疫情期間我都買左部數碼琴玩, 喺細鋪買咋,
數碼琴大行都係得一年保養, 好少會咁快壞, 但細鋪平好多 
我部 roland 係柏豬買。。
想問想買全新yamaha，香港只可通利琴行？
行貨係,
如果同老師關係好, 記住約埋老師去買,
未必有平, 但老師會有佣, 睇下老師分唔分返比你,
就算唔分, 益老師都好過益通利
想問問鋼琴意見，小朋友3級。預2萬蚊左右買二手，見Yamaha M112 及U1(應該琴齡大）都有呢個價，見多數人都係U1，請問係咪U1會岩小朋友學到8級？謝謝
因為U1係Tom Lee有賣而又係made in japan嘅Yamaha之中最平果部, 所以多人買
其實咩琴都可以用到8級
如果齋比較你呢兩個型號, U1係高身過M112, U1係會比較好
但你要留意返, 二手琴有好多假琴/翻新琴, 尤其U1, 如果你唔識嘅, 建議你買琴時用幾佰蚊請個調音師幫你check下
即係二手琴行都會有假琴。。。
係, 仲好多, U1最多
噢。謝謝。
我以前細個學小提琴，四級，考埋五級樂理，之後停左超過十年。現在重新學音樂，轉為學鋼琴，到琴行跟老師單對單學，一星期一堂，每次45分鐘。老師叫我買Michael Aaron Grade One同Beyer練習曲兩本書。已學了三個月，完成了Michael Aaron Grade One個本書。老師叫我買Micahel Aaron Grade Two書。
因工作關係，我放工後先可以到琴行練琴，每星期練三至四次左右，每次一小時。
我想問我學鋼琴的進度，算正常，還是算快算慢？
我睇琴譜大多無問題，只係每次彈新歌都要先搵音。
我覺得算正常,
但只用兩本書, 我個人認為少左d,
可以稍為加多1-2本書
加多一兩本書，同時學四本書？會不會太多？幾時要開始學一小時？
我只學了三個月，揾音有時唔係咁易。將首歌彈熟也要練幾個小時。
好想將來彈到Richard Clayderman啲歌。但我明白基本功好重要。但要浸好耐，係長期作戰。
遲些會在家添置鋼琴。到時希望keep到每日練琴一小時。唔知仲夠唔夠。
加嘅書, 可以係淺d嘅書,
目的係訓練sight reading,
sight reading叻, 就唔使花咁多時間去搵音,
咁就可以用多d時間去訓練技巧
我d大人學生, 通常一開始已經學一個鐘
Richard Clayderman d歌有淺有深,
唔使好耐就可以試下彈d淺嘅先
加油!~
我初學已經4本， 一本練手指力，一本練手動反應。另外兩本琴譜彈歌仔。 而家學了兩年半， 加多本。一本練手指反應，一本練手指力， 兩本過往abrsm 考試書，一本可彈到5級琴譜，另一本 bach 既書。 其實 已經唔多。 
。 當然 老師會 睇進度選，不同譜教。 我第二個月已經轉學一粒鐘。因為好快過每堂。
多謝分享~
一個鐘真係好快過,
d學生成日落堂都話, “落堂喇?咁快嘅?”
好多謝你地回答我。我仲係三字頭，但快到尾了。好多小朋友細細個就開始學，覺得自己係老人學生。只想勤力啲，用勤力追返時間。
我唯一優勢，就係有五級樂理底，未至於一張白紙咁去學琴。但怕手指生硬，自己平日要返工，真係放工後盡量迫自己去琴行練琴咋。
3x歲好後生,
我有學生7x歲添,
快d買返部琴,
一得閒就可以練,
進度一定會快d
想問樓主會唔會收想考演奏級既學生？
我中學考左8級，依家成30歲人有少少想pick up番
想揾黃既老師，但要教演奏級有d難度
八卦問
請間教那類人最煩?
考試真係令到個人冇曬心機，而家個女報左五級，第一次考，我諗之後唔會特別再要佢考，除非佢主動要求，成個試好煩好冇趣味。好彩一早唔係跟考試課程學琴！
1個讚