佢真係有dd似亞氏喎！
佢係咪唔多願接觸新事物架？我仔細個衰到每日行A路返屋企，有日有d特別野，要中途轉路，都唔得！要預早幾日，一日講一次，當日又講，接佢時再講，咁佢先會合作
到現時13歲，如果唔記得講老師改咗時間上堂，佢一樣發癲，近半年叫氹下都願去上堂，以前係我$照俾，叫老師走架！
係似㗎，佢都係接受唔到新事物，要俾好多預告佢先得。
原來到13歲都仲會咁
不過有時啲長輩或者朋友都會話係我大太縱佢，咩都俾佢話事佢先會咁，真係唔知點解釋人哋先明
明嘅人自己會明，唔願意體諒嘅人，多講無謂
13歲，進步中，妥協由11歲開始開顯好咗，你都可以話係我"縱"佢縱出嚟嘅，因為佢係體諒我錫佢，開始响小事上妥協，唔發癲！
一個小朋友，除咗家人，又人邊個樂意企响佢嘅視角睇野？去了解佢感受？如果連家人都唔去做，佢會更多情緒問題
2個讚
其實，大家唔好介意我多口，响EK我都係多口水嗰d
我個係highly gifted，我好唔鍾意人地話佢係天才 (好似佢無付出過努力咁~) 又或者，講到古怪先係gifted，無問題嘅~就唔係gifted
資優兒想法同大部份人唔同，佢地轉得快，個腦停唔到落嚟 (我形容為腦部hyperactive)，所以好怕悶，係要搵d野填返上去，學校課堂就大鑊喇… 會發白日夢都好d，唔鍾意發白日夢嘅，就會搞文具、發出聲音，再落去就有d人會搞同學/老師！
我係"幸運兒"，我兒唔好玩同學，佢鍾意自己做自己野，如果老師唔理佢俾佢做練習，就天下太平，好簡單
但唔係個個老師咁睇得開…
所以，後來者，當你能夠從呢個角度去睇佢地嘅行為，你會發現學校老師其實無俾空間佢地，亦唔體諒佢地
親子關係從少做好，呢個係我多年來經驗嘅總結，有時間多睇教養書，人地點睇佢唔重要，重要嘅係孩子知道有你，永遠都咁錫佢，了解佢！
我兒就快步入青春期 (佢發育較遲)，所謂教養方法，已經淨低學術上點幫佢，特別係校外資優課程，如果大家有興趣，我有時間再分享~
其實，我估你地好快知我响EK個id… 哈哈~
真係好多謝你分享…
估錯唔好嬲
我記性勁差…小曳人？
1個讚
個天好公平嘅，呢方面俾人優勢，喺另一方面就會拎走番你一啲野。
好多朋友都會喺情緒上比較差，遇到師長長輩嘅高壓要求，或者事情唔順利都未必可以處理得好，好彩你仔學術都唔差。
不過有陣時都需要學習一下自己處理自己（eg情緒），同埋升中學都青春期大個啦，未必事事比阿媽插手，所以唔使特別擔心話下下都要出手，唔係阿媽你會好唔得閒
唔使咁緊張啦～
回樓主，其實完美主義唔係個個資優兒都有，以女孩為多，一般情況其實好難突然改變，但減壓得宜，會幫到小朋友，建議多陪佢做d佢可能較弱嘅野，如運動，有時間去行山都唔錯，响半日裡面感受一下大自然之外，仲有目標、堅持、有高有低、有困難有輕鬆，有快有慢，應該會有一番感受
想請求，搵坊間邊啲機構做IQ test 有信譽
個個資優生特質都唔同
我建議你去上下d家長講座呀
課程咁,了解下自己小朋友嘅特点.
對平日與小朋友相處好有幫助,
反而我小朋友話上出面個d資優學院,大學課程冇咩特別
中大，近年比較多人搵佢地
的確係，每個人都係獨特嘅！
HKAGE往年9月會搞一個幾間大學聯校資優課程資訊日，有機會可以去聽下，會講到每個院校嘅特式，當時一聽就知科大DP啱我仔 (學術型，自學能力強)，然後有前輩話小學生都可以報架 (會收少量小學生)！結果係搵啱咗！唔經唔覺，仔完成咗3個學年嘅課程，仲以小學生身份，成績好過中學生 ，攞到獎！
所以，多了解可能搵到適合嘅課程！
我仔k，佢轉數快講嘢叻記性特強語文好，創造力同運動都比同齡好，不過佢同時唔專心，記性好例如圖但認字比較差，唔認輸輸咗會發bb脾氣，同唔滿意就大嗌（有時分唔清佢bb鍾意大叫定其他原因好似亞氐保加），2歲前已經有老師話佢有tendency 但未夠歲test。我都唔知佢係BB未大定真係資優，你小朋友細個係點同點教養佢？@kerkermui
從少，我仔數字/文字/圖案好敏感，所以佢係歲幾就開始認字
佢脾氣都大，但因為佢兩歲幾我就有咗細b，所以我花好多時間俾佢足夠安全感，當佢發脾氣時，我會試响佢角度出發，然後講出佢感受 (媽媽知道你咁咁咁，一定好唔開心… ) 俾多d 感覺嘅詞語佢 (Ref, Norma 理盧幼慈 嘅書/工具) 要好多耐性，到佢知你明白佢時，會比較好d，但我仔到初小時爆起上嚟可以喊個幾鐘…
學術上，主要係初時實物+書 (e.g. 行科學館+主題書)，行超市講數學 ($20/3個橙, 咁6個橙幾多錢?)，乘數表poster 放房間，自己搞掂，因為佢認字早，K2左右已經睇科普書，反而故事書要到初小先睇得多d，佢P5就睇金庸！
anyways, 孩子問乜我盡量答，唔識就同佢一齊google，教埋佢自己搵答案，生活上多d DIY, 佢唔參與都要睇，明白家品、食物係點做嘅
有d人好抗拒電子野，我地係限時制，用自己電子產品，係中一開始，之前係買實體書，(P6 有買電子書俾佢，主要係睇小說)
只要佢想問想學，盡可能俾佢，每年暑期係接觸新事物嘅好時間，我報好多青年中心嘅活動，有d明知佢唔鍾意，都俾佢試下，唔試過點知會愛上呢？其實只要隨興趣走，可以去到好遠
有朋友大女能力超班，但响傳統女校好多麻煩，到細仔時，佢限制住佢學習進度，唔俾佢超前學習，結果係失去學習動機
最後，孩子仲細，會唔會考慮生多個弟妹？對大嘅同人相處上，有好好嘅影響，我地當時諗：你越係脾氣壞，就越係要生多個！結果係… 我家大嘅比細嘅需要對方！
其實佢情意發展上，我地做得唔夠好，真係要到小一評估後，先開始體諒佢，而佢面對嘅老師大部份都係唔能夠包容佢嘅…
建議家長睇下教養書，對處理情緒問題有一定幫助