剛買左自住樓, 黎緊要搞裝修. 新手第一次, 咩都唔識, 既興奮但又緊張
請問大家有無咩心得可以分享, 要注意事項
啱啱比左大訂, 最近呢幾日上網睇圖攞唔同靈感, 另外亦都有問親戚朋友攞裝修師傅contact, 準備報價參考
係二手樓, 本身都比較殘舊, 需要全部拆過曬重新裝修
感謝大家
我唔識裝修，只係入嚟留毛。
不過都先恭喜你上到車。 
3個讚
唔好急住整, 諗定先, 住一世架… 另外, 舊樓換喉拉過電線是必須的… 恭喜晒呀… 祝你安居樂業…
2個讚
間屋幾大？ 幾多人住？ 有咩人住？
實用650, 4個人 (我同先生, 小朋友 6歲, 姐姐).
本身間隔2個房, 需要間一個房比姐姐. 但實用率高 (近9成), 四四方方, 所以都ok 嘅
個人意見，可以係房度做儲物地台、增加地方放嘢，廳盡量簡單，因為小朋友會多嘢放
1個讚
恭喜你
請注意油漆和傢俱的甲醛，和夫妻間或有爭執，希望你們一家順利
可唔可以講多少少? 你意思係要小心啲搵無甲醛嘅野, 定還是之後請人清潔?
買材料要親力親為, quality同價錢都可以差十幾倍, 可以行多兩間問多兩句先決定咩貨式最適合自己.
裝修佬介紹的都有回佣, 性價比真比較低, 但完全唔幫襯又唔係咁好, 畢竟裝修佬唔多唔少預左呢筆數, 自己衡量吧
唔知你想整咩, 換電線? 換水喉? 換地板/磚? 做防水? 換門換窗? 改間隔? 換廚櫃? 換潔具? 做木地台入牆櫃? 如果有specific項目會容易D講你知
1個讚
我入伙時裝修並沒孩子，相對求其，打開間屋吹左一星期就算
數年後有孩子，買的傢俬都自稱無甲醛，亦避免再裝修
1個讚
甲醛係一種天然有機物，其實存在咗好耐，唔係新鮮嘢，對小朋友有嚴重影響，如果係定制傢俬就易有，但一般隨時間會減少
最緊要諗清楚要做啲乜, 報好價之後盡量唔好後加工程嘢, 一後加到時會貴好多. 同埋電制位要諗好做幾多個. 所以要諗埋傢俬點放啲電器點擺, 咁就會預算到電制位要幾多個.
3個讚
恭喜置業!
千萬不要淘寶買傢俬呀!
1個讚
恭喜～
廚房如果夠位最好一開始就裝個座地式洗碗機
浴室熱水爐最好用煤氣爐，唔驚沖沖下涼無熱水
水龍頭果d五金，如果買d德國牌子e.g. Hansgrohe / Grohe去德國amazon網購會平過係香港買好多。
裝修設計和物料，要考慮埋日後清潔/打理問題。 例如木地板要定期打蠟，燈糟容易鋪塵，磁磚d 罅易變黑。 所以要知道自已接唔接受花多d時間去打理。
2個讚
攪過4次裝修，最滿意係搵室內設計師攪果次，但都係最貴
我覺得裝修都係睇彩數，試過搵熟人攪，熟到親戚都好，佢做嘢唔掂幾熟都冇關係，反而個室內設計師自己上網搵，係做得最好
最好就自己搵多幾個師傅，睇佢哋以往做過嘅設計，同埋真係唔好揀太平，而家裝修最貴係師傅人工，手工好嘅師傅一定唔會人工平，所以成張單都冇可能好平
材料果啲可以自己去揀，但有啲人自己揀會揀到錯晒（物料用唔啱/配色唔靚），你可以叫師傅/設計師幫你揀咗先，之後再去格價（但其實我好懶，基本上所有嘢都係設計師幫我揀）
仲有電制位我覺得好緊要，建議唔好為慳錢唔做咁多電制位，第時要搵地方插插蘇真係好煩麻，尤其係啲小電器（風扇、抽濕機、空氣清新機…）最好諗定大概放邊預返插蘇位，唔係第時又要拖啲拖板真係好麻煩，又驚小朋友去攪/click親
5個讚
你呢度講呢堆差唔多全部都要
但目前傾向唔改間隔, 唔做地台
二手舊樓, 連窗都要換
絕對唔會
我連account 都無
小朋友房啲野盡量唔好做死
之後幾年佢嘅要求會變好多
插座做傳統三腳
唔好做USB 易壞+過幾年可能又唔用usb
裝修緊個時要多啲上去睇
師傅會冇咁hea 有問題又可以即改
1個讚