一般黎講, 越貴越靚 
1個讚
睇你要求,
喺你budget內盡量買部最靚嘅
1個讚
細細個學咗3-4年學到準備考5級就停咗。而家十幾年後再學翻, 老師話我都仲有5級實力, 但我覺得自己好多音比之前容易彈錯, 主要係手指成日彈到周圍D key (e.g. B彈咗A/C etc.)
就算再練多1-2星期都係不太能改善呢個情況。一首Sonatina Clementi Op.36 No.3 都可以有10-20個音彈錯…之前細個彈一首2-4頁既Sonatina都係最多錯5個音左右…問咗老師佢又話我無咩問題…請問我係有咩問題同埋可以點樣改善? (練Hanon?但我真係唔鍾意彈Hanon…)
另外, Bach two part inventions 我連最簡單嗰首no. 4都要練3-4堂先算彈得到(但都彈得一般般, articulations有好大進步空間, 左右手又不太協調咁), 感覺自己學得好慢…
另外想問埋點樣練8度但又唔傷手? 我之前都算彈到夢中的婚禮後面D 8度音, 而家就彈得好勉強, 手指亦會成日彈到周圍D key…
宜家放暑假，有無啲簡單的四手聯彈可以介紹下，同小朋友一齊練琴，謝謝
你彈錯嘅, 係成日都係果d位? 定係無固定, 次次彈都唔同位置錯咁?
手掌要好firm咁hold住1&5手指8度嘅距離,
手腕要放鬆有彈性, 手掌可上下擺動,
著力點喺1&5手指, 手指要有力, 其他手指放鬆,
膊頭 前臂 都要放鬆,
彈嘅時候, 手腕要平唔好拱起
一開始抽右手慢練, feel下1&5手指嘅距離firm唔firm? 手腕有無彈性? 膊頭 前臂 其他手指有無放鬆? 有無肌肉僵硬嘅感覺? 手腕有放平?
慢速做好後, 先逐漸加快
有好多唔同程度嘅四手聯彈琴書,
兒歌, 古典, 甚至 迪士尼同宮崎駿嘅音樂都有
你可以去琴行, 搵琴書部嘅職員, 請佢推介d啱你地程度嘅書比你地
而琴行黎講, 我覺得TL嘅職員係pro過柏C好多
7-8成時間錯嘅都係果d位
多謝你咁詳細形容比我知點練 
到時練完再分享下我練成點
我覺得其中一個難點應該係好難拿捏自己到底係firm定tense 
請問考5 級樂理需要將幾多時間準備？
我覺得呢,
因為你隔左咁耐無彈,
一開始應該彈d比較容易嘅歌仔先,
令自己搵返彈琴個感覺, 先再逐漸加深,
又或者一星期練一首深d, 其他歌就彈簡單d咁
可能你睇譜方面keep到5級程度,
但彈一首歌要兼顧太多野,
彈得到又未必彈得好,
勉強彈無意思
所以我覺得要彈返一堆簡單d嘅歌先,
等你建立返處理樂曲嘅技巧,
攞返個感覺之後, 先再彈而家d歌,
就唔會好似而家咁
另外, 唔好介意我咁講,
我覺得老師係應該要幫你解決到問題,
如果呢位幫唔到你, 就唔好浪費時間, 搵過第二位老師
大人學琴係好難放鬆,
要成日提住自己要放鬆,
慢練會容易d放鬆,
所以一開始要慢練先,
多d深呼吸
一般3-6個月都已經夠
hello 多謝你回覆，
3~6 個月是指每星期一堂45 mins 嗎？
多謝你阿, 我都完全無諗過自己可以去彈翻啲簡單啲嘅歌先，好過一味要學晒啲自己暫時彈得吃力嘅歌
其實個感覺都幾挫敗，細細個一星期加埋唔知有冇練一個鐘琴感覺好似好過而家每個禮拜起碼練四個鐘。好似失去左自己嗰時想彈返琴嘅動力，覺得好似自己學極都彈唔掂咁。
不過我諗諗吓又覺得自己好貪心，好急進，一路想快啲彈再難啲嘅歌，但對於目前嘅我嚟講係有啲唔太實際，結果逼到自己咁唔開心，好唔憤氣
我會嘗試調整好自己個步伐先，唔好太急進。其實本身想學翻琴都係鍾意彈琴，想彈到自己鍾意嘅歌，就係咁簡單;)
老師方面，覺得你講得啱，多謝你嘅意見，我都會再睇多幾堂先。
好，練琴時放唔放鬆我自己又冇咩留意喎。不過我每次彈俾老師聽嗰時係會緊張啲，同埋彈得一定比自己練嗰時差…
由於而家彈得唔係咁好嘅關係，我都有用拍子機練琴，不過目前仲係習慣緊用拍子機，因為好嘈同埋細個都冇咩點用過佢練琴，通常係練考試歌先用。而家用用吓又覺得佢幾好， 可以好有系統性咁將一首歌由慢練到快
想另外問我依家都自學緊五級樂理，因為覺得可以幫我理解啲歌同埋sight reading好啲。
暫時用緊AB Guide to Music Theory同Eric Taylor嘅Music Theory in Practice Grade 1-5, ABRSM grade 5 theory exam sample papers
請問有冇其他參考書可以推介同埋自學定搵人教好啲？
Sorry, 我不斷問咗好多問題
一堂45mins-1.5hr不等
視乎係大人定小朋友學? 本身學緊咩樂器? 學到幾多級?
其實考樂理一d都唔難,
而家轉左online考, 比之前更容易,
花多少少時間做習題就無問題
你有咩歌係好想學彈架?
我都覺得拍子機好嘈,
所以而家都用手機嘅拍子機app多,
可以較大細聲
呢d書都ok呀,
你有心機嘅, 自學其實都可以,
搵人教就可以花少d自己摸索嘅時間,
你唔急考嘅可以自學下先,
有唔明就問下琴老師,
或者上黎問我都可以,
加油!
我疫情期間都好得閒呀,
隨便問~