請問老師樂理可以自己睇書自學嗎？
好耐之前老師教一本粉紅色（同青藍色）既書然後去考試。宜家仲可以用這書這方法嗎？
個人琴室……我以前都係社區中心、屋邨琴行學琴，我連邊到會搵到有個人琴室既老師都唔太知道
可以呀,
而家youtube都有好多教樂理嘅片,
自學遇到唔明嘅地方,
search相關字眼,
應該會搵到你想要嘅答案
google search 你住果區+鋼琴老師,
可能會搵到d,
社區中心/屋邨琴行/連鎖琴行, 雖然都有機會遇到有經驗嘅好老師, 不過新手老師更加多
想問下我現在情況練琴(19:00-22:00)都容易嘈到鄰居, 如果換靜音鋼琴好唔好呢? 但上網又話靜音鋼琴會將琴槌距離調過, 非靜音下較難做到弱音效果…
唔知會唔會有影響?
或者有冇咩方法可以唔好嘈到鄰居T_T或者會唔會建議換靜音鋼琴呢?
我已在背部裝左約5MM的隔音棉…
PS: 成人初級學琴
靜音鋼琴, 即係喺部琴度加左個數碼鋼琴系統, 要喺部琴度加野, 就點都會對部琴有影響, even防潮管, 其實都會對部琴有影響, 係睇你接唔接受到果d影響, 可能果d影響對有d人黎講係好大問題, 但對另一d人黎講又無乜所謂, 最好就係, 你去琴行親身試下, 感受一下, 你自己感覺如何呢?
如果你屋企有位嘅, 可以買多部數碼鋼琴, 平時用真鋼琴練, 太夜就用數碼鋼琴練
你鄰居投訴?
其實10點前練都合理
香港地咁多細路學琴，個個都咁練㗎啦…
我哋日日都係食完飯練到9點零鐘
依家隔離座啲提琴聲、色士風、唱歌，全部都不時聽到
全部都係合理，所以ok
有試過鄰居成11點幾仲彈琴
呢啲就想中佢
我都係諗住買多部琴練! 始終加裝靜音系統好似幫個琴做手術, 唔多唔少對佢都有啲影響.
多謝你既意見呀^^
有比管理處敲門講過叫細聲啲…戈日係星期六早上11點半開始彈, 可能我彈得太激… 
彈E先生連環不行事件solo戈part…可能震得太勁嘈到佢
我最多都係彈到晚上10點就收手
你個鄰居夜晚11點幾都彈真係幾嘈喎, 但會唔會打電話去管理處叫人架?
另外中間pedal踩實彈我又聽唔好到啲音(痴埋一舊)…諗諗下都係買個數碼琴算啦
老師可以推介一些 3級、4級、5級的書自學嗎？
謝謝！
想問下, 你之前彈過d咩書? 同埋而家彈緊咩書呢?
你好！我是成人學生人，10年前考了5級鋼琴，考完之後，都一直有學落去，希望可以考8級。由於用了3年時間已經考了5級，老師覺得我的功力不夠扎實，於是5級考完之後，就開始彈Burgmuller 100,105,Czerny 299,Sonatina, Two part invention, Master pieces，Chopin 等。我彈這幾個本書，彈得很辛苦。我發現自己在學琴上遇到了瓶頸，於是我停學了差不多一年，讓自己搵番方向。
說實在，我仍是想考上8級，因為這是我對自己的一個認同。請問我怎樣令自己技巧有所提升？
其實我個人比較緊張，很多時都放鬆唔到自己。
都想問我現在由6級去考，定係一次考8級呢？
謝謝你！
其實要考8級唔難, 如果你想考, 就去馬啦!~ABRSM 6月會出新syllabus呀, 2023-24, 唔好買錯
每一首歌都可以練到唔同嘅技巧, 彈到高級有個老師指引下會好d, 好難靠自己突破…例如你彈d咩會覺得困難呢? 有d地方彈極都甩甩咳咳咁? 彈唔到好快? 唔夠好聽? 唔同嘅問題有唔同嘅解決方法
而如果齋講手指技巧, 可以練scales同arpeggios, 12個調都要練哂, 對彈琴係真係好有幫助
1個讚
多謝你詳細覆我啊！我覺得自己有幾個毛病
- 數拍子好弱，因為我真係好憎用拍子機。
- 彈appregio 係勁差，成日睇錯位，呢個可能聽
你咁講要下苦功去練。
3.彈唔到樂譜要求嘅速度，太快我就會好怯。
4.大細聲技巧未能控制到。
我想問有無一些特定嘅課本可以針對我呢啲問題？
謝謝你無私解答我的困難！
你好呀，我想請問一下我小朋友4歲多剛學琴幾個月，佢而加都仲係睇顔色彈琴，未識睇琴譜。。
想問下通常幾時會教小朋友直接睇譜彈？
佢咁樣學顏色彈會唔會有壞既影響。。？
唔好意思，因為我真係乜都唔識。多謝晒你！
第1同3, 其實都係同一樣野黎, 試下克服個拍子機, 如果你嫌傳統果種嘈, donwload app試下, 甚至見過有d係人聲或者動物叫聲都有, 令自己唔好抗拒拍子機先…要彈得快, 個過程都係大同少異, 首先對拍子機慢練, 對到就加d速度, 逐漸加快, 直至達到你想要嘅速度…如果中間有d位成日彈錯, 可能係手指位有問題, 就要抽出黎研究下點樣彈先可以又快又順手…將問題逐一擊破之後, 就彈得快都唔會怯了
第2, 要呀, 好多歌入面都有scales/arpeggios, 彈得熟係百利而無一害, 試下每次練琴一開始就練少少先, 當係比d手指warm up下都好, 日子有功, 定有所獲
第4, 大細聲技巧都有好多種, 例如一隻手要大聲, 另一隻手要細聲?..又或者漸大漸細聲要做得靚d?..大聲唔夠大, 細聲唔夠細?..等等
你有無問老師呢d問題?
每個老師嘅教法都唔同, 所以我嘅答案都未必係啱, 而我對顏色鋼琴都無深入認識, 所以最好問返佢而家嘅老師…不過我覺得最緊要係小朋友學得開心, 學得開心就有興趣繼續彈落去
我喺好耐好耐之前, 都有試過用顏色鋼琴黎教琴, 不過好快就無用了, 我唔用唔代表呢個方法係有問題, 而係發現d小朋友好叻, 3歲幾都已經認得哂ABCDEFG/12345, 原本我諗住用顏色鋼琴, 都係for一d好細嘅小朋友, 等佢地大d, 都要轉返用琴譜, 而轉又需要一段時間去適應, 咁既然小朋友能力可以, 咁不如一開始就用琴譜同ABC教
1個讚
多謝哂你詳細解答，我會再喺一個新地方重新起步。
多謝你既解答！多謝你的幫忙同經驗
等我都同老師傾傾，問問佢。
唔該晒！！！
答漏左你呢個問題,
其實好多歌都可以, 主要係你彈嘅時候, 想針對d咩問題去彈, 就算係children pieces, 都可以練到好多拍子同大細聲技巧
搵d自己覺得唔太難, 而有興趣嘅野練, 重拾返個興趣先, 加油!~
謝謝你用心解答，我會努力克服自己的困難。大家都要加油呀！
三級既書都扔晒了，同埋都無記憶了…
宜家無練琴成年（手腕受傷），停之前有彈黃色個本Schirmer’s Library of Musical Classics vol 38 Chopin Album for piano，仲有一本叫Masterpieces 但未彈晒。