sorry ar, 我暫時個time table full左, 收唔到生了
其實好多樂器老師都係黃, 慢慢搵下,
喺搵到老師前, 自己練返下d scales同sight reading先, 加油!!
我都係for fun/exam都歡迎架,
不過想for fun嘅家長真係萬中無一
1個讚
唔…
教左咁多年琴,
已經百毒不侵,
無咩會覺得煩
而家online考, 唔使考scales/sight reading/aural, 已經無咁煩好多了, 剩係彈歌, 唔使操其他野
剩係彈4首歌，嗰4首歌已經要練半年或以上，睇每日練幾耐，功課同其他課外活動都要時間，其實真係得少部分時間彈其他想彈嘅野，同屋企人四手聯彈Can Can都冇時間練好d，明明有好多野玩，但就為考試而係咁drill嗰4首歌。
顧考試之餘, 都要顧小朋友嘅興趣,
但時間就係得咁多,
所以要練得其所,
越學到高級, d歌就越長,
如果次次都成首歌由頭到尾咁練,
咁多多時間都唔夠,
要集中抽練, 針對要解決嘅地方去練,
老師應該每堂都定一d目標,
等小朋友有目的咁去練
如果要花太多時間去練先練得熟,
就要睇下, 會唔會係d歌對小朋友黎講太深呢?
我唔知算唔算太深，老師唔建議考5級，我要求考試時老師話考試會令小朋友感受唔到學琴嘅樂趣，成件事係我錯。
d歌彈到，但當要計分嗰陣，你個目標就係distinction，背後就係不停去drill，一粒音都要執好。
考試令到由有興趣變成冇興趣， 暫時唔會俾自己時間第幾年考， 我都會考第五級，呢兩年半彈識好多本譜，真係覺得唔考試其實學得開心好多
彈考試歌之前彈緊d咩書?
咁又無話邊個錯嘅, 你想佢去考, 一定有你嘅理由
而家有得錄影考, 已經易distinction好多,
加油!!
大人更加考唔考都無所謂啦,
如果當考試係個挑戰,
完成左會好有滿足感
其實如果程度夠,
唔使花太多時間準備考試,
好多小朋友係越級挑戰咁去考,
所以先練得咁辛苦 
只有幾隻歌仔技巧
老師同學生都只係跟家長意思去做 
你講得好啱，個trouble maker係家長
因為要用music來考scholarship，先去考試，學校其實只係要求即埸表演兩首唔同時期、風格嘅歌(非常易handle，呀女專長performance)，而且有cert冇cert都得，但家長(我)為左成功率，就計到盡，想鋪好路，幻想有張cert就會點點點。
有好多考官，個個考官嘅標準都唔同，有d考官會比低一個grade添，而我地可以做嘅，就係訓練到小朋友無論響邊一方面都完美，滿足唔同考官嘅標準。有d心思細密嘅小朋友重會好在意個分數，家長就更加啦。
唔考試，揀自己鍾意嘅歌去表演，都有臨場壓力，但亦有好多笑位、得意野，表演者同觀眾都好享受。
想請問樓主還會收生嗎？
想請教老師，小朋友k3開始學琴至今 大約學左3年半，依家先準備考2級，依家成日唔練琴，唔想彈，同佢了解傾過，小朋友話對琴唔抗拒 其不是無興趣，只是覺得琴書好悶唔想學，如果學自己鐘意既佢先有興趣（佢鐘意聽流行曲/卡通片主題曲，會自己搵YouTube跟著學，一學可以坐低2，3小時不停學彈）我都好矛盾究竟放棄還是堅持，還是選擇俾佢學流行音樂，依佢興趣去學. 我對音樂不懂，只是擔心學流行音樂 會唔會學唔好基本工？ 謝謝
疫情後我都暫停左收生了
小朋友睇邊d youtube片學彈? 可以share幾條link黎睇睇嗎?
有無同老師反映過? 試下喺課堂加入流行音樂, 提高返小朋友嘅興趣先, 唔好令小朋友覺得學琴=悶
如果個老師好, 學流行鋼琴基本功都唔會差過傳統鋼琴的, 不過又咁講, 如果個老師唔好, 傳統鋼琴一樣會學唔好基本功 
天份總有高低,
睇下學琴嘅目的係咩啦,
如果要做鋼琴家, 就真係要天份高嘅,
同埋天份高係會學得快d嘅,
不過如果自娛嘅, 天份低都無所謂,
只要喜歡音樂, 努力練習, 總會彈到的
我覺得音樂係類似一種語言,
每個人對學習語言嘅天份都各有不同,
有d人學得快d叻d, 有d人學得慢d差d,
但最終, 經過反覆練習後, 都係會識聽識講
1個讚
小朋友隨意YouTube搵咋。想學咩歌就打歌名search., 係簡單版跟著琴鍵著燈彈，自已試一坐就1，2小時