有晚凌晨搭van仔經過屯門公路，我坐喺司機位後面嗰行，見到有個波喺路中心彈彈吓好似有”人”打緊波咁，但前面完全冇車附近又冇住宅之類，所以應該唔會係有人半夜三更掟個波落Highway度。而個司機都見到仲嘩咗一聲
試過有晚瞓覺突然唔郁得，自己知乜嘢事。
跟住講左句：X 你老X ! 咪阻左瞓覺，再唔走，我一定搞返你轉頭，跟住無事繼續瞓。
老公霸氣屌鬼
好多年前喺大學做野，老闆有份ppt叫我幫佢整理一下。我打開ppt見到有好多張關於香港紙紮舖嘅相。當時仲後生，我打開見到就講笑話漏咗架車。
整好之後交比老闆，第二日佢又話改font 叫我再整，咁整定又交比佢。 無幾耐佢笑笑口同我講：“你真係加咗部車上去？” 我話咩呀？ 佢就打開file, 最後一頁加咗紙紮車。
到依家我都唔知係老細玩我定係點。。。。
好恐怖，咁近對望。一定封窗加窗簾
我住咗了3年凶屋…長期病，鬼壓床，無故臭味，仲有其他…
根據姪子形容：姨姨屋企好多人好逼…姪仔次次去完我屋企都會發高燒
勁驚喎，點忍到三年咁耐？
我都係每次比鬼壓之前會耳鳴，同聽到好嘈雜聲。
試過一次見到一團黑影好快衝落我到就郁返。
我因為成日出差，經常住酒店，如果住嗰晚耳嗚就一定中。有一間係醫院區既酒店，連住三次中三次，仲要自己著房燈，之後同公司講頂唔順一定要轉酒店。
我係高靈人士，可以問我，我都有少少經歷。
有啲事情比住兇屋更恐怖
我農曆七月時撞過鬼，七月十五果晚發左個好真實既夢，自己去左陰間(個天係灰黃色，無陽光)，仲見到一個已經過世既親人，突然間有個唔識既女人飄過(真係飄住，唔係用腳行)，突然間成個頭哄埋嚟，我即刻嚇醒咗，之後成個月都不停頭暈，頭痛，成個人好唔舒服，期間有一次搭lift返屋企(自己一個人)，我禁關門制，部lift閂左門之後又開返，連續三次都係咁,當時我已經feel到係撞鬼，跟住大聲講左兩次喃嘸阿彌陀佛，之後就閂到門，第二朝六點半出門口返工，一打開鐵閘耳邊聽到有兩把笑聲(真係喺耳仔邊傳出嚟)
支持鬼故專區!
留名睇故仔~
我有個唔知算唔算撞鬼既經歷，我在許冠英過身前幾日見過佢，但新聞話佢係在家中過身一星期才被人發現。
咁點解決？
試過查日腳，燒衣紙，燒街衣，掃符都無用，之後有人建議我每日曬返多啲太陽，然後慢慢就好返
1個讚
正喎！等你講下你D深刻經歷呀！
我老豆做屋村保安，佢同事試過某段時間晚晚深夜特定時間都有人按大堂門鐘，但望CCTV又唔見人喎，連續幾晚都有同樣情況。佢同事驚到唔敢返夜，咁我老豆就幫佢頂一晚。果晚佢巡樓，發現原來有個獨居人士C左響單位入面…
發現左條C之後，深夜就再冇出現按大堂門鐘既情況。
仲有次就係我個Friend同佢d同學四個一齊去泰國玩，為慳錢大家屈蛇住響一間房。咁岩對面房又住左四個香港人，佢地出入撞到就企響房門口傾左一陣計。
傾左一陣返入房之後，有個同學問︰「對面房唔係同我地房一樣size既咩，點解住到咁多人？」原來佢見到間房入面有成五六個「身影」響度…
1個讚
呢個真係細思極恐系列
好恐怖 我去泰國都會驚酒店睏 不過我係低靈人士 暫時無發生過靈異事件