阿媽係90%好媽媽, 照顧無微不至. 但有嚴重囤積症, 雜物疊疊疊到上天花板, 窗外花槽都裝滿嘢, 微波爐內都要放唔用既碗碟. 住得好唔舒服, 兄弟姊妹&自己已經搬咗出去. 不過而家移咗民, 回香港都會住父母屋企.
無見一年本來好掛住, 但一住返呢間屋就皺晒眉. 屋企只有兩老, 但有十幾張凳、廿把遮、兩箱無人飲既紅牛, 連我張床上面都有八支whisky一包燕麥(未開)再加電線…仲有好多嘢…更唔好講因為多雜物引致既衞生問題.
本來阿媽冇做D乜嘢, 但我已經by default黑咗佢面. 當佢無理取鬧時, 引唔住同佢開拖.
同男朋友一齊時, 我已經同佢打定底, 話自己脾氣唔好, 因為對親人嗰一面先係最真實既自己, 我話自己內在係一個terrible person. 拍咗近一年+同居埋, 男友就話冇問題, 見唔到我好火嗰一面.
我好奇, 係因為阿媽囤積+無理取鬧問題, 我先咁恐怖同佢開拖. 定我本身個人係差, 對住另一個人日久都會見真章? 有冇人對父母和伴侶既態度係唔同? 我有冇變好既可能呢 
我會驚自己有一日對男友/老公都會用呢種態度.
(下次返香港會考慮住酒店, 避免衝突)
咁係有原因先咁啫，未至於雙面人。
好多老人家都有囤積物件呢個問題，唔知係咪冇安全感
我媽以前好窮好窮, 佢話一年先食一兩次肉, 衣服補完都有窿. 我都知childhood trauma來, 但真係太誇張喇…縮骨遮爛咗, 佢都要留返個「頭」, 話如果下一把遮爛頭唔爛身, 咁就可以替換, 屋企有十幾個遮「頭」…全部櫃都塞滿晒. 屋企有五十幾對新襪. 洗衣機上有煲有雜物, 每次洗衫都要搬搬搬先開到蓋.
我對住佢真係好憫. 同埋唔淨係仔女搬走就解決到, 佢咁樣遲早扑親斷骨, 或者頭上雜物跌落嚟, 跌穿頭(廚房門口上方, 拎埋木板當shelf, 上面再疊疊疊).
…見到就憫…
都冇乜辦法，呢個係佢哋幾十年嘅生活
對伴侶通常個做法唔同，一齊住有幾十年磨合
伯友情況好似我朋友媽媽
佢同佢兩個細佬已經十年以上冇入過娘家間屋，因為全部都係雜物冇得坐，仲要行果陣，兩三步就會feel到腳底踩到小強嘅清脆聲音……
佢哋都好想勸呀伯友，但係一講到執嘢，阿伯友情緒就會好癲，大家只當冇件事，但又好驚兩老喺屋企出事冇人知
朋友同佢奶奶反而關係好好，佢都好唏噓咁講，同阿媽講嘢兩句就發火，但對住奶奶可以好有耐性
多謝你畀希望我, 我唔想發脾氣鬧走男友. 好彩暫時都冇乜嗌過交.
係…明明間屋就唔細.
同佢嘈過, 佢問「關你咩事」, 我地話「我地有份住喎」. 最後佢講一句: 「間屋係我既, 我想點就點」, 即刻收皮, 佢講得無錯, 我地無供過間屋, 無權話事.
其實阿媽係好媽媽, 正能量, 為人著想, 但就係呢點. (+無理取鬧)…
我知道自己某d方面好似佢(冇咁嚴重), 所以都好驚自己十年後, 會無理取鬧男友/老公@@(由細睇住佢無理取鬧我爸, 諗返起係verbally abuse, 但阿爸比較蠢鈍簡單, 佢又明白阿媽為家庭付出好多, 會受晒無反駁)
好驚自己成為討厭既人@@
情況唔同，關係唔同，唔需要擔心
你有呢個意識已經好好
要接受呢啲唔好特質嘢係自己嘅一部份
但唔代表你會成為上一代同一種人
關於囤積症
我屋企人都好多嘢，我好似你咁發脾氣後，佢哋又好似覺得同親戚屋企唔同 (人地好企理）後，雜物少咗啲。
奶奶果面又係咁，真正成屋嘢，要坐就搬開啲嘢，老公嘅妹屋企又係咁，紙箱一大堆，廚房sink 入面永遠有嘢etc
我老公都有呢個問題，我都好怕對第時對老公咁發脾氣，所以我會幫佢執 
得返一個大box 係佢私人我唔會幫佢執，入面可以有幾年前嘅單架 
所以我教個小朋友一定要執屋，唔要嘅玩具要送畀人 
你家人有自覺, 最弊係我阿媽覺得自己屋企好好喎@@, 你同佢講好逼好窄, 佢就講幾十年前咪仲逼, 兩家人share一個單位乜乜乜@@ 根本講唔過去.
我都係識咗其它人, 先知其它人丟嘢咁爽. 你老公肯畀你執就好啦.
囤積症係好難搞, 就算你搵收拾整理師上屋企去收拾, 佢都未必接受. 或者試下由一個細既區域開始, 可能係廁所櫃, 同佢講係擺整齊D而唔係扔左佢, 如果真係有物品已經過左期/爛左, 咁先至扔, 之後將所以野分類好再擺入櫃. 係你角度當然仲有好多野係個櫃, 但至少令佢知道你係幫佢擺齊整D野方便拿取, 而唔係扔左佢D野, 收拾過程中唔好講 “你有好多野, 扔咁D啦”, 否則佢好抗拒. 試下咁做得唔得
我有啲親戚又係咁，廁紙平就買二十條（唔係二十卷）又執啲舊報紙返嚟唔知做乜，根本係心理問題
佢只係囤積, 未至於無理取鬧, 如果囤積影響到安全同健康, 否則的話你真係無必要為咁小事同阿媽鬧交, 你難得返香港, 老人家見一次少一次, 點解仲要為咁小事鬧交? 難聽D講, my roof my rule
除非主人翁自覺有問題想改變, 否則冇用. 更河況而家唔係一齊住, 更冇法改變, 只可以等出事一天.
係@@ 好奇問嗰啲親戚咩年紀??
無理取鬧係其它事, 冇打出嚟.
影嚮到安全–>上面講咗, 疊到天花板會跌落嚟 or 太多雜物會kick到, 老人家好易跌
影到到健康–>已經同曱甴共存, 算唔算影嚮健康? 雪櫃有過咗期12年既食物, 算唔算影嚮健康?
不過你句my roof my rule係啱既, 所以佢講呢句就即刻收皮
六十左右，另外一個係朋友媽咪（六十零剛退休）喺萬寧可以買幾十條健力士紙巾，好恐怖
yes…我媽都係六十幾, 仲係有氣有力既年紀.
十幾條健力士真係好驚=_= 我屋企都好多廁巾…
仲有店舖用既金屬雞蛋仔機, 超重…