定係雜亂有章？
我係多嘢，我覺得有章
不過都幾經常斷捨離
我係整齊, 所有野都會擺得好齊, 用完嘅野即放返原位, 盡量所有物件都放係櫃/盒, 因為只要有物件放係度, 唔理幾齊都好, 都會覺得亂, 放入櫃乜都睇唔到就會有整齊錯覺 
但我冇潔癖, eg 好多人一星期換一次床單, 我起碼一個月先一次
3個讚
我都冇，因為係心理因素多過真正污糟
我都多一盒盒一籃籃，呃自己好整齊
1個讚
我儘量將物品收入櫃, 枱面少擺野. 原本想放D擺設, 但可能因為我美感不足, 即使用同一個顏色 tone, 擺完之後總覺得亂, 所以都係放棄, 乜都唔擺
1個讚
我係放棄
幾整齊都冇用，呢頭執完果頭又俾仔女/老公整亂
最想斷捨離佢哋
8個讚
但我一定要搵到啲嘢，如果搵唔到對我嚟講就係失敗
算有章，但有塵
我好鍾意啲嘢放晒出黎一目了然果隻，櫃同櫃筒入面可能好吉，放啲十世都唔會用嘅嘢。
廚房例外啦，因為盡量唔攤出黎怕沾到油煙。
亂我可以，但污糟一定唔得，地下唔可以有雜物阻住我吸塵抹地。
Ps 家有幼童，其實保持地面企理係好艱難
基本上我會搵到晒要搵嘅嘢，所有物品都有自己嘅地方。阿女反而成日執行簡約，成間房所有傢具都要白色，但成日搵唔到自己啲嘢
4個讚
我亂中有序，隔一段時間就會執一次嘢，斷捨離對我黎講都唔難，以前成日買嘢見平就買攪到無晒位，後尾發現有時過左期都未用到或者衫太多著兩著就唔著，之後就開始減小購買。
而家食既唔會因為平就買如果常用就會買唔常用就唔會買定真係要用先買，衫就一年唔著既就攞去回收太舊就會抹下嘢就掉左佢，而家會係唔夠著即係斷捨離之後唔夠先買。如果真係好鍾意好想買就會諗下先，下次見到仲係想買先再諗買唔買。
床單被袋一星洗一次，枕袋和墊枕頭毛巾會隔日洗一次。
1個讚
整齊有塵,盡量物件入盒/櫃. 隨手抹塵,有時間就一星期大掃一次,無時間就隨心.
地板就日日都會吸塵,一星期濕抹一次.
阿囡就乜都隨手放,日日都要幫佢物件歸位才覺得舒服
我都幾鍾意斷捨離. 人老左真係要實行簡約生活,但暫時都係努力中. 
1個讚
屋企好難無塵。
話亂唔亂唔整齊又唔係整齊。
搵大件嘢一定搵到，搵碎濕濕嘢就有時時運高搵極都搵唔到。
一星期換一次我嫌太密，但一個月換(洗)床單又好似太耐。
不過我見到張床單嚴重地皺紋紋走晒位我就認為係時候要換。
雜亂有章
亂中有序
1個讚
亂，亂到我個人都憫憎，屋企4個人有3個無手尾，唔叫佢哋執嘢都唔執
你咁好嘅，我要叫佢哋親手執，唔好當我係工人，諗住佢哋會養成習慣啦，唔得㗎
我都會叫我小朋友執。
如果唔執，我會俾兩個選擇，
一係掉，唔掉就要佢執。
第二個選擇，我當佢亂掉垃圾罰$3000，大個搵到嘢做要每個月交罰款。
其實係我抵唔住頸,睇唔順眼.
佢哋成日話佢間房,佢唔介意亂,所以我唔可以迫佢執. 某程度上佢無講錯. 如果我幫佢執,佢亂到某一程度係會自己執.
執嘢都要慢慢學慢慢教，由細培養嘅習慣
我都用過呢招，佢地都唔在乎「咁你掉啦」
掉過好多好多。
未去到一塵不染
但少嘢，每樣嘢都有自己嘅位置
一個衣櫃可以擺晒四季衫
廚房用品調味料嗰啲，堅持每次一樽用晒先再買，唔會因為特價擺兩三支嘢係屋企。
Exactly! 最終都係要監督住佢地去執野，我都唔明點解唔花十秒將D野放返去原位，反而要之後花十幾分鐘去搵，次次搵唔到都問返我放咗去邊，激死！