你朋友而家甘仲有冇離婚呀
妳講得岩
嗰排我去廁所都有陰影
形住啲人形剪影會突然郁
俾野責…
仲有一個係我大仔（當時歲幾2歲左右）
我地租第一間屋嗰時
有一晚，我地一家三口喺哂房（間房無關門，只有門欄，可以望到個廳，對住大門口）
嗰時個廳熄已經熄哂燈，個仔突然無啦啦啦企喺度望住個廳笑，仲揮手講bye bye
嗰時夜晚10點幾11點左右，個廳已經熄哂燈，肯定無人
我同老公都驚咗，即刻叫個仔落床瞓覺
後尾發現大門口門框上面平放咗一串古錢，業主放的，唔知係咪有啲乜嘢，不過搬走咗成2，3年，阿仔無再發生咩事了
其實我經常歲睇到都係好似一個人影 有時白白地
有時就好懵查查 同埋顏色都有分
有個師傅同我講（因有陰影眼阿媽就找到個朋友介紹，因為細個次次去完d陰既地方，大酒店呀，墳場，鬼節呀個d,我一定發高燒 燒幾日都唔退，睇囇醫生食藥打針都冇用，後來請師傅嚟，向我耍啲糯米，耍啲符水，仲要飲架，就即刻冇事，退曬燒)
如果見到好似霧甘 白白地 佢d通常係冇攻擊性既
只係你時運低 唔好彩俾你見到姐
但係如果見到係綠色又幾清楚呢 甘自己要主意 通常見到綠色 我會特別驚 我驚俾佢知道我睇到佢 佢又望住我呢 其實真係好驚 但都要扮冇事 避佢 所以我之後一定會發高燒
最厲害當然係紅色又非常清楚啦(touch wood) 未見過 唔想見 千其唔好見 師傅話佢地係厲鬼 怨氣重 走得就走
我都有你一樣經歷
我朋友同佢家姐住 住複式 三層
佢好少返去 因為多數到係男朋友屋企訓
佢住三樓 家姐住地下 中間個層係飯廳
因為好少返去原因 三樓吉左好內 有次食完飯話陪佢返屋企 因為地方遠又好夜就係佢到訓
一路到差不多天光左右 我就見到佢起身跟住落左飯廳 我又好攰繼續訓 點知一合埋眼就俾鬼責 甘我又冇嚟啦 平時經驗都係責一陣就冇事 點知個次一責 跟住耳鳴得好勁 跟住就聽到一男一女既聲係到嗌交 聽得好清楚 因為係地板 仲聽到腳步聲 由樓梯口行去廁所 佢哋唔係講中文 好似講法文甘 個女人一路行一路好悪甘鬧個男人（唔知講乜），聽到佢行左去廁所就有水聲 原來責我個個係男人 佢一路係我耳邊好大聲甘野 我當然好驚，個感覺話我知個女鬧緊個男做乜搞人地（即係我）個男就好大聲好悪係我耳邊講野 而我就非常清醒但係又郁唔到又好驚既情況下 我心入面係甘講粗口但無用 心諗係唔係唔識聽 咪講英文囉 點知講講下就郁得返 即刻起身想走 但可能責住一邊太內隻腳係痹囇 因為太驚太想走唔埋甘多 之後係樓梯跌落下一層 我對我朋友對望 個刻佢都諗到我又賴嘢⋯⋯後來聽工人講 成日聽到三樓有聲 明明冇人 佢話自己都好怕 每次打掃三樓都好快，自此冇再去三樓
有冇人知恐怖在線而家幾錢個月?
app同網頁版有乜分別?
係我舊同事同學，冇離婚。
我訂開30蚊一個月聲音重溫，因為我通常聽住重溫訓覺。
雖然我係低靈人士，但我信鬼神之說，更加希望有輪迴同善惡有報，啲人做過嘅衰野係有報應，人在做天在看。 好認同恐怖在線有句 slogan “別讓鬼魅纏身，唯有磊落做人”
1個讚
以前響隔離公司既恐怖經歷。
有年我舊公司搬入一座新落成既大廈，隔離有一間公司都差唔多時間搬入，因為楝大廈好新，有段時間同層得我地兩間公司，所以大家行出行入都有打招呼，有時又會走去對方公司度吹下水睇下辦，都好熟既。
佢地公司有七、八個人，都係做左好耐既同事。自從搬左入去新office，佢地話d同事成日病，最初係小病，後尾越來越嚴重，有女同事子宮有事，有個就個胃出血，總之前前後後成間公司同事都有大大小小既病痛出現。
我公司成日要OT，10點都有人響度，佢地就少d. 有一晚佢地有個女仔突然走過黎，鐘都唔禁係咁拍門。因為reception一早走左，佢拍左一陣我地先有人應門。佢面都青晒，講極都講唔到咩事。果晚佢乜都冇講，淨係叫幾個男同事同佢返去攞手袋，我地聽到咁覺得應該係有野，都唔敢問。
隔左幾日佢先有返工，講返原來果晚得佢一個，office突然有好多古怪聲，影印機又響又有釘書機聲，打打下字電腦仲閃，佢好驚所以先過黎求救。佢阿媽幫佢去黃大仙度求左道符佢先敢返工。
自從果次之後斷斷續續聽到佢地講話有怪聲怪事，無幾耐佢地就搬走左，果時租約都未夠一年。
唔該呀
因為佢要入會先講幾錢
禍福無門惟人自召, 善惡之報如影隨形
實報嘅
講「冇用㗎」 超恐怖 
又諗起一件事
有年喺旺角唱k, 中途去廁所，廁所要推度門入去，入面有2個廁格，我入去嗰時係2格都無人嘅，咁我是但揀咗1格啦，去去下見到格嚟嗰格有地拖喺度郁，好似有人拖緊地咁，咁我以為姐姐喺格嚟拖地所以無理到啦
但事後諗返，我入廁所後都無聽到開門關門聲，亦都無任何人嘅郁動聲，點會無啦啦有地拖喺度郁?
我知邊啲！！好驚呀！！！！
咁佢哋個單位風水都好差
其實佢地單位向海架，景觀一流XDD 佢地老細係外國人，唔係成日響度，我諗應該都唔信風水卦。
我記得個女仔出事後，佢地係搵過聲稱有呢方面感應既朋友黎睇過，話入面有小朋友鬼。不過因為唔係「專業人士」，所以唔知真定假。
LM… 又要睇又要驚
呢個好驚
我記得上年訓覺有次比鬼壓, 我郁極都郁唔到, 之後我嬲嬲地心入面講左句: “屌咁得閒要搞就去搵林鄭條PK唔好黎搞我.” 就郁得返. 雖然本身驚驚地, 但唔知WHY 諗起呢句野之後就冇咁驚.
點解咁記得? 因為個日就係615, 第一個人為反送中跳樓死左, 之後心情差住咁訓, 個腦只係諗住, 616要出黎.
7個讚
我好少經歷, 但係留言聽大家講故事, 順便幫忙推下post
1個讚