無論生唔生小朋友
相信都冇人會覺得依一代可以養兒防老 (或者養老防兒仲合適
)
除咗經濟考慮
大家有冇咩養老plan 一齊討論下
Facebook 睇到篇文講得幾好
錢夠都好 健康問題一定會遇到
裝定平安鐘…
如果知自己身體唔好就老人院好了
好農場文
不過有三高糖尿病嘅中年人，其實除咗藥物之外，仲有好多治療方法，譬如糖尿病用斷食
西藥嘅副作用，就好似文中嗰對夫婦佢哋有長期病靠食藥，就得出咁嘅後果
不過無論咩年紀，最好療癒自己內在小孩，好好過日子，心情最影響健康
如果老了沒能力照顧自己，我應該會入住安老大廈，自己住，有需要搵大廈職員幫手
安老大廈/大型老人村似大勢所趨
希望AI 呢方面幫到手
只會愈來愈少人入安老行業
我有呀，但移民打亂晒計劃，唔係好諗得掂，人工低所以應該打工打到好老
我唯一控制到就係唔太大洗費，斷盡七情六慾
3個讚
日本人的養老方式.
簡單講就係無論錢或起居, 都係自立自理, 沒有退休的觀念, 只要身體有能力, 八九十歲一樣工作做家務, 住安老院都係自理, 唔好有依賴人照顧的心態.
只要保持工作的心態, 飲食簡單, 身心自然長壽健康.
11個讚
我應該會打工做到老, 做到做唔到為止. 同埋最重要係做好身體健康管理, 唔好比自己有長期病患隱性既病我地就無辦法知, 但三高個呢啲真係可以自己控制下, 同埋做多啲運動.
見到身邊既人親戚或朋友有長期病患, 成日都周身痛要食止痛藥, 有啲係自己攞黎好多嘢都唔食得但就繼續食覺得有藥食就無問題. 所以病從口入呢句說話係好貼切.
2個讚
我好怕個人無所事事唔工作唔郁冇晒火，希望keep到老都有啲火
1個讚
都係飲食同運動。希望個身體機能用耐少少。
不過我估最後都係要入老人院養老。
都唔一定可能唔使。好似我老豆 89歲走，走之前仲係會行會走飲茶食嘢都好正常，仲買餸煮飯比我媽食得閒就捉我媽出街行下。有朝起身忽然唔舒服又食唔落嘢話要入院，面色蒼白入左院但入左院又無咩事，係急症室觀察左幾個鐘中午上左病房，到晚上差不多上探病時間我同屋企人早到等入去，點知姑娘就叫我地入去話我爸做緊急救，心外壓撳左成個鐘…咁就走左。
2個讚
雖然你爸爸走得好快。但要經過心外壓呢個過程都好似有啲痛。
不過老人家話走就走真係估唔到。
我阿媽住咗兩個月院，出咗院返番老人院唔記得有無幾日，突然送番入醫院24小時內就走咗。
2個讚
到我地睇佢個時佢個樣唔痛苦，有可能突然無左心跳又或者已經暈左唔知咩事。
我有個親戚都係和我爸情況差不多，親戚個阿媽又係早上出事，去完洗手間出黎，跟住成個人無晒力，工人就大叫我親戚，個日係端午節親戚要返公司 OT 點仲未出門口，跟住佢就打電話叫白車。點知就發現無左心跳跟住電話另一邊就教佢做心外壓，到救護員黎到接手，其實係白車個時都仲係撳緊，去到醫院繼續撳，就番心跳但未話危險期，姑娘就話有咩人要見就叫佢地黎。個個下午就跑去醫院，到左晚上就話走左都叫做個個親既人都見過一面。
人一世物一世,有幾多個十年,活得開心舒泰足夠,教育好孩子成材,將來佢自己能夠自給自足就更好,待老公退休後返國內週游列省去享受人生.
現時為止，房協有提供這方面服務，
但係要俾好大筆入場費，先至可以入住，
仲有自己負責平日生活費及醫療費用。
我覺得咁樣好有福氣啊，我都想咁樣走
5個讚
應該係住老人院了，但希望唔好太差嘅
香港定英國？
係，親戚都話係福氣黎，如果要住院唔知幾時出院就要仔女係醫院撲黎撲去，仲要唔比我地睇住佢走。
2個讚
我都想了解外國老人院係咪會好啲，定其實同香港無咩分別？
人生無常，都唔知自己有冇老嘅一日
而家都係儲多啲錢，起碼唔洗子女負擔咁大先
真係有病就睇正苦，有得醫就醫，冇就等瓜
如果病到要人照顧，就睇仔女能力囉，佢哋照顧唔到就入家老人院住
其實都諗唔到太多，隨順因緣
4個讚