廚房及廁所一定要做好防水，水管唔可以漏水，排水喉唔可以淤塞，必須要順暢。
1個讚
儘量造地板至天花的儲物櫃, 一定會有用
市面有唔少黑工, 師傅通常用佢地幫手做泥水, 手工得唔得有無空心牆/磚要自己check清楚.
1個讚
原來係咁, 學到野 
1個讚
想請教大家關於地板
我知道而家好多屋企都會用木紋磚, 但我麻麻地想, 因為我地唔習慣著拖鞋, 唔想地下咁凍
請問仲有咩其他選擇? 想唔易花因為有小朋友同狗仔
唔該曬
有款木紋膠地板，襟磨耐用，都係長邊形一塊塊咁舖，你可以問吓裝修師傅
2個讚
複合地板
1個讚
可以睇下哩篇關於木/膠地板種類
1個讚
想請問選擇左纖維板嘅朋友, 你哋而家用落評價係點? 當時係咪都係去灣仔旺角睇, 然之後搵舖頭搞?
如果你地用緊有邊個牌子好好, 歡迎推介
廚房電器，可以考慮Bosch / Siemens 陳列品，佢哋網站 定期會放出來特價。
https://www.bosch-home.com.hk/zh/category/display-products
https://www.siemens-home.bsh-group.com.hk/zh/category/bproducts
除咗水龍頭外，洗手盤/鋅盤 都可以係外國網購。當年我個v&b 洗手盤都係英國運返香港。franke 鋅盤就係美國運，但唔建議係外國買石鋅盤。
2個讚
多謝介紹, 我睇睇先
今日行過灣仔, 入左幾間, 普遍都介紹我用纖維板, 因為知道我有狗仔同小朋友
請問點解呢個唔建議外國買? 係咪怕石運送返黎有咩意外?
今日行過見到一個 Blanco 黑色嘅幾靚質地又好… 好似係花崗岩質地
重，同易撞爛。eBay 成日都有撞裂左/崩左既特價貨賣，就係因為易撞爛。石盤其實係石粉溝樹脂壓制，唔係真係一舊石車出，我E D old school 都係支持不銹鋼的。另外，如果你對產地有要求，不銹鋼係不2之選，英國賣既franke不銹鋼盤係瑞士原廠製，所以特別貴，blanco 平D，因為係德國製，franke USA，有美製會平D。但D 石盤基本上就係東歐造。
3個讚
洗水盤 想低調既奢華，可以試下 Villeroy and Boch ，香港唔多人用，唔會同人地撞款。佢地高級系列係德國製，係英國如果撞見特價可以好抵用。我最近買 V&B Artis 430mm Round + hangshore metris 水龍頭，兩樣都係德國製，夾埋先£350 鎊。
2個讚
石睇落靚，而家興，但係好易花 & 撞崩。而家租屋嗰度係用石盤，我上個月洗隻靚whiskey 杯，跣手撞咗落個石盤度就冚爛咗隻杯 
我自己裝修一定揀用不銹鋼，易打理。
1個讚
多謝分享, 好實用
我個人覺得㕑房洗碗盆，最好用返盆和枱面無縫接嗰啲，枱邊有少許擋水，牆邊有高啲擋水，爐頭開位可以放嵌入式爐頭，整體廚房望落去整整齊齊，
旺角買裝修材料一帶都可以輕易搵到，問清楚呎價及每件配件及安裝價錢。
親戚屋企廚房，用咗不銹鋼sink，backsplash係一塊過不銹鋼，易清潔。煮食爐用towngas。 你可以考慮唔用明火，用電磁爐爐
呢個係舖好vinyl 膠地板嘅相，親戚要打斜舖，會比打直 /打橫舖用多咗料
3個讚
近來有朋友俾設計公司搞裝修，比一般搵裝修判頭貴十幾廿萬，我一早提佢同設計師傾好拉網線，即係將網線拉到每一間房。點知裝修完連光纖入屋位，插蘇電箱都冇同佢做，即係有光纖都冇電插 Modem 及 Router，比我廿年前裝修搵判頭更差。佢屋企好多位都上唔到網，就算買兩個 Mesh Router，第二個 Mesh 佢有位放、但都冇電源插火牛，搞到我朋友自己間尾房，完全收唔到 Wifi，想喺房部電腦插 LAN 線都冇。最後要自己額外用錢，請做網絡工程再搞，既谷氣又費時間費金錢，佢話設計師係咪火星剛回流地球? 我話香港一般水電師傅、及國內新裝修水電師傅，基本 LAN 線都識拉啦，何必俾多十幾廿萬呢? 之後我朋友講俾我知，話事後問番設計師，設計師話佢對網絡知識一無所知 
1個讚
多謝分享… 到時會多口問下