哦哦~
計呀 
多謝你咁有心機覆我，我都有係隔離陪住，有時都會自己玩，自己玩時暫時會彈黎彈去都系嗰首歌
good idea，等我同佢約法三章先，先彈後玩…
請問有冇教過D學生佢地去左外國升學或移民，佢哋多數用咩形式繼續學定通常放棄左。你會有咩意見俾佢地？謝謝。
通常d學生過到去安定左後, 就會喺果邊揾老師, 外國d鋼琴老師好多都有料過香港, d家長話同香港d學費比都係差唔多
鋼琴大師
- 想請問有朋友學琴， 把譜全背到腦中， 我知這樣不是太好，會削弱睇譜能力， 但他只想學他心目中的歌， 不是考級， 因他說睇譜很慢， 倒不如令手指純熟， 便能很快彈到一首歌， 這理論你有何想法?
對他日後再學歌有什麼影響?但他一再強調自己不會考琴， 這樣學下去有問題嗎?
- 這是我想知的， 如果要把一首歌彈出感情， 是不是要把歌彈到滾瓜爛熟， 即係唔使點用腦都彈到出嚟， 做到咁， 係咪容易D將首歌彈出感情？
-
我覺得用咩方法都可以, 只要學得開心, 同埋個方法真係可以令佢達成目標就得
-
的確, 背譜可以令彈奏者更專注於彈奏
佢而家學緊咩嘅應該都係比較短嘅歌?
我擔心如果佢唔好好練習睇譜, 咁一路學上去, 就算考唔考級都好, d歌越黎越長, 越黎越難, 佢就無咁易咁快可以背到, 但係睇譜又慢喎, 咁點算?
不過有個教學法, 正正就係好似你朋友咁, 一開頭唔睇譜, 靠聽同彈咁學, 叫鈴木教學法, 但我都唔係咁熟悉, 但咁啱喺BD有人開左個post講, 你可以了解下, 佢應該會比我更加答到你嘅疑問
你好,老師 
小朋友4歲,佢手指無乜力,轉左學理論又嫌悶,問佢鐘唔鐘意,原先諗住大個 d 先學,佢又話鐘意 
咁而家應該係點?邊練指力邊學理論定齋理論?老師話佢手指無力,先轉同佢講理論,點知佢嫌悶瞓着左 
齋學樂理, 大人都恰眼瞓啦, 何況小朋友 
如果手指仔未夠力, 不如玩下d唱遊班先, 提升下佢對音樂嘅興趣, 訓練下音樂感同節奏感, 對遲d正式學鋼琴都有幫助
2個讚
謝謝你呀!
原本我都有同學琴老師講,不如彈 d 歌一齊唱下算,反正佢有興趣,佢自己話鐘意!但學琴老師就一係要佢彈,一係教樂理…搞到我都唔知點好 
如果咁樣,係咪不如轉個老師算?
試下轉, 揾個有多d教幼兒經驗嘅老師, 同老師好好溝通
1個讚
謝謝老師建議
佢嘅歌好長㗎, 其中一首叫給愛麗絲, 佢成份譜背曬呀
想請教兒童初學45分鐘應該幾錢堂？
大約$200左右
你好, 我的兒子5歲, 他跟一位老師用唱d r m (唱遊法)學琴學了一年半, 快能考2級試, 同時一直有練sight reading, 現在小朋友是不能睇譜彈歌, 只懂基本樂理 . 跟住就會學4級歌及sight reading. 老師話當考完五級級樂理, 就能譜彈歌, 一般小朋友7歲左右可以應付五級級樂理試.
我想問其實這種方法, 我是否該找一位傳統老師, 一邊加強返睇譜彈, 我擔一直這樣唱彈, 小朋友將來沒有能力/唔想學睇譜彈.
請給我一點意見.
你好, 我的兒子5歲, 他跟一位老師用唱d r m (唱遊法)學琴學了一年半, 快能考2級試, 同時一直有練sight reading, 現在小朋友是不能睇譜彈歌, 只懂基本樂理 . 跟住就會學4級歌及sight reading. 老師話當考完五級級樂理, 就能譜彈歌, 一般小朋友7歲左右可以應付五級級樂理試.
我想問其實這種方法, 我是否該找一位傳統老師, 一邊加強返睇譜彈, 我擔一直這樣唱彈, 小朋友將來沒有能力/唔想學睇譜彈.
唔好意思, 早前可能按錯Delete, 再post
摘要
想問大人學琴，學生自己摸指法、摸音係咪正常…我老師俾左首歌我彈，但我一級底彈四級野，好吃力，唔知點練
我覺得有點奇怪, 如果一直有練sight reading(視奏), 怎麼會不能睇譜彈歌呢? 基本樂理已經包含認音及拍子, 應該已經可以睇譜彈簡單歌仔?
我之前接手的一些Tom Lee唱遊班出身的學生, 他們也懂睇譜, 只是他們讀音是用唱名(drm), 傳統學琴就用音名(CDE), 另外, 他們大多數也能將聽到/想到的旋律隨手彈返出來, 這項技能就比傳統學的學生強
另外一點奇怪的是, 現在正準備2級考試, 而老師話考完2級後, 跟住接住就會學4級歌? 因為我見通常唱遊法嘅老師好少咁快推個學生去考試, 考嘅係皇家試嗎?
我覺得睇譜彈琴的功力, 應該是由淺入深, 循序漸進的, 雖則準備五級樂理考試時, 對樂譜的理解會增加, 但如果本身連簡單樂譜都不能睇譜彈, 考完後也不會突然就能做到吧? 但另一個角度睇, 你仔仔而家5歲, 而老師話7歲左右可以應付, 即係仲有兩年幾時間, 如果喺呢段時間有慢慢加強睇譜彈琴嘅功力, 咁到時做到都好正常
各種教學法都有其優缺點, 你當初幫仔仔選擇唱遊法
, 係因為咩原因?
同老師講下你嘅擔心, 因為呢個唔會只係你擔心, 其他家長都應該有過類似想法, 老師應該可以解答到你, 另外, 可以嘗試叫老師比你睇下佢其他學生(師兄師姐)嘅表現, 以增強你嘅信心
如果同老師傾完都仲係擔心, 先再諗搵多個老師吧, 因為兩個老師嘅教法唔同, 我怕小朋友會混亂
如果你到時決定都係搵嘅, 上黎講返, 我再話你知同新老師講時有咩要注意
自己摸音都可以, 但摸指法就唔正常,
咩歌黎架?
除左呢首四級歌, 有無其他啱返你lv嘅歌仔彈下呀?
覺得吃力, 唔知點練就同老師講,
同老師多d溝通,
老師應該要教你點練, 你聽唔聽就另一回事,
唔明就問, 唔係俾咁多錢請個老師黎做乜?
hello 想問下買數碼鋼琴係咪喺大行買穩陣啲呀