早幾日陪阿女去公立醫院覆診，發覺全場除左佢之外都係上左年紀嘅老人家或者我地呢啲師奶 
之前陪過佢去普通科門診同急症室，除左啲BB仔或者小朋友，都見唔到一個後生仔女，搞到阿女成日都係最細嗰個 
時代唔同晒，依家啲後生係咪全部都買晒保險睇私家？定係屋企有錢俾佢地去私家醫院？
我地住公屋，阿女冇買保險，freshgrad，佢話有啲同事都好驚訝 不過阿女話佢唔介意公立醫院個環境同伙食 
係大多數父母都埔小朋友買醫療保險，打工嘅可能有公司醫療，都係選擇啦
2個讚
我自從搵嘢做之後都未住過公立醫院，只探病
小病睇私家，大病touchwood未試過，我覺得我唔會排到隊 
Oh A&E一次，但等到通頂放棄，未見到醫生
阿女公司冇得full claim，因不是高層，私家醫院最多claim $500，普通診所只能用卡睇，要自己俾錢冇得claim，我地亦冇保險，所以阿女話寧願去公立醫院 
睇餸食飯啦
不嬲公立多長期病患覆診嘅多
2個讚
好幾次我地係日頭去，所以比較少人，唔會等好耐 
一般都係小病去私家，幾百蚊拎完藥返屋企抖下好過。
大病/BB病特別唔放心先會去醫院。
老人家可能時間多可以等，或者長期病唔係急病，比較多去公立慢慢等。
2個讚
全香港只有3成公司有＂正常＂公司醫療提供，你女女情況我都聽過，公司唔買醫療，只係俾少少錢claim就算，唔係咩細公司，重要係大集團咁做，咁做真係好cheap,呢D情況，我一定叫D員工有能力情況下買個人醫療
後生要返工, 如果公司同自己都冇保險, 寧願豪幾舊水睇私家啦, 你去政府快極都要請半日假啦, 再唔係索性買成藥食就算, 假都唔會請
2個讚
令千金要覆診仲要留院, 斷估都唔係傷風感冒, 呢D情況搵返政府follow又好正常wor, 因為就算有公司保險, 都未必cover得晒,
如果係傷風感冒, 打工仔真係未必同你去政府排(自己睇私家, 或買成藥食), 唔關年紀事
2個讚
我去探病，公立醫院都唔算好差，九十年代我中學時有啲暑期實習計劃，我去醫院做幾星期（其實冇嘢做），當時印象都幾好
香港人用番香港嘅醫療福利，名正言順
2個讚
唔係普通傷風感冒啊，阿女要入院因為要抽血檢查，仲要覆診跟進
不過佢有次傷風都係睇政府門診，仲話唔需要點等 
不過聽阿女講，佢有個高佢一級嘅senior喺佢出院後話佢去公立醫院好嘥時間，要佢去睇私家，搞到阿女唔開心 
只係高一級, 斷估都唔係咩高級職員, 就已經扮老海鮮, 呢D人hea左佢就算, 唔好有表情比佢知
1個讚
長期病真係建議睇公立,係香港人剩返既少少福利…
講返多數老人家唔多唔少都要食長期病藥
3個讚
我都叫佢唔使太介意人地講乜，做得唔開心大不了咪辭職，身體緊要過錢啊 
2個讚
以前出嚟做嘢有能力都係睇私家，最緊要快。（以前做嘅公司乜叉福利都無）
呢家無做嘢就政府門診多，除非撞正紅假＋病到好勁先死番去睇私家。
我諗我都係少數中覺得醫院個三餐好食。
除咗長期病。身體檢查驗血我都會係政府門診到驗埋，有啲檢查要出去私家做但有醫生紙價錢可以平少少。查出有咩事可以即時寫信排專科。
後生小病小痛應該都係私家多…後生既時間唔應該用係排隊睇醫生…
有時傷風感冒真係唔多想去睇醫生, 你俾我休息下就可以, 但我公司請一日假都要醫生紙…
(宜家多左人去外國, 原來英國/加拿大啲醫生都唔容易睇…咁佢地係咪唔駛醫生紙可以放假???)
(要醫生紙先可以放假應該係香港先有?? 無聽過其他地方咁容易睇醫生囉)
BUT如果你係私家CHECK到有長期病, 佢都會第一時間叫你排政府
政府驗血算快手,其他檢查就好難排到啦,自費快好多
好多人有事會兩邊睇,因為保險都包唔到咁多
2個讚