有冇資優小朋友？一齊研究下教養方法！
大家有冇方法可以減低佢哋嘅壓力？佢哋自我要求太高，怕接受失敗而容易放棄等等既特性
我小朋友唔係資優，不過要求好高，我成日覺得佢比好大壓力自己。
由學轉身、企、行已經係自己一個人先會練習，一有聲知道有人嚟緊就會停，繼續玩
，到有信心先會做比我哋睇。
你小朋友好細個？
我小朋友就嚟升中，小一去心理學系測試過係資優。學習同腦轉數都好快，但講嘢就一舊舊、又成日唔專心。自我要求唔會好高，但就成日執著細節，例如細個唔見咗某樣玩具會唔開心，不過經過幾年嘅人生經驗已經無細個咁執著。
我諗個個資優小朋友性格都有唔同。
凡事慢慢嚟啦！
我小朋友依家4歲
讀咩學校比較岩佢地？
我女讀區內一線學校
Ok? 我成日驚傳統學校唔咁佢地？
另外請問下小朋友細個有咩特徵？學習性格等等。因為6嵗先可以正式test
我覺得要佢習慣一般社會嘅生活，好彩佢學校啲老師都好愛錫佢。
幼稚園時特徵係記憶力強，英文幾好
其實如果只係叻，我唔會做test,但佢小一返學經常唔守規矩、又會大叫、影響課堂秩序，所以先做test睇下有冇其他問題.
過來人表示，呀媽你都係唔好理咁多，放羊冷處理就最好，由你帶我地去test，孭住「資優」呢兩個字就一世，一世都受師長嘅特殊眼光望住，被大眾提高要求線，越搞越大壓力。I am a gifted child,so?
不要做「我想你點點點」嘅呀媽，資優兒童也是兒童。做好呀媽嘅本分，個仔需要啲咩先提供協助，千祈唔好不停塞野（你嘅期望/物質）落我地度，謝謝你
9個讚
冇人要催谷，唔需要咁敏感，係想幫佢地，例如情緒處理
1個讚
我仔似呢隻，遲講嘢，講唔清楚，要見言語治療師，因為咁，六歲做咗IQ Test，資優
佢細個比較靜，會睇到周圍事物嘅細節，亦都有記性，所以讀書都幾好，唔洗點教，但佢砌模型Lego之類好差，細個砌唔到，會喊，大個完全唔掂呢d
對自己冇乜要求，隨心快樂，成日唱歌、打機，一般青年人咁，
佢有自己諗法，我哋唔會左右佢，例如大學揀科，佢一直想做無國界醫生，讀埋法文，話讀呢科，幫到最多人，但上年poly 事件後，佢唔會做無國界醫生了
4個讚
我仔而家4歲多啲，3歲時因為有亞氏保加特徵所以帶佢做評估，教育心理學家幫佢做咗IQ TEST, 未到資優分數但都有咁嘅tendency。turn out 佢唔係自閉譜系但個人好易焦慮，好多嘢擔心搞到佢喺人群之中會好緊張。原本打定輸數佢返唔到幼稚園（之前返啲開心玩音樂pg 都大喊，但同一個老師1 on 1佢勁鍾意），點知佢又ok 喎，可惜遇上停課
我地幫佢揀咗間happy school 幼稚園，課程淺到爆炸，佢開學都已經差不多識哂K1課程嘅嘢，但係佢返學玩得好開心。停課之後日日喺屋企自學數學，只要保住佢地嘅好奇心，佢地會追住你問直至學到佢地想學嘅嘢為止。
我嘅難題係我地一直係母語教育，而家想追下英文，但佢中英文差距太大，好無信心更加唔願講，都好頭痛
怕輸，推薦學捉棋，我仔當年係一邊喊一邊話要繼續玩！
@ piggymama
只要你感覺上佢學習能力好，多d機會俾佢接觸新事物，就夠
英文，建議學phonics，NET 教嗰d，慢慢佢自然講到同讀到
教養聰明嘅小朋友，必須教佢自學，就係教佢閱讀，一生受
唔test，唔等於無孭住任何野
test唔test無關係，我無同人講佢做咗test，但學校d人以"天才"、“神人” 形容仔
老師嘅目光亦無辦法理會，但我相信佢地關心自己麻煩，多過小朋友有幾聰明，引述仔學校數學校隊老師：你仔叻？有無叻到科科100分？無就無乜特別
要求線~ 亦唔覺有乜特別，學校內習慣咗每個人叻嘅野唔到
我有想佢點點點，就係繼續愛學習，健康快樂，同時多體諒老師難處，唔好難為d老師啦…
情緒問題，可以理解、接受佢嘅角度出發
我成日响群組分享：大d就會好…
因為前輩係咁同我講，到仔P5，係明顯有大進步，佢世界多咗妥協！
但咁細，家長易先識同佢感受，教佢講出感受 (包括幫佢講，因為佢地vocab 未夠)，慢慢，成為了解佢嘅人，俾到佢覺得你了解佢好重要，save 夠credit，青春期用嚟扣分！
我仔足13歲，仲會拖我手行街，嗲我
有次响HKAGE 家長小組到，導師有個分享
大家有無諗過，一個大人走入初小/KG 課室，要乖乖留心上課，大家會點？
學習能力強嘅孩子，每日就係响已識嘅課堂、或聽幾句就明，但老師總係講完又講… 真係好煩架！
只要家長從佢角度睇呢個世界，體諒多咗，關係好d，好多問題都可以解決
HKAGE 5月中打後會有返家長工作坊，可以留意下，有時非學員家長都可以參與
我喺停課期間瘋狂同我仔玩boardgames, 佢對輸贏接受程度真係高咗好多。
完全同意培養自學能力，所以我地由好細個開始伴讀，佢中文認到好多字，亦大致睇得明書面語，所以更加覺得要幫佢追追英文。佢學校好好安排家長班學phonics 教小朋友，我仔陪我溫書嘅時候已經學識哂26個letter sounds, 但再深入啲就真係唔識教佢，而家氹緊佢出去學
1個讚
係呀！試下氹佢去試下堂啦！
我地跟開嗰間會先做評估，以孩子進度嚟安排課程、每堂會個個人時間同全班時間 (一班約3-5人)，老師好友善，流失率亦算合理，起碼細仔K2跟嗰位老師，今年 (P4) 仲教緊！
自我要求太高，怕接受失敗而容易放棄等特質，我先生係咁
而佢應該係阿氏保加症
佢話自己寫 d 程式碼簡化到無幾多 % 人會睇得明
至於呢 d 麻煩嘢呢，就好似情緒咁，咪就係會遺傳俾一對仔女，好煩啊
琴日帶咗阿仔去個教室度睇下加約時間做assessment，今日我仔已經開始焦慮發作話唔想去，不斷講