流行曲嘅話就E先生連環不幸事件
古典嘅話就Moonlight sonata 3rd movement
暫時兩首都有排先彈得到（唔係就咁認到啲音就算），我發覺我都係鍾意啲激昂啲嘅歌
Btw 可能鍾意彈啲節奏快啲嘅歌，變咗我彈慢歌好難拿捏點先彈得好。例如sonatina Clementi Op.36 No.3 2nd movement。我諗彈多啲應該會越來越好嘅～
1個讚
我都係用手機嘅拍子機app，比較方便
不過我屋企嗰部係數碼鋼琴，老師都話我再彈上去要買傳統鋼琴，但其實我之前都有部嘅，但我而家住嗰度係唐樓，搬屋嗰時部琴太高身搬唔到上去
最後只可以比人…
大人幾十歲完全未學過琴。
見宜家有啲堂sell～新手五六堂可以彈到首流行曲嘅班，其實係咪真係有可能學到架呢？
小朋友學緊鋼琴，準備考5 級琴試，同時準備考埋樂理
流行曲的話, 其實伴奏可易可難, 任君選擇,
高級d嘅, d伴奏可以多d變化, 豐富d,
低級d嘅, 都可以彈d簡單d嘅伴奏,
再低級d, 剩係彈到melody已經好開心
所以, 以你嘅程度, 我覺得可以試下彈E先生啦~
流行曲技巧, 好多都大同小異,
彈到一首, 就好易彈到好多首
而moonlight 3rd 就做自己嘅長期目標
慢歌要投放更多感情,
除左彈多d,
聽多d都好緊要
你用緊咩型號數碼琴?
係有可能嘅,
其實彈琴無大家想像中咁難,
不過就易學難精,
要彈得好, 就要花好多時間心機練習
咁無問題啦
想問下流行曲哪搵到譜？
我會聽多啲慢歌㗎喇。老師都會係上堂嗰陣時同我一齊聽一啲歌叫我形容一下嗰首歌係音色、分句、呼吸、層次等方面做成點，應該用咩演繹方式咁。我覺得都幾有挑戰性，好似自己從來淨係識得分好聽定唔好聽但又講唔出好聽在於邊度。
Reply to HIPP:（每次只可出2個posts, 所以我喺度覆埋）
我嗰時係上網俾錢dl 份譜，有少部份流行曲譜係免費，不過近期Hit嘅歌多數都要俾錢。
但其實我見而家坊間有好多機構或者老師都有開班教人配chord彈流行曲嘅方法，基本上你聽到個旋律就可以自己配，因為坊間啲譜有深有淺，有時啲音都會怪怪地。如果你學完呢套方法嘅話仲可以根據你嘅程度去配chord,咁就一定彈到嗰首歌。
同埋自學（YouTube 都有啲tutorial片)或者報呢啲班其實門檻好低，就算你完全冇學過鋼琴嘅人應該都冇咩太大問題，當然有學過鋼琴就事半功倍啦。
1個讚
Roland FP-30x
Btw我到而家都未掌握到踏pedal嘅方法（細個嗰陣應該無學過），啲音都仲係會黐埋一齊聽落唔乾淨或者斷開（仲要自己唔識聽踏得啱唔啱，係老師指出嚟，而家每堂都要花啲時間學踩pedal）。同埋數碼鋼琴好難練到呢樣嘢…唯有每星期去琴室練一個鐘咁。
Ps 有冇人覺得每次學一個鐘真係唔夠？
明白。
咁如果目標只係學一兩首自己鍾意嘅歌自誤 ，請問只係用電子琴咁去學又得唔得呢（屋企有一部唔係小朋友玩嗰啲琴仔）？定其實一定要鋼琴至得？
有時間可以睇下, 會對pedal了解更深
我有一位老師講過,
踩pedal, 其實唔係靠雙腳, 係靠雙耳
我好多學生/家長都係,
明明上完一個鐘, 好多時仲已經超左時,
落堂時都會話 “乜咁快落堂嘅”/"夠鐘架喇"咁,
一個鐘真係好快過架咋~
當然得啦,
如果只係為興趣,
用咩琴都得,
電子琴都有分好多種, 唔同size, 唔同功能, 有d仲有得detect大細力,
數碼鋼琴會比電子琴好, 各方面都似真鋼琴多d,
初初用電子琴或者數碼鋼琴學住先,
到有一日, 自己對聲音有追求,
先再慢慢考慮真鋼琴啦
1個讚
Hello! 想幫自己問
細個時由幼稚園學琴學到考會考，但老師都幾hea底。
廿年後想學番，應該點做比較好？
（兩年前去過社區中心學琴，老師就要我由5級pick up 番，學彈Chopin，但覺得追得好辛苦，同埋成日唔識睇譜、數拍子都忘記得一乾二淨）
覺得5級辛苦, 試下由3級開始返先?
我覺得初初彈返一堆容易d嘅野先,
等自己攞返d感覺先,
攪掂好睇譜同拍子,
先再提升難度
彈琴要比到成功感同滿足感自己, 先可以長久,
如果覺得辛苦, 好容易會放棄
定一d目標比自己,
有d咩歌想彈到?
其實我想由零學起，老師認係這個做法可取嗎？
之前彈Chopin 係開心，亦好感謝呢位老師認為我既級數應該要開始彈Chopin。但係要長時間既練習，講緊係星期六日一練要練成五六個鐘先趕得切進度，再加上睇譜真係好慢，所以有點吃力
目標黎講，我自己最想彈到既係Liszt，不過呢個目標好似有點遙不可及
之前係彈chopin嘅乜野呢?
由零開始, 學返d太容易嘅野, 我驚你會覺得悶喎,
我建議搵個資深d嘅老師,
照直同佢講你嘅情況, 等佢安排
如果你真係想由零開始,
其實可以自己搵d教材,
由初級開始一路彈上去,
到覺得開始難, 先搵老師學返
黃色個本Schirmer’s Library of Musical Classics vol 38 Chopin Album for piano
但去搵老師唔知佢資唔資深呢…
直接問好冒昧
我想學番基本樂理，有時連3/8都唔記得點數拍子，所以就覺得要跟老師而唔係自學
如果係咁, 不如直接學樂理啦,
一次過溫返哂1-5級嘅樂理先
有個人琴室嘅老師應該會比較有經驗,
有d老師有個人網頁, 列出佢嘅資歷