因為我算高齡產婦所以我一早請咗姐姐幫手, 本身我仲預埋長老會嚟幫手㖭, 湊bb嗰種攰同返工完全唔同, 而且好困身
有時自己想偷偷抖下就會放手畀姐姐照顧, 但幫我發覺連續兩三日由姐姐照顧多咗, 發覺阿仔見到姐姐笑多過我, 有時見得閒會開佢個cam影住佢諗住記錄佢第一次轉身或者玩口水, 但係越影就越唔做, 做緊嗰陣又影唔切, 激死 
我囝都係咁。。。。所有嘢收埋冇人時自己練習轉身、企、行，一有聲就停。到佢有信心自己做到先會表演比人睇。
我哋都係喺CAM先見到佢練習
1個讚
見好多SEN嘅家長朋友受歧視或者好受氣, 的確令佢哋灰心同氣餒, 好多時同星媽媽傾偈佢哋都會喊, 覺得無能為力
社會上面多啲人了解sen, 唔係對佢哋包容, 而係覺得佢哋同我哋一樣, 咁樣先至可以做到支持, 十隻手指有長短, 我哋唔會話包容短嗰隻手指架, 係現實麻
1個讚
你有呢個心態已經係成功嘅第一步 , 認清楚自己嘅不足並勇於改善去配合整個社會需要
其實好多嘢都係從生活體驗學習返嚟嘅, 可能你先天社交能力弱啲, 從成長過程學到都唔錯呀
你可以回顧下身邊有邊啲人社交係叻嘅, 佢點做?講啲咩說話令到你覺得佢叻?佢嘅行為點樣令到你覺得佢係社交能手?先觀察再模仿, 唔需要學做到十足十, 用番你自己嘅style去演譯
身邊嘅人可以係朋友, 親人同事甚至乎睇戲入面嘅角色
我認同唔需要包容短手指。
係理解多左係知道佢需要較多嘅時間，力量去處理情緒或者其他問題，咁就比時間佢去處理。咁算唔算包容？
我而家返緊工，黎緊都會轉做ftm，大家多多指教
1個讚
除非你識得點樣照顧或者幫助SEN嘅人士, 唔係了解咗佢嘅需要之後做嘅包容反應, 唔知佢哋有咩感受, 因為好多懂事既SEN人士感受到人哋遷就緊佢, 未必因為咁而覺得開心, 可能覺得自己係負累, 甚至覺得自己做錯…假設實在太複雜, 同埋實在有太多唔同情境啦
一般做朋友或同事嘅輕輕鬆鬆咁相處, 真心真意既行為仲容易同佢哋溝通, 如果係陌生人就唔好成日睇到啲特別行為就認為對方係sen, 其實可能對方只係偶爾係咁, 或有啲壞習慣…
其實又冇話要點做先係好嘅, 宜家成日講包容其實係好既, 我想提出嘅係有陣時(包容)呢個行為係標籤咗某啲嘢
我都好中意小朋友o家
之前都有跟長輩一齊湊過BB, 有咩唔明可以上黎問
我諗好多同伴會樂意解答=]
其實我都好想做FTM (不過我未有小朋友, 第一胎不幸流產了 
)
可以邊做家庭主婦, 得閒做下part time係我既夢想 XD
明白~~~
我囝唔係SEN(應該唔係，冇check過)，但好多時係公眾地方發脾氣，做媽媽只可以唔理人哋眼光去處理，我想講嘅係其他人如果知道呢啲係小朋友發展必經嘅階段就唔會有太多不必要嘅目光同說話。
有啲真係會插咀小朋友咁曳淨係識蝦媽媽、再喊就打打
最後bb會返嚟你身邊架
1個讚
我做ftm之前開始打機 培養定喜好, 對於打發時間同埋搵個目標有幫助
我想請教下,我小朋友已確診係sen,醫生都有開葯比佢食,但其實有無咩訓練可以比佢係屋企做改善情況,因為屋企長輩都唔想比佢食,呢家停課想揾下方法比佢訓練下,謝謝你分享
夜欄人靜時
諗諗下都會喊
1個讚
Small Group Home
（抱抱你）
1個讚
