我姨媽係加拿大住左老人院十年，前年 98歲走左。我表姊話姨媽住個間係有小小貴，個間多唐人同埋表姊既朋友都係係個間老人院做嘢雖然唔同層但都可以幫下眼睇下我姨媽，表姊話老人院地方大又多活動，姨媽仲成日打麻雀，油指甲，畫畫。老人院會有 report send 比表姊睇，話佢知姨媽係老人院參加過咩活動不過其實表姊日日都去老人院陪姨媽。每個月仲會有一日連埋家屬一齊帶老人家外出食飯，有生日會，過節又有 party 一齊玩。
如果一向有寄託有勞動個人會精靈好多，亦係我嘅目標，地點就未諗，可能同同輩家人同朋友一齊住老人院
FB 有個 page係一位係英國care home 做嘢既女士寫，佢有講過質素參差，詳細情形可以去佢個page 睇
一樣有虐老老人院，見你冇親人探會對你差好多，都係睇價錢食飯
我在加，應該再貴一點，粗略估計應該夠用，如果真係非常長命既，就入公營老人院，應該要入住安老大廈時排定
係呀，最好盡早培養幾個興趣，我現在既工作，我打算做到死為止，因為都係我興趣同好好玩，據一個長壽老人研究報告，做喜愛的工作是保持年輕健康的秘密
1個讚
我鍾意睇書睇劇聽收音機同podcast ，都比較悶，最怕係對眼矇睇唔到，對耳聾聽唔到
啋咁快諗呢啲，鐘意睇書係好好嘅活動嚟，睇工具書解決咗好多生活上嘅煩惱，睇文學令人感到快樂，只要心情好自然什麼都好
1個讚
這方面加拿大可能平過香港，
香港衰在 地產及醫療（公立醫院唔包嘅以外收費），
以前喺香港冇乜空間睇，而家睇多啲。仲有我想個人定啲靜啲，有自己空間，所以睇書啱我
1個讚
澳洲好過香港, 養老金, 家居護理, 老人院, 政府都投放好多資源, 始終老人係選舉的重要票源, 也有私營老人設施, 本地人和新移民亦會從事老人護理工作. 老人未必會將資產留給子女, 寧願自己用, 這心態跟唐人有分別, 也令老人自己較多錢用.
2個讚
同香港一樣。
有親友定時探訪好重要。
科技＋錢可以醫好呢兩個問題。
老咗如果只係白內障，做一個小手術就可以回復番視力。
耳仔聽唔清戴助聽器。
1個讚
我老豆有糖尿病,心臟應該都有問題,但一直都無跟進. 有一天佢突然同佢堂妹夫話想去XX寺廟睇骨灰位,但都未安排到時間,就有一晚瞓瞓下覺去左. 我阿媽話半夜見佢失禁叫唔醒.
我阿媽有腸癌,切左有造口,標靶治療拖左幾年,後來腫瘤再大便無做任何治療了.有一天工人餵食豆腐,梗塞氣管,就咁走左.
我覺得佢兩個都係有褔氣之人,唔使受太多痛苦就走.
我希望我都有咁既褔份 
我同仔女講左,第日我無自理能力,有錢送我去私營老人院,無錢送公立. 佢哋有時間就多黎探我便可以了.
照顧病人係好痛苦既事,我唔想佢哋承擔這種壓力.
目前為了可以追多幾年seventeen，所以好努力去做運動，希望行得走得多幾年 
6個讚
尋日見中醫師先甘岩提到,佢話通常都係寒流&溫差造成。
早上起身小便完，身體降溫血管一收縮就拿野。。
好多單都係係屋企發生，唔係室外。
最好起身去廁所前先郁下手腳拉下筋，亦可以先飲杯熱水，等身體暖熱返d先去廁所。
但有啲視力問題，例如黃斑病變，就係不可逆轉
係，所以我只講白內障係有得醫。
青光眼，黃斑病變，我都怕發生係自己身上。
我同啲friends 話一齊住老人院係就正
1個讚
都唔一定係冬天只係機會大. 親戚阿媽個單唔係冬天, 係端午節佢係食完早餐去廁所之前先出事. 年紀咁大個生理時鐘要停你都阻止唔到.
其實好多嘢都可以預先發現, 只係我地唔留意一句年紀大係咁就帶過左.
1個讚
岩呀~任何時候都要有警覺，即使係健康既人都會發生，有長期病／身體差既真係更加注意。