十分認同你的回覆。而且，錢當然不是惟一量度「付出」的標準，但無可否認是其中一個重要的因素。不是所有子女從「零」到有先叫成長，從有到有更多/用完無要想辦法都可以叫成長。
我係個種"讀書時盡情享受讀書生活,畢左業有排佢捱 
"既支持者.
所以能力範圍下俾充足及合理既零用錢仔女.
佢哋畢業後對我都算大方及關愛 (戴定頭盔先…暫時表現 
)
但我認為感情係雙向既,唔係單純建基於零用錢.
6個讚
我朋友個老公話個仔去做茶餐廳/麥當當成日油煙味唔OK 結果係大專畢左業宅在家幾年,最近才靠親友介紹去領展做導賞員.
最重要係朋友夫唔係有幾億可以俾仔食過世. 
2個讚
我都有朋友個仔從來無做過呢類型兼職，大學只join活動去下study tour，最後畢業亦有大公司MT offer。
同意你嘅講法，我亦支持你嘅說法。有排捱是真的，往後幾十年的人生，何解要再推前4年。家庭有經濟困難當然無辦法。關鍵在於子女提出想要時，家長有沒有比合理嘅回應/解釋。如果只係單單講一句「自己搵自己洗」，咁就唔再比零用仔女，咁他日仔女唔返pt，家長係米會照比錢；定再講「無錢就唔好洗」依種邏輯。真係唔想比同有理據唔想比係兩回事。亦不是求其講一兩句就可以解決。
我都識類似case
有個親戚, 阿女本身係知道自己唔係讀書材料, 高中已經想做part time
咁親戚以容易學壞為由唔俾佢去
點知個女愈黎愈宅, 響屋企都係睇漫畫睇小說度日, 讀到HD畢業, 之後加上屋企有d 問題, 個女一直逃避搵工, 好似有d 似所謂社恐咁
佢無拍拖, 一直係靠父母養, 親戚都係從事低學歷工作
畢左業都幾年無做野, 後來先有人介紹份工俾佢, 好彩佢番工後都正常, 份工一直做得OK
我都係類似你既情況 
我係勉強入到大學, 但家境唔好, 家人一開始已講明大學係唔會俾錢我讀書, 叫我自己申請grant loan, 但我grant 只係夠cover 學費多少少, 又未夠食飯搭車, 我做part time 頂住, 因為我唔想一畢業就要還錢俾政府, 所以一直無take 到loan。
但我做part time都好似搵唔夠第三年個生活費, 就索性讀完year 2 做一年intern, 儲下錢先番去讀year 3
其實住宿舍都唔少洗費, 同埋自己出黎住又要同hallmate 磨合都唔易, 加上知道住hall 要有所謂"contribution" 會更chur, 所以我寧願日日每程個半鐘搭車番學。(我讀果間大學果區當時未有港鐵, 要搭車落市區先轉到港鐵)
我覺得你咁既情況, 住宿舍都仲搞得掂好叻呀 
1個讚
以前讀大學都係UGC-funded學位，學費真係有限。
宜家咁多Dip，副學士同自資學位，學費都幾甘~
如果我當初只係預算仔女讀UGC-funded program而佢最後係讀自資課程，我真係會要求佢打下工賺自己零用~
因為洗費係意料之外地高，我諗父母同仔女應該一齊承擔
父母出左學費，仔女就搵下自己零用，咁佢會更珍惜呢個讀書嘅機會
如果想父母俾零用都可以，咁畢業後會收多少少家用，還返父母代你預支嘅進修開支。
其實做仔女嘅係咪應該多珍惜所有，少與父母計較呢？父母亦一樣，仔女想專心讀書可幫佢一把，最多之後計囉
1個讚
想仔女少與父母計較，首先父母要表現出不與仔女計較的付出。以你例子，跟預算有出入，同仔女商討，共同負擔無問題。但講到「預支同將來家用收多少少」已經係同仔女計較緊。
多謝你們分享自身經驗，亦明白當年因為家景受限，讀大學時努力工作為自己打算。但如果現時家景已比上一代改善，你們會否希望自己仔女仍然經歷一次以前自己讀大學時的情況？
明白
似乎你都好有感想, 會唔會都分享下你既故事?
你父母係咪寧可留番錢自己享樂, 都唔俾你讀大學時所需既食飯搭車錢?
我完全唔知咩黎
有時見到人話俾太多嘢仔女, 佢地會唔珍惜.
我唔認同. 家庭消費習慣同教育對價值觀影響最大.
我自小得到的唔算少, 但我唔會浪費, 唔會過度奢侈.
至於話俾太多會唔會失去上進動力, 好睇個人性格.
有些人爭鬥心好強. 屋企有財, 都想要更多名利同權力, 就唔會停.
2個讚
我咪講咗「共同負擔」
如果讀大學自己搵洗費，咪減輕咗父母支出，係「共同負擔」；
如果讀大學收零用，出嚟做嘢俾大份家用咪當還錢比父母，多謝佢幫你圓大學夢！
我認我份人計較，我父母仲計較呀，但佢哋真係理財有道。
可能我哋果一代家境唔好，就算父母唔係俾唔起，都唔好意思責怪父母點解俾得少錢自己。
完全同意。有資源下先有機會學會珍惜、運用，無資源下連想學珍惜嘅機會都無，純粹紙上談兵。
的確係
我果個年代grant 係無包asso, asso 只可以借loan (近幾年asso 先有grant)
但有d 人見到JUPAS 個offer 派左HD/ asso, 會寧願repeat/自修一年考多次AL
因為讀HD/ asso 學費都唔平, 但要讀完畢業先有機會駁番學士, 到時再兩三年
坦白講, 宜家好多人都覺得完成大學學士係好基本既期望, 反正JUPAS 入唔到學士, 仲有其他途徑入番去, 佢地唔再覺得讀大學係一個"夢"咁遙遠既事
有咩事情咁感慨? 你可唔可以講多少少?
1個讚
我諗年代不同;環境亦不同了. 就以我既年代,讀大學並不是那麼容易及普及,讀到中七已算係咁. 但現在,除非考不上大學,否則父母供書教學到大學似乎係必需的事. 我又覺得負擔得到,供讀大學係父母既責任.
所以我唔會當仔女向我預支/借錢,將來要收多少少家用償還.
2個讚
我比較old school, 如果DSE考到UGC-funded學位我會供，但係DSE唔夠分去讀Found Dip,HD上自資大學嗰啲我會希望仔女「共同負擔」。因為呢啲學位喺我嘅年代係半工讀多，我未接受到幾十萬去讀呢類學位然後我要俾晒。
1個讚
found dip, HD 學費便宜過大學, 如果駁上大學讀自資唔係讀足4年. 所以總學費未必比讀UGC-FUNDED學位貴很多.
如果DSE成績只可以讀到唔鍾意既水泡科,咁係咪都要勉強去讀?
要睇唔同情況既,條條大路通羅馬.
1個讚
多謝提供資訊
我以為Found Dip，HD同學位同價。
咁可能睇下讀咩科，有啲科HD上可能同學位差不多。