其實佢哋唔介意掉嗰啲係啲乜嘢？如果真係掉咗佢哋ok都幾好
本來想一塵不染但屋企三件唔合作，又唔想太辛苦自己，盡量保持適度清潔就算
我同類嘅物件一定擺埋一齊，算唔算整齊？
我發覺真係睇性格,有些人好執拾;有些就散漫派. 其實佢哋唔係唔識,只係唔想執. 當亂到一個佢都忍受唔到既程度就會動手.
而家唯有要求佢哋公家地方就要有手尾,佢自己房原則上係無得勉強佢必需要執拾整齊.
好難一塵不染啦,夏天關晒門窗開冷氣,一樣有灰塵.
咩都有啲，新買嘅嘢又有，成套玩具嘅其中一啲parts都有！
佢地可能未必完全唔mind嘅，或者有鬥氣成份。雖然我唔太理解自己周圍亂放啲私人物品有咩好硬頸鬥氣。
不過肯定嘅就係我care多過佢care!
其實佢地唔太過份嘅話，我都會好言好語提點，大家合作啲，雖然唔係一叫就郁，不過隔一陣都會做，我收貨嘅都。
我又未到一塵不染, 但一定整齊有序… 大部份嘢都分類放好, 而且係一定放入櫃… 入屋, 我要有家徒四壁感 … 一多嘢我就忟…我係奉行買一件, 掉一件原則, 無嘢掉就唔好買…
1個讚
我係
我認為起碼唔好阻住人哋先，公家地方要有啲規矩，自己房點亂係佢嘅事