而廢定唔練琴就唔學⋯⋯
其實迫練琴真係好傷親子關係
不如試下同小朋友講你好鐘意聽佢彈琴呀
試下讚多幾次（但唔好讚得太誇張啦）
多鼓勵希望可以刺激佢多練習
第一句就話做咩唔練琴
或者一彈就話點解彈到咁架
常被否定好易失落
因為小朋友點都要去真係大個少少先知自己想點
其實間中帶去睇下音樂會都可以提升下對音樂欣賞
以往小交暑假都搞一堆專俾小朋友睇嘅音樂會
有機會可以去睇下
2個讚
想問兩條
係咪一定要跟譜個指法？有時候覺得另一隻手指舒服就位啲。
Aural 部份要唱曲/搵不同，但次次考官彈完都唔記得左彈左咩，完全答唔出，可以點做？
請問4.5歲初學入門, 搵私人導師定係去琴行報名好?
指法其實不是作曲家寫落去
每個人手指長短有不同
其實做到晒句法要求
我自己認為舒服指法都可以
但如果最開頭學真係跟一跟指法
始終寫指法嘅人有諗過度過先寫落去
冇data（正確指法）入過腦
點容易有output自動波諗到咩指法最順手呢
至於aural唱歌同答不同真心係考你短期記憶
要靠多聽多練幫下手
可以先cut短咁練左先
慢慢加長，其實考級都係逐少逐少咁加長
可以試下練低一級咁幫一幫
提升下記憶嘅容量及專注力
我自己覺得4.5歲可以玩班制先
成班咁開心少少
但如果真係覺得小朋友好坐得定
可以試下單對單學
私人定琴行好呢
如果私人老師係有人介紹
我自己會選擇私人
但通常琴行有機會比私人導師平一些
因為始終老師開頭未有經驗會去琴行教
但冇經驗老師唔代表教得唔好架
去琴行學係有少少撞彩睇下遇到咩老師
但都有一堆有經驗老師繼續琴行教
因為始終琴行打開度門易收生一些
如果有人介紹私人老師，又同小朋友夾到嘅
我會選擇私人老師
點知同小朋友夾唔夾呢
可以試下問老師有冇得試一堂呀
至少了解下溝唔溝通到
坊間太多老師
太多不同style
自己去夾下
謝謝詳盡既分析! (仲要係好全面) 
之前答過類似問題, 所以copy返答你
小朋友學琴, 成功與否,
好多時係睇家長們嘅堅持
一開始學琴, 就要建立固定練琴習慣,
由最初每日練10mins開始, 慢慢加長時間,
小朋友係一張白紙, 所以家長要幫佢,
(例如: 每日要練完琴, 先可以食零食/睇電視/玩遊戲)
初初練習時, 更可能要家長坐喺附近陪練,
彈得好時, 多加讚賞,
彈得麻麻地, 鼓勵再練多幾次,
建立左練琴習慣之後, 佢就唔會咁抗拒練琴,
而家長亦唔再需要每次陪練
(有研究話, 建立一個習慣最少要21日)
跟住, 就要keep住佢地嘅興趣,
所以我除左教基本野之外, 仲會教自選歌(流行曲/兒歌/game音樂/教會歌/學校唱過嘅歌, 咩歌都得, 佢地自己揀),
咁佢地彈到自己鍾意嘅歌, 有成功感滿足感, 自然就更願意練琴
1個讚
唔一定要跟, 指法合理舒服就可以,
如果有老師, 最好問下老師先,
如果無跟老師, 而你又唔介意, 都可以影相po上黎問
你話Aural要揾不同, 咁應該都係2-3級,
咁就由1級Aural開始練起
哈哈~謝謝你呀
唔知點解之前無左通知, 我以為無人回覆,
剛剛㩒左入黎先睇到,
謝謝你幫手解答大家嘅問題呀,
答得好詳盡 
你好呀，首先多謝你同另外幾位jm咁有心解答我哋嘅問題！
我對鋼琴一曉不通，但我呀姨想買比佢女女，但我驚佢比人呃，因為佢send D 5千零蚊既2手琴廣告比我（但我見都係Yamaha），叫我幫佢同人聯絡同幫佢睇吓，但我真係咩都唔識。。。如果budget 5千係咪買唔到一部decent既2手琴？
我有刨文，你話Yamaha U1 先去到8級，點解有D琴去唔到8級？我唔係好識，請幫幫指教一下，謝謝！
5千零蚊, 應該只會買到印尼/中國製, 而且琴齡較老嘅yamaha鋼琴。如果係私人出售, 我怕萬一部琴有問題而你地又唔識睇, 買左返黎先知就麻煩, 或者試琴時揾個調音師check下部琴, 希望將風險減低。如果係琴行放售, 問下保幾耐, 上網做下功課, 睇下間琴行做左幾耐, 有無人話中伏?
另外, 其實無話一定要咩琴先可以學到8級, 好多人用大陸琴/數碼琴/甚至屋企無琴都可以考到8級, 不過當越去到高級, 對音色嘅要求越高, 如果部琴唔夠靚, 就做唔到想要嘅效果, 亦練習唔到相關嘅技巧
所以, 如果能力負擔到, 我都會建議一開始就買部好d嘅琴, 而U1係日本製yamaha之中最平, 質素穩定, 而且二手價格硬淨
一分錢一分貨, 沒有最好, 只有最適合 
或者再考慮下先, 而家有d琴行有得租部琴返屋企架嘛, 租住先, 到適當時候先買又得 
1個讚
明白！多謝你既解答！
如果有，我都想一齊研究下，學下野
我都覺得通X嗰個課程好好，請問可以去邊度學教呢個課程呢？