泰國我好彩未試過。
我有同事好易中招既，響越南同菲律賓都分別試過撞到奇怪野，等我開post再講
4個讚
同事係容易中招體質，但偏偏佢間唔中就要出trip.
有次去東南亞，我唔記得係菲律賓定越南，我地公司book開果間酒店full左，所以book左另一個差唔多level比佢。佢入房時話未feel到有事，但響房度睇睇下電視聽到水聲，去浴室睇又冇野，但一坐底又有水聲。
佢覺得應該會有下文，所以即刻落去換房，點知又冇房換。佢唯有死死氣又返上房。
今次佢坐落床度時feel到隔離有壓力，好似有人坐響度。佢嚇到想起身，但起極起唔到，好似有人禁住佢肩膀唔比佢起身咁，佢勁驚，跟住個心係咁唸佛經，搞左好耐先起到身。
結果佢落左大堂坐天光，冇再上過房。
以下事件係我同事講佢朋友既經歷。
朋友一家三口搬新屋，仔仔自己有間房。仔仔成日話間房有味，唔肯自己瞓，佢地以為係岩岩裝修完有味未散，所以不以為然。同埋話個仔要學獨立，所以唔比佢去大人房同床。後來仔仔成日病，又發惡夢，D長輩覺得唔妥，以為係風水問題，就搵個風水師上去睇下。
個風水師睇完，就話個小朋友間房唔可以再瞓，佢話有唔乾淨野響間房，比左另一個電話叫佢地聯絡一個茅山師傅。個師傅上去睇完，話果間房以前應該C過人，D味係屍味，小朋友比較敏感先聞到。
同事朋友話check 過晒唔係兇宅，唔明點解會C過人，個師傅話有時有D人自然C又或者意外C響間屋度，報紙唔會報，未必check 到…
陰功個小朋友
我好鐘意睇鬼故架，可惜呢個POST咁少人覆。so far 好彩我又冇乜好嚴重既經歷，但身邊都多人中。我最鐘意同朋友同事圍埋講鬼故架。我想整理下再響度share…
冇試過撞鬼。
留名 精彩!
我媽細個住鄉下，細細個就要響水井攞水。響佢7,8歲既時候，有一次佢攞水時丟左入個井到，佢雙手撐住幅牆支撐左一陣就頭下腳上咁丟左落去。佢話響水度突然聽到耳邊有把聲話「唔係你」，跟住就有股力量推佢上去，明明D水同井口有距離，但佢唔知點解就伏左響井邊，仲要係頭上腳下，於是佢即刻爬出去。
呢件事之後婆婆有好長一段時間唔比我媽咪去井邊。而過左無幾耐之後，有個同我媽差唔多年紀既女仔就丟左落同一個井度C左。
1個讚
留毛 等睇鬼故 本人好鐘意靈異嘢 但自己又十分低靈 
wah 好恐怖
媽媽group 講啲鬼故真係特別恐怖
個到甘猛 你都敢租嚟住 你都好大擔
因為知道係身邊朋友經歷，所以我聽時都覺得特別恐怖。但我又好鐘意聽喎，哈哈
一模一樣經歷
長洲嗰間丫嘛
行入少少
地勢高啲嗰間
嗰陣同兩老去
呀媽都聽到
呀爸就冇
留名之後睇.
我弱弱交一個唔太算係既先,
幾年前去黃X海岸某酒店住一晚., 入住前講到明唔要尾房.
點知到去都係比左尾房我. 其實都唔太鐘意但老公話睇下點先啦.
CHECK IN 時大約下午3點左右. 入到房有陣味, 已經開始頭痛.
都算啦可能我乿諗. 咁個時老公講緊電話我唔騷擾佢. 我就坐係床度睇下間房.
因為頭痛越黎越嚴重. 打算開電視睇下分散注意.
我搵緊開電視既遙控打算開電視既時侯 (我老公個時去左廁所洗手)
係個電視MON見到有個白衣影係由左至右慢慢飄過…
呢刻我真係頂唔順但冇講住. 同我老公講我真係好頭痛.
不如拎返野落樓下休息下先. 去飲下野.
落到LOBBY我先講返件事比佢聽. 同佢地職員講話要轉房.
佢問點解我話一黎我入住前已講唔要尾房. 二黎我係房真係好唔舒服頭痛.
睇到唔太應該見既野.
佢地後尾都有搵房比我. 但換左既房又係有陣UP味好臭. 不過就冇事發生.
但全晚都訓得唔好.
我相信就算請我去. 我點都唔會再去呢間酒店. 
呢個係我舊同事同學既經歷。
呢位同學同老公好恩愛，結婚冇耐有左，佢又好迷信，有個師傅佢每隔年零就要去搵一次。佢有左之後叫個師傅幫個b擇日子同時辰出世，個師傅竟然拒絕，叫佢過左唔知幾個月先再搵佢。
跟住冇耐佢老公有第三者話要離婚，連紙都簽埋叫佢簽名。跟住佢自己身體又出現問題，佢好傷心，因為個b仲未夠24週，佢選擇落左佢。點知落左之後佢老公話後悔決定唔離婚，會同個女人分手。佢身體又突然之間冇事。
佢過左幾個月返去搵師傅，個師傅先解釋話個B係唔知乜嘢托世(唔記得)，會剋死父母。佢一早知個B唔會留得耐所以先拒絕擇日子。
2個讚
分享一單先
6,7歲時屋企得來一株曇花
眾所周知曇花一現同夜晚先開花
我細個瞓上格床
剛好望到放喺廳盆曇花
半夜我突然醒
就起身裝下盆花睇佢係咪真開花
點知見到隔離盆花有團灰濛濛嘅人形物
無五官 形狀似男廁公仔 身材似正常大人
開始時以為眼花
我無理 心帶懷疑瞓返底
唔識死又起身望多眼
團影轉左托腮 似欣賞緊盆花
最後仲好似發現我望佢咁
之前我驚就瞓返
第日同阿媽講 又係唔信我
男廁公仔
嗰啲剪影鬼真係最恐怖
出哂雞皮
我細細個就有陰陽眼 到左十幾歲之後就冇
但都係好易感覺到
好記得細個去左婆婆屋企 媽咪做緊野
就叫左細姨嚟接我返屋企(我大概4.5歲)
正當我地等緊電梯時 我就同ee講
Ee點解你後面甘多人嘅 佢就向後望一望
都冇 小朋友唔可以亂講呀
之後我一路向後退 指住ee後面(佢開始覺得唔對路) ,跟住我話佢地行緊埋嚟
我ee一話不說 就抱起我走 行樓梯落樓
其實係ee同我講返 話我見到有人個時個樣係好驚
所以唔理甘多 抱我走先
自此我就開始睇到好多唔應該睇到既野
細個住大角咀10年左右
開初幾年無乜事，到最後嗰2年晚晚都好驚瞓覺
有時入睡嗰時就有耳鳴，然後就會有好多雜聲
然後全身唔郁得，想大叫都叫唔出聲，淨係聽到好多人喺我耳邊講嘢嘻笑
試過唸天主經但係曾經有一把好尖銳嘅女聲喺我耳邊講: 無用架
最記得有幾次心口覺得有人坐住咗，感覺好似有個屁股喺心口上面郁嚟郁去，feel度嚿股骨
最後都係要啲雜聲過去，先可以睜開眼，郁得返
之後搬走咗就無再發生咁嘅事
呢件事我無同屋企人講過，唔知佢地有無咁嘅事發生過