之前份工既上司又係話自己好勤力，生完BB第三日就投入工作，繼續搞project, 唔明點解我哋放產假期間唔肯處理公事…… 唔好話佢交代得唔好先至要繼續做，真衰！
2個讚
你女新入職? 射波既做左好耐?
年資有時係代表身份地位,職場就係咁,那有絕對的公平.
我一向都成日同仔女講職場發生既事,唔使特別教,聽聽埋埋,佢哋其實係入左腦,當真係類似事件發生係佢身上,佢就會識得借鏡,懂得處理.
1個讚
最新係佢，因為佢freshgrad
睇到呢句諗起之前識一個人
(拿我先聲明, 唔係針對樓主個女, 亦唔係針對有需要bed rest 既孕婦)
佢有左, 頭三個月已經有d 早期問題, 入左院兩次, 兩次都住幾日, 出院又有醫生紙俾佢休息, 變左頭三個月佢接近一個月無番過工。
到佢孕期第四第五個月, 佢轉左去睇唔同中醫, 中醫又開醫生紙俾佢休息, 加埋本身產檢又有到診紙/醫生紙, 都繼續有中西醫既醫生紙駁住SL, 人工當然照出, 公司唔炒得佢, 但同時其他同事只可以繼續做到媽媽聲
我唔評論人地有無需要bed rest, 但換個角度, 做佢同事好慘, 淨係知道個同事一直SL, 然後交接都無就要接晒佢d 工作幾個月 (因為無交接, 同事試過whatsapp 問佢野, 但佢都抱怨自己放緊SL, 好似唔多想答)
我以前都有同事試過, 佢上司係男, 仲問佢唔去得唔得
都CLS
條友有無老母生, 產檢都唔俾去
新人係要受下架啦, 摸清上司脾性,避重就輕,學習職場處事方法,都係成長必經階段.
我哋做家長既,雖然會替佢不值,但只係同佢一齊心心不忿,係幫唔到佢職場成長的.
雖然話頂唔順咪辭職囉,但其實到處都有這些情況,避唔得幾多,何況剛畢業都要儲下工作經驗,想辦法解決啦. 小病便寧願花點錢放工後才去睇醫生,甚至去藥房配藥. 儲埋病假既QUOTA留返不時之需.
坦白講,香港地打工仔,真係除非發燒返唔到工,否則好少傷風都請假去睇醫生,最多收工先去睇或藥房配藥.
終於都說出個重點來！
對於公司老闆或高層來講，一個員工／下屬經常要因病請假就係棹(音驟)忌！
經常請病假，仲係睇公立，一聽就覺得係『手尾長』嘅病
射波嘅慣犯，照計都識得睇眉頭眼額『就住』，唔會喺手頭上最水深火熱時請假，否則被人發現你啲蘇州屎就捉蟲！平時射波，無傷大雅，無爆鑊，有啲公司唯有隻眼開隻眼閉
但有啲病，走去公院睇，大家都知公營醫療對比私家嘅有幾慢，因為公院要同時服侍緊好多病人，好多嘢都要排隊攪，慢係正常嘅！抽下血，照下呢樣照下個樣，揸住張醫生紙喺醫院入面走去唔同科又排隊搞足一日都可能未做完，做完出院又要跟進下次覆診。總之，可能唔係大病但都比私家診所花嘅時間長，其實真係耽誤咗好多時間。
香港地，最出名就係講效率，乜都要快靚正（衰啲講如果你個女係打政府工就唔同）
如果真係有手尾長嘅病，醫療費會好貴，咁要排公院都無可厚非
但如果唔係打份hea工，年青人又要搏殺上位，咁就真係衡量下唔好花太多工作時間去做私人嘢，有病都要搵最快時效嘅方法去醫，唔係話有病就大晒！如果病況真係唔許可，唯有好似上面其他谷友話齋，有病都自己盡頂，唔係就停落嚟醫好個病先，或者搵過第二份無咁大工作量嘅工作，第日好返再跳返出嚟搵過份工啦
另外，公司保險係員工福利，也只係招聘嘅籌碼，通常呢啲保險範圍有平有貴，唔係大企業高層其實都係保啲好小兒科或睇個感冒都claim唔足嘅保額，而且有時診所都好睇住係咩保額就俾咩藥你。如果真係覺得自己好有需要醫療保障，應該趁後生趁健康時就買定保險，否則年紀越大健康越差時買就越貴，到時番唔到轉頭架啦！
7個讚
再講多少少我自己嘅經歷及感受…
試過有次喺屋企打爛隻玻璃杯俾碎片擦傷隻手係咁流血，本來即刻走去診所睇&包紮傷口，傷口其實在手背大約半公分面積，診所姑娘擔心入面唔知入面有冇碎片，同埋驚傷到啲筋，轉介咗去公立睇急症，排咗幾粒鐘又有護士睇過傷勢，又睇過唔見碎片，最後決定要聯針，不過唔知點解搞到好大件事咁，要我入院上病房，換晒衫坐喺病床等醫生，玩咗大半日整完我就要求立即出院（唔通仲要訓一晚！）當然之後仲要覆診拆線，拆線時先真正知道個醫生同我縫咗10針都有，連拆線嘅姑娘都覺得驚訝！我就覺得好無奈。好彩當時份工做緊政府嘢，請假無壓力，只係覺得有時政府的醫療真係好到一個點（曲），難怪咁受歡迎啦！
1個讚
無問原因。
不過知屋企離公司好遠，差不多要2小時車程
我個口賤女上司都係咁講,話自己陀B時無請過假,唔明點解我要拎產檢假 
我覺得佢係吹水,因為佢生BB時係舊公司,生完佢就無做,我唔信佢咁勤力囉!
我果個仲衰,係自己都生過女既女人上司 
1個讚
如果佢預左唔會番公立醫院生, 只搵私家做產檢, 約晒星期六先產檢咪可以唔拎假
但正常大肚梗係公立/健康院同私家兩邊都去晒, 雖然公立有時d 檢查都幾廢, 但你點知會唔會臨門一腳有咩問題私家醫院唔收你, 叫你番公立醫院生?
不過重點係呢d 人根本無同理心先會咁講野
點解宜家啲公司要反感公立？ 住公屋根本afford吾到私家
公司唔係反感公立,係對成日請病假反感.
所以都個句啦, 小病就唔好去公立睇啦.
3個讚
不如盡快買返份住院保險啦. 寧願其他方面節省些.
個人認為, 樓主好似到宜家都仲get 唔到個重點。
可能佢都離開左職場一段時間, 未係好明白樓上大家講既野
不如咁講, 如果你認為你女係遭受不公平對待, 即係被針對, 咁佢去睇公立/私家都好, 請得假多都係會被人話。甚至小事如佢帶飯番工, 坐響自己位食飯, 都可以俾人話。
有時出黎做野係人夾人, 如果阿女真係好委屈, 唔一定係佢問題, 只係呢個工作環境未必岩佢, 又加上佢身體抱恙, 我真心建議佢搵過份工。
5個讚
我都覺得 
但如果本身多長期病需要請假, 連小病都要花幾小時去排公立, 我估都無乜公司/同事覺得好ok喎.
2個讚
佢係公立醫院生架,所以一定有請過假去產檢啦,佢吹水自己勤力JE,佢返工HEA爆,我無做之後,公司CUT人手都迫佢自動辭職 
佢份人係好無同理心架,同埋有時會屈人幫佢做D唔係公司既野
呢個真,如入職無耐就成日請病假,公司真係唔忍得耐