囤積症真係冇得醫
同我舅母好似，個hallway得條laar 可以行
安全健康都有大問題，但冇計，冇人話得佢掂
你可以做嘅只係勸, 一句起兩句止。有心理專家講過囤物係老人家嘅一種安全感, 外國好多老人家一樣有呢個問題。你已經少左見父母, 唔好再因為呢D事同佢嘈
係啦, 其實唔係一齊住, 已經"唔關我事". 係擔心佢安全&健康.
只要你去過囤積症屋企or同理到係點, 就會知唔係小事.
冇架. 搬走咗唔再過問, 係冇嘈交. 但係咪真係對佢好呢. 而家六十幾歲都仲ok, 執多十年遲早出事.
我上面有講呀, 知道佢係童年時既匱乏引致.
外國好多老人家都係咁, 咁…同我媽有呢個問題既關係…係咩??
應該都係感到唔安全所致，但我唔知道外國多唔多老人家係咁
你都解釋左同外國老人家囤物嘅共通點, 就係兩者都無安全感, 你關心佢安全同健康係完全無問題, 我自己都接受唔到囤物, 但你係完全無可能改變另一個人
我鍾意睇日本居屋改造, 基本上大部份要改造嘅物業(唔係成個家庭)原本係老人家自己住, 大部份都係超多雜物
2個讚
我媽老咗之後完全唔執屋，完全冇意識咁做，所以我咁上下偷偷地幫佢掉啲唔等使嘢，特別係過期嘅stuff，掉咗佢根本唔知
1個讚
好似我朋友咁，佢媽媽間屋企冇位行
老竇覺得迫，就日日落樓下坐
一係坐商場，一係坐公園
咁啲熱心嘅鄰居，同埋保安就會同返佢哋幾個仔女講
你老竇日日都晨咁早落公園坐坐足一日
老人家咁好辛苦傢
不如幫呀阿媽執下間屋啦
一陣撞到跌到好大件事
但一講到要執屋朋友媽媽就會崩潰、乜粗口都鬧出嚟
朋友媽媽仲要係冇乜事唔會離開間屋，因為驚有人趁佢出街偷偷地上去間屋度抌嘢
一個唔好彩，萬一兩老喺屋企比雜物紮到整到上新聞，幾個仔女一定比人鬧爆點解父母間屋咁都冇人理
1個讚
我99係購物狂
上次返香港住喺佢度先知
佢每次出街都會買一大袋野返黎
勁鐘意買衫同食野
屋企大部分位都係用黎擺衫
佢大多數時間都係食外賣
但個雪櫃係滿到得人驚
擺多盒野飲都冇位果種
到我想煮野用佢啲醬
先發現好多都過左期幾年