我係SEN治療師, 剛做咗FTM, 想傾下計
我原本係治療師專做SEN學生或者擲界嘅學生, 我超鍾意小朋友, 等咗好耐終於有自己嘅bb啦, 所以上年年尾決定全職湊bb, 睇住bb日日大個好開心同覺得好奇妙, 但係覺得無所事事好似冇乜目標, 始終一直返工做嘢, 冇試過咁長時間留喺屋企做家庭主婦, 生B之前有上過BK㗎, 而家轉咗嚟睇呢度, 我教SEN嘅小朋友或者訓練擲界嘅學生都有啲心得, 但係對於照顧初生bb就係新手, 開po純粹想傾下照顧初生bb既野或者有關於SEN 兒童嘅嘢可以同大家分享, 謝謝
人大咗知自己係咪sen有冇用？
點先界定係SEN？
你有咩想問照顧初生bb隨時問我地，我地都好樂意教你。我個陣都係邊學邊湊。
好開心見到有回覆呀 
覺得好感動, 好想喊呀\
我本身係做sgh，遲下都打算resign轉做ftm。
其實我自己本身都想返工，但做過呢行真係好難放心交比人地湊，因為做過太多因為原生父母唔識教而影響小朋友日後一生的case，所以生得佢出尼就想負全責呢個諗法好大。
我都係湊細路有d心得，但自己做媽媽（加上人奶媽）真係第一次，嗰種辛苦又唔同湊細路的辛苦
3歲以下係咪冇得知有冇Sen ga
咩係SGH~~~
講開原生家庭，我上年參加左Robin Grille嘅workshop，其中一個講inner child好正！！
佢兩本書都係必讀！！
我都做左3年FTM, 當年都覺得好辛苦好難捱，而且無收入個感覺都幾唔良好，但而家回想，親子緊密的關係就係當時建立。後來細仔出細，請左姐姐湊細佬我返番工，雖然細佬都好鍾意媽媽，但始終有少少唔同的… 同埋，我miss左細佬轉身同識行的時刻，都有少少覺得遺憾 
我喺讀緊做治療師就覺得自己應該係adhd, 我當時覺得好開心嘅, 因為有SEN嘅問題其實唔係一件醜事丫, 有時仲幾有型㖭, 而且我做呢行中仲可以了解到小朋友第一身嘅感受 , 我覺得有用
喺我讀緊psycho再考緊緻治療師牌嗰陣陸續有啲朋友會認真咁問我, 覺得自己有專注力不足或者讀寫障礙, 佢哋做緊唔同嘅職業, 例如hr, sales, 美容, 會計 …佢哋同我講嗰陣都會覺得唔開心, 怪自己, 或者覺得父母當年冇了解佢哋覺得有啲委屈
我就覺得如果已經係大人, 咁即是你經歷咗學習階段又或者搵到自己係社會嘅路, 咁係咪sen對你嚟講, 只係心理方面嘅影響, 實際影響應該唔大
佢而家就快五個月, 流好多口水, 我媽媽話可能會就嚟出牙, 我覺得應該係口水問題, 令到佢塊面紅卜卜, 日常影相比四大長老睇就怪我照顧得佢唔好, 問我佢係咪濕疹話我可能佗佢嗰陣食生冷嘢, 唔開心囉, 做咩要講喺我呢?做媽媽嘅唔通會故意整衰自己個仔咩 
我幫佢勤搽凡士林, 好似有幫助, 樽野出院時姑娘比既, 所以我跟住用但係最近有朋友教我買mestella同caterpillar , 話高度保濕抗敏, 我諗緊買唔買
點解D回覆唔喺返想回覆嗰個人嘅下面嘅, 咁咪跟唔返囉? 係咪我撳錯制定係個設計係咁㗎 ?
我囝細個飲母乳一有咩事就係我啲奶有問題嫁喇！！餵奶又唔戒口！！
然後佢用金銀花同佢沖涼，成功左就會話嗱，成日話科學科學，信老人家就啱家喇！！！
我覺得我社交能力係學習返嚟，而唔係天生識。奈何日常工作上成日要接觸人，有時會覺得吃力。人大咗有冇方法去做啲乜，令自己更接近一般嘅社交模式？
同感, 甚至一有咗嘅時候就開始諗BB出世之後會點, 曾經超擔心, 因為始終有啲係gens嘅問題, 真係眼見太多奇難雜症, 令到父母心力交瘁, 所以bb健康就真係已經感恩
一睇到呢句好似有聲咁呀 …根本冇話唔信你, 點解要落井下石呢?其實我聽到你呢句, 覺得你串緊我囉
如果嚴重嘅兩歲左右就會睇得出有一啲症狀, 真正確實既話要去到五歲比臨床心理學家或者醫生 做評估
有啲個案係擲界嘅咁喺五歲之前做治療或者訓練會有好大嘅幫助或改善, 如果只係家教問題引發嘅症狀, 會好(醫返好)
但係如果係原生由大腦或者基因引發嘅症狀, 就(唔會醫返好), 只會治療或訓練中得到改善或者提升能力
呢樣佢哋最叻，就算對住小朋友都係。
人哋跌親嫁啦，第一句係話左你嫁啦，叫你唔好咁又咁。。。。。。
其實小朋友都知自己衰左，喊都唔敢喊。。。。
我囝好勁知道自己衰左嘅嘢係唔會喊，8個月走去摸到床頭燈起晒水泡都唔會喊，我有懷疑過佢係咪冇咩痛咁
我係學院派嚟嘅, 我強烈認為係由臨床心理學家或精神科醫生去評定嘅 , 咁講呢?
因為坊間實在太多由社工, 治療師或者一啲特殊教育工作者做一啲評估就話個小朋友係sen, 咁樣係唔正確嘅做法
另外, 雖然臨床心理學家或者精神科醫生喺評估入面寫咗小朋友喺SEN或者傾向sen, 但經過訓練半年或者九個月之後再做評估, 得出嚟嘅結果會有唔一樣, 原因可能係受咗訓練又或者係小朋友成長而改善, 亦有原因係每一次小朋友見心理學家或醫生嘅表現有唔同
做家長嘅應該正視小朋友係唔係sen呢個問題, 之後積極咁去幫佢, 而唔係避開問題, 又或者覺得評為SEN就係死刑
因為生命入面藏住好多可能性, 尤其是小朋友, 佢哋嘅可能性係無窮盡而且千變萬化的
我從來唔覺得SEN係死刑，只係用唔同方法去處理。
利申：我冇親身接觸過SEN，不過喺街見到我會理解。