試左2年都唔得 近幾個月的起心肝努力備孕
食緊葉酸，用左排卵紙
仲有咩做呢？大家分享下心得啦！ 
1個讚
試咗兩年都唔得，如果唔年輕可以plan吓睇醫生
我都係一開始食葉酸同用試紙，年幾都無就開始睇醫生，醫生會驗血check hormones，唔夠就食藥補，亦會照超聲波確定你邊日排卵，係左定右排
不過如果後生仲有時間，可以自己先用試紙試耐d，同埋睇中醫調理吓，另外我仲試過浸腳，艾灸，呢d就算對備孕無用都對身體好，試吓無妨，加油呀
今晚開始試下浸腳先！
我們努力左4年，到最近見香港錦都想放棄，
最近無太多野做過，只飲了一個月多三棗水（一星期一次）打算調下月經問題，行左一次，就中咗
3個讚
第一胎試咗大半年都冇，排卵紙乜都試過，之後去睇中醫調理，冇耐就有咗啦。
睇下中醫調理身體，飲下桑寄生蛋茶，幾有用，平時飲調理下經期問題都得，果陣兩樣都有做，無幾耐試左兩個月有咗
懷孕期間都一直有飲下桑寄生蛋茶，可助安胎～
另外，備孕要早3個月開始食葉酸
我睇左2個月中醫就中左. 當然重有其他配合啦.
「被」孕方法呀嘛？
1個讚
試吓完事後「抬高對腳」，可以增加受孕率
（我就係咁做，一次搞掂）
當然要計埋排卵期
放鬆心情好重要, 當年都試左好耐, 最後半放棄順其自然時就中左了
呢個咁嘅時勢，不如算喇
兩公婆去家計會檢查下
排卵期前後做密d
不過我同老公為做人而做，大家知道到排卵期，反而好易有壓力無mood做唔到，我仲大壓力到喊
所以我調整自己心情，唔好太強求，加上唔好俾我老公知我排卵時間，咁老公會無咁大壓力
另外我自己一路有睇中醫，戒左凍飲生冷野幾個月
同埋老公備孕有飲左一兩個月雞精/滴雞精
我自己大概試3個月就中左
而家廿幾w啦
（之前中過一次，不過5-6w流走左）
不過每個人身體狀況唔同，得唔得千祈唔好怪自己，有需要就諮詢下醫生，祝好孕
睇中醫 放鬆心情 兩公婆都要檢查
試下隻想孕滴雞精 識人飲左半年中左
當然人人體質唔一樣
但應該都可以試下
如果2年正常性生活都唔中, 真係要睇下醫生好啲
我依家都有食葉酸 (400mcg就夠, 唔使太多)
朝朝同一時間量基礎體溫, 用埋排卵試紙
不過我仲未交功課XD
上年曾經有過BB, 但自然流產左, 我都努力備孕緊
星期六會去睇另一個中醫
(中醫都要睇下夾唔夾自己, 我之前睇嗰啲就唔太夾)
另外我推薦你係youtube search “醫師好辣 陳保仁醫生”
佢講好多關於備孕, 懷孕既知識
一齊加油吧 
結左婚試左2年幾都唔得
之後去排政府醫院生育科
(怕太高齡冇得人工受孕 好似排好耐 又要40前)
點知報告未出就有左
其實心情壓力都有影響嘅 放鬆啲啦
之前有用試紙 又有浪起對腳都唔中
有果次係岩岩旅行完
我自己早2個月又開始食補充品 又有蒸身果啲
唔知有冇影響
睇黎心情都好有影響
我就係放鬆唔到 好大壓力 老公都好想要bb
我見時間每日咁過 自己就越黎越老 就越心急
如果真係勁想要
都建議你去排下公立醫院生育科
聽說而家好多廿幾歲都排架啦
佢會同你抽血check排卵 先生就驗精子果啲
起碼知道個問題係邊先
同埋政府排得嚟都3 5 7年
你中間放鬆心情
可能未駛去到人工/試管都自然得左呢
睇中醫，老公其實都一齊睇都有幫助。
不過可能會好抗拒，但可以叫佢當調理下身體，精神啲都有幫助！
其次就做運動同relax去享受，就可以！
一齊加油啦，我都係食葉酸同用排卵紙,岩岩開始努力