我唔知你囡的請假次數同請假的日子幾長，
有可能已經影響到其他人或公司，
上司又唔可以話你病，所以一定會用其他理由
要你知難而退，依家市道差，好多淨住請人，
請過第二個人好過。
香港職場文化真係唔興請病假，基本上我遇到既同事包埋自己好耐都唔會請一日病假。
如果佢既工作係可以返黎先做返都ok,但如果佢工作性質係即時性如聽電話，因為我既工作係即時性，所以有病都自己盡頂，雖然係好奴隸，但係你唔做影響既係其他同事要做埋。
既然要睇公立醫院即係家庭經濟環境唔好，份工都好重要啦，學黃子華話齋，份糧一半係出氣，試吓請完病假，主動幫返其他人做嘢，睇吓會唔會好d
咁好明顯因為依啲人自己就係假病射波，然後覺得人地都係咁。
我就唔會理佢，有晒醫生紙，你理得我去邊度睇，跟足勞工法例放病假就放。
你個女係真病又跟足程序，問心無愧。不過職場就係咁複雜同多小人，又要識人情世故，唯有當佢上下堂體驗下咁
香港有幾多公司有人性到個職員成日請病假都無所謂？有病假紙都係咁話，大部分上司、同事都不滿，一定有是非。
就係因為呢啲人，一個就話好眼訓唔想返工就射波，一個就話有嘢做唔得閒唔返工，一個就可以預計到自己幾時請假，阿女就真係病，反而被話請咁多假crazy 
射波同事係咪都係UNDER你囡同一個上司?
職場好多唔同類型上司，幾好人都好個個都係把口賤同奸。有啲真係黑心＋賤口，蕉皮死貓咩都出盡擺明唔妥你。
有啲衰係把口賤，但內裡都算係好關心下屬，唔會俾死貓你食。
仲有類仆街上司就係笑騎騎放毒蛇，背脊萬箭穿心死咗都唔知咩事。
係啊，射波嘅一係同阿女同grade，一係低一級
呢啲人有冇被上司照肺？
上司對你個女平時態度係點？佢解釋完之後，上司咩態度？
你個女係短期突然請好多病假，定係長期（eg 3個月以上）？
如果只針對你個女的話，我希望我估錯，你個女作為女人應有嘅人緣冇，作為女人應有嘅直覺都冇，再加上香港職場請假文化，佢係間公司會過得好辛苦。
可以的話辭左份工養好個身體，既然你有時間陪個女覆診，即唔駛返工，家中經濟靠佢的話，咁你出來做住野頂住先。然後將呢個post比個女睇
嗰啲射波嘅唔鬧，我女真係病就鬧
佢今年出出入入公立醫院，有幾次仲要入院，所以先要請假，就係今次出院之後就鬧佢，又唔問佢咩事，明明阿女今次係好緊急
你有冇諗過點解
間間公司文化都唔同，唔係話道理喺自己到就生存到，仲講咩同grade、低級定senior，有d 茶水阿姐都惡過好多人。樓主講到個女幾乖幾好都無用，公司唔係屋企，老細都唔係父母。
點解
職場係好複雜嘅，你個女身體唔好亦唔係佢想，唯有教佢醒目啲走位，平時有冇氹下人，識做下樣，識唔識睇人眉頭眼額，收下風，留意其他同事，樣樣都要識下，撞板亦當學嘢等等
每人踏出社會難免遇到呢啲事，佢仲後生，慢慢嚟
養好身體先
現在D人咁忙，邊度有時間去公立醫院覆診，
除咗老人家、師奶 或 傷殘 、長期病患者，
可以用兩、三個鐘 以上 時間 去睇醫生，
後生嘅用錢買時間 解決問題。
樓上好幾位已解釋左點解針對你個女, 職場上最重要嘅唔係能力, 而係人緣
樓主千金已enttile to 公司福利, 即起碼已過晒試用期, 但仲未摸得清公司文化, 可能因為仲係fresh grad/第一份工, 所以未掌握到, 今次上左寶貴嘅一堂。
今次被senior篤, 請假只係導火線
我覺得都唔錯呢個建議，我細個如果有老豆老母提點吓或早一點了解職埸文化同人事關係，咁就唔會成個白痴小朋友咁衰咩都唔知。
就算佢個囡唔睇，只要係職場打滾多幾年俾上司小多幾次就會知衰咩。
不過呢家啲後生唔似以前我地，呢家佢地可以話唔撈就唔撈。我識個朋友佢個大仔今年一畢業去咗旅行玩完，9月搵到工11月已經辭咗工。
我細個都有咁諗過, 但而家諗返轉頭, 我當時後生女血氣方剛, 職場遇挫折返到屋企父母仲要話我做得唔夠好/唔識做人, 可能都未必聽得入耳 
所以最好等佢嬲完之後先講, 或者由外人講(呢個post), 會易D入耳
真, 自己撞板好痛, 代價甚至好大, 但真係會即時記得
因為受唔到氣？呢啲讀好多書個事業都唔會有乜作為
有D女上司同同事係咁賤,我以前係公司做最多野果個人,我大肚時請產檢假(公立開既假紙),我上司都唔想俾(其實唔俾犯法架),佢地又講好多難聽既說話