有些HD比ugc funded便宜，有些比較貴，看科目、學校、修讀嘅credits，全部都不一樣。 同自資學位每科每間學校收費金額不同，由6-15萬不等，有牌科會較貴。
呢樣嘢係要你情我願
但係有能力嘅話，供給到佢大學畢業搵第一份正職都願意，等佢有個概念係父母係一個好安全嘅 backup，不論係心靈定係經濟上，冇同佢計較，咁樣佢有乜事都會願意同屋企講，唔好太收埋越滾越大先出聲。
2個讚
讀大學唔係要好似中學咁專心讀書，係要學埋出嚟處世，搵part-time同讀書取個平衡，參加其他活動，做intern，兼顧拍拖等等，直情係大人嚟，唔可以當佢係個細路。唔夠洗費就自己努力啲，瞓少啲，儲夠錢就去玩，學會獨立，自己搞得掂都唔爛grade就唔使被屋企哦
英國好多中學生十六歲就做part-time，讀緊A-level，唔關家境事
大人都要面對冇錢洗勤力啲做嘢，大學生做part-time 有咩咁陰功？咁第時點供樓？
3個讚
冇追post, 有人話陰功?
諗返起, 識兩個留學生做pt, 佢地返pt原因係為識人.
只要你喺中餐館做, 你就可以見到個city的所有華人(溝仔溝女
).
post主係想講父母有能力俾零用錢，但就唔俾要仔女自己賺錢。
如果父母俾左合理零用錢，要額外花費，自己兼職賺錢，當然正確處理方法 。
2個讚
樓主話影響身心健康
1個讚
沒錯。而且以家長比零用=「害死」、學生返pt=「陰功」依啲字眼是十分主觀觀點，原文及追post討論從來中從來沒有提及過。
返pt有正面影響，在我原文及你的觀點中亦有提及。為何返pt就不能論述負面影響？這件事不是單向正面的。我只是指出其中一種負面影響，不用如此激動。而你亦列出很多正面的影響，當中其實沒有互相排斥。
唔夠錢努力賺，當然正確思想。但社會上有些人反而係唔夠錢，問人借；唔夠錢，碌爆卡。識得生性識諗係前者，但不是一定的。
1個讚
同我心態一樣，甚至去到成家立室，佢有需要我幫手首期都接受，大前題係睇到佢自己都有努力儲錢、唔揮霍，由細到大都要教佢正確嘅價值觀，父母永遠係佢後盾。
3個讚
同意，唔使太極端一係俾錢俾到佢哋豪使、或一蚊都唔俾要自己搵學費、生活費，家家嘅狀況、兼且個細路有幾獨立、理財能力都唔同，父母同仔女嘅關係又唔可以單單用零用錢嚟計，身心發展去到大學生咁大應該係由細點教育有關，關係唔好嘅，唔俾零用錢只係其一嘅埋怨。
2個讚
很同意。雖然每個家庭做法都不一樣，但坦白講子女眼見其他同學父母有能力比而比，自己卻沒有，父母所講嘅建立自信、訓練獨立等因素很難被說服。唔通收零用錢嘅子女就係比父母阻止佢地獨立，打擊緊自己自信心嗎？我相信父母做決定嘅出發點都係為子女好，但一有對比起上嚟會有好多無奈同不解。成年人有時都很難直視呢啲問題，會搵藉口安慰自己，更何況係學生？
如果你喺香港下下用嘅心態生活會好痛苦
過份執著物質名利, 個人會好銅臭
1個讚
全文只提及大學有無零用錢嘅議題，然後作出對比論證。如果任何提及金錢嘅話題都可以解讀為過份執著物質同令到個人好銅臭，其實冇空間進一步討論。
你句”無奈同不解”代表”好執著”
所以我先有銅臭嘅結論
1個讚
一家唔知一家事。但可能我咁樣俾我屋企照顧過，我就會咁照顧返我既仔。
我覺得非必要既pt都唔會prefer佢返，因為人一日就得24小時，返左工就自然犧牲左休息或讀書或社交時間。如果單純係去做快餐 /711 pt我覺得係無必要既，就好似教佢投資道理一樣，為咗眼前小小錢放棄他日得到既，識到既人或遇上既事都有可能對佢不利。
但我會積極叫佢去試下搵intern，睇吓自己第時係對咩行業真心有興趣，睇下有冇network可以build。就算唔係intern，都可以去搵一啲真係長進到既義工活動。
咁如果真係返intern就有錢啦，搵唔到如果去做義工之類唔係無所事事，咁我都會俾零用錢。不過我都係講緊term break去返intern。
所以結論我覺得車費同飯錢應該唔使佢去賺既，都唔爭在個幾年。佢畢業搵到full time先自給自足啦。我爸都同我講讀大學係人生最快樂嘅幾年，應該要俾時間佢快樂下既。
6個讚
作為中六開始已經做兩份兼職嘅過來人表示：
工作經驗唔可以話完全冇幫助，但開唔到乜嘢眼界，只係賺錢維生
嗰陣班同事，基本上放工就會去玩/唱K，識到人就拍拖，唔會話諗所謂嘅前景同將來
甚至自己當時同佢哋玩得幾開心，都曾經有諗過，唔好讀大學喺嗰度轉長工，起碼人工連埋貼士都Over兩萬，可以租間屋仔住
上進啲嘅，就係讀毅進之後考紀律部隊
依家用倒後鏡去望，其實當時人生仲有好多嘅可能性，多多少少真係「貧窮限制咗想像」
3個讚
Exactly. 時間成本係成本嚟，不能夠一味話pt學到咩，全部都係positive嘢。你背後的的確確出左精神、壓力等等，而呢種付出大可放係其他嘢上面。因為「短視」而識到嘅人同事對佢不利係真實，有幾多人可以係不利環境堅定自己嘅想法？環境其實影響力好大，更多係比不利嘅人影響自己嘅想法，行錯路、做錯事。如果咁幸運自個仔女可以係不利環境下有所發奮，真係好感恩，因為依樣唔係必然。自己後生時可能係有所發奮，但大把人比學業/經濟壓力打擊到一沉不起，有焦慮症、休學、quitU。
好同意，而且長期係呢啲氛圍下，會懷疑人生。正如產生嘅「依家都搵到兩萬幾不如唔好讀」。自問年輕時都做pt有呢個諗法，但係屋企人一直教，讀完大學前途回報一定遠比呢啲好。所以一路返工，但又一路懷疑人生。好彩最後慢慢經歷多左就明白。但返工個時，真係有同事講話依家比錢讀書+放棄幾年做ft賺錢好唔值，梗係全職做ft，大學生畢業米又係得差唔多人工。 
如果當時聽左佢講嘅話……可以想像下
呢位樓主講野既style
令我突然聯想到另一個灰名a/c!!!
樓主可能你家中有能力既家長無俾零用錢你, 導致你當年有不快既大學回憶, 或者覺得自己被人比下去, 你到宜家都仲好介意
但係你應該要慶幸自己仲有健康既身體, 隻手無事可以上黎forum 打咁多野呀
你睇下隔離post 個網友先, 人地三大畢業, 但係成日都要SL, 無陰功呀 
你講"珍惜", 其實你應該都珍惜自己擁有既野呀
1個讚
係a感到唔開心，跟住用b嚟彌補呢個logic有啲奇怪。我覺得最重要係正視自己a嘅問題，有啲野發生左，係一世都無機會改變。但有能力教下一代個陣，就正如我打依偏文章做討論，係唔一定要經歷自己舊路/搵好多理由證明自己咁做係正確。單純用心靈雞湯大法的話可以直接睇好多正能量嘅書藉，會更有用。