[quote=“Fiona8, post:24, topic:9849, full:true”]
你有呢個心態已經係成功嘅第一步 , 認清楚自己嘅不足並勇於改善去配合整個社會需要
其實好多嘢都係從生活體驗學習返嚟嘅, 可能你先天社交能力弱啲, 從成長過程學到都唔錯呀
你可以回顧下身邊有邊啲人社交係叻嘅, 佢點做?講啲咩說話令到你覺得佢叻?佢嘅行為點樣令到你覺得佢係社交能手?先觀察再模仿, 唔需要學做到十足十, 用番你自己嘅style去演譯
身邊嘅人可以係朋友, 親人同事甚至乎睇戲入面嘅角色
[/quote]多謝你，你真係好counsellor 感覺。我最大問題係無一種社交instinct。例如有同事向我呻唔開心，我有好多時個腦只諗直接處理公事，而無理同事呻乜，直接問公事相關問題，我成日唔記得acknowledge同事感受先。次次事後先記得做漏咗，呢樣野有冇方法改善？
我認為小朋友有sen嘅情況好多時都有其他特別嘅特長, 你好難過又力不從心, 有時受到歧視或者冷言冷語
堅強啲捱過去, 為咗小朋友同為你自己克服呢啲難關, 一定會柳暗花明又一村
冇幾耐之前我有一個學生佢入讀主流學校k1, 開學後冇幾耐就畀老師嫌棄, 主任同班老師不停勸佢轉去特殊學校, 政府精神科醫生評佢個仔係智障, 經過好多唔同嘅訓練, 捱咗一年冷言冷語不停投訴不停用刻薄嘅說話話個家長 …臨放暑假嗰陣再見多次評估醫生話佢個仔進步咗好多, 唔需要轉去特殊學校, 而且只係某啲社交問題擲界偏向自閉症, 學校睇到封信之後就話見佢喺學校都有改善有時仲畀其他小朋友呢佢可以繼續升讀k2
我陪咗佢個小朋友成長兩年幾, 見到佢終於得到認同, 都感到好開心, 媽媽除咗講多謝之外, 話覺得自己好似由地獄折返人間一樣
2個讚
首先如果精神科醫生建議食藥, 估計都係控制小朋友情緒同埋專注力嘅功效, 一邊做訓練可以一邊減藥, 治療師同醫生保持溝通
咁嘅情況下利用訓練去幫助小朋友唔依賴藥物去提升佢嘅能力減低佢嘅症狀, 係work 既, 但需要從序漸進, 並唔係做訓練就完全停藥
如有啲小朋友佢會無緣無故發脾氣有自殘嘅傾向, 咁用食藥去控制佢哋嘅情緒確實可以減少佢自殘傷害自己, 而提升專注力方面, 食藥亦都好顯著嘅效果, 但係咪必要呢? 家長就要同醫生溝通返, 藥物帶嚟嘅side effect同藥力帶嚟嘅功效係咪食得食啦
我教咗幼稚園13年生b，大仔依家七歲，只可以話教書同湊仔係完全兩碼子嘅事，而家做咗過來人，睇返轉頭，最緊要大家開心、輕鬆，對於佢哋發展，唔好太用專業去判斷，會好有壓力！
互免之
3個讚
方法有好多, 首先要知道小朋友嘅弱點同埋最需要幫助嘅係邊個部分, 另外搵出佢嘅興趣根源再配對相關嘅訓練, 鍾意玩玩具可以試遊戲治療, 音樂好敏感好有反應嘅, 可以試音樂治療, 鍾意大肌肉活動刺激觸感嘅就可以傾向做物理治療或者感覺統合
如果而家停課唔方便去做治療又唔想訓練員上門, 我建議家長同小朋友講故事, 傾偈, 未必即時有反應畀你睇到佢學咗嘢, 或者有心深嘅感受, 但係每日都重複做相似相關嘅嘢, 佢哋係有吸收嘅, 講故事同埋傾計係一個好好嘅時機裝一啲抽象嘅意念入佢哋個腦袋, 乜嘢叫守規矩?乜嘢叫做聽指示? 點樣表達自己? 呢方面嘅故事書有好多選擇, 你可以考慮下