呢個係我上個post
呢1個月
我好努力改變，好努力去愛佢
我地亦見緊婚姻輔導
需要暫時未覺得婚姻輔導work
但我地會繼續
老公都同意關係好左，亦都見到我既改變
佢1個月前我地嘈交時佢有講過見完婚輔無用佢會帶走仔仔搬走
呢句說話我一直都放唔低
但琴日見完婚輔，我地心平氣和咁傾左好耐
佢話呢句說話係一時之氣，叫我唔好放係心
當大家，包括我，都睇到所有野好轉緊
但有件事一直都解決唔到
佢話佢自己都分唔清對我係親情定愛情
佢其實對我好好，到呢刻所有野都係以我為先
但佢話種感覺已經唔同以前既愛
覺得我地好似父母既關係
連佢自己都唔肯定係愛定親情，係因為佢仲會介意我感受
佢仍然想我開心，唔會想傷害我
抱住我時仍感到熟悉既安心
但佢講左一句，佢話個次屋企見到多左支牙刷
佢同我講笑話係咪收埋第二個男人
佢話個刻佢心入面竟然覺得，就算我同第二個一齊，佢都可能唔會傷心
聽到呢句我個腦一片空白
好痛好痛
我連努力落去既氣力都唔知有冇
但我仲好愛佢，佢對我好好，雖然可能只係出於責任同親情
佢話佢仲好重視呢段關係，佢好想再搵返愛既感覺
不過佢話就算搵唔返，佢都唔介意以親情過埋下半世
我到底應該點？
我個心痛到已經唔知點去付出愛…
如果冇第三者，雙方又想繼續一齊，使乜咁多理由咁多想法，人生走著走著，見步行步
無第三者
聽到你呢句話，又令我舒服少少
只係比較難接受，以前好愛好愛我既人，會變到今日咁
而我而家先發現自己好愛好愛佢
有冇諗過可能呢個世界8成夫妻結婚耐左都係咁？
但親情當中，點都會有少少愛情？
一個月你就想醫治好對方的傷口?一個月你就想改變對方對你的感覺?太心急了吧!
現在關鍵在你先生是否仍想維繫修補關係,如果佢無放棄,你唯一可以做的便是繼續努力,不要自尋煩惱,日久見人心.
記住愛要說出口, 當深情對話時就要將自己感受話佢知, 多啲關心對方留意對方需要唔好等對方開口先做.
我都知1個月點會補救到佢咁多年黎既傷口…
佢係有心去維繫修補關係
佢有提出去下staycation/放低小朋友去旅行
想搵返純粹2個人拍拖既感覺
佢甚至約左去做結紮手術,想同我性生活好d又唔想我食藥
我覺得佢仲對我好好
但一諗到佢個句"你同第2個一齊我都可能唔會唔開心"
我就心痛到唔知點再努力行落去…
我明白
呢個月我改左好多
而佢亦都話佢係感覺到我既愛
對住我亦少左壓力
有時佢見我唔開心，我又唔知點開口
佢都有提我要有效溝通
咁我都有努力表達返出黎
佢亦都好坦白同我講佢感受
但坦白到個一句…真係好似一把刀狠狠插入我心到
而我亦唔知而家我比既愛，佢仲需唔需要
係咪一切都太遲…
無力感好重，但如果連我都放棄，就無人救到我地
1個讚
慢慢黎唔好急, 正如你之前都講你老公付出多, 而你就一直都只係接收無付出, 而家就係考驗你既時候.
感情係要培養,佢個句說話係當時既感覺,如果基礎仍在,只要雙方都願意重新修補,愛係可以重燃既. 所以你唔好再將個句說話放大及植入心中,有時做人要難得糊塗才可走更遠的路.
行動最實際,佢係咪愛你,難道你感受不到?
多謝你既說話
令我釋懷左d
我覺得佢比我既感覺係愛我
但事實上,呢份表面既愛,其實可能只係親情+責任+習慣
唯一令我仲有少少希望既,就係我地感情基礎好深厚…
記住做人要難得糊塗,不要深究到底是那種愛,只要是愛便夠了.
而且兩人變成了一個家庭,便是家人,不要期望戀人的濃烈感情可以長久維持,細水長流更可貴.
1個讚
好多謝你
我真係好需要呢d說話支持我撐落去
多謝你
正面樂觀地走下去!
1個讚
其實正常夫妻係咁喎， 這是天然生理作用，多巴胺嘅問題，唔係人嘅問題！兩個人結婚係靠愛情，維繫婚姻係靠感情。 得閒一齊做吓運動，唔好諗咁多冇謂野，人生有太多事猜不透，想不通，計算不到，珍惜擁有，活在當下。做女人要做番本分，唔好因為有小朋友就少做運動，整體身形，皮膚，打扮要保衞，耐唔耐將柴米油鹽醬醋茶放埋一邊，兩個行街睇戲食飯，到老就行公園番屋企食麥皮，咁就一世
1個讚
但感情入面,點都有少少愛情
如果連少少愛情都無,就變左同屋主既關係
我有個朋友既老公又係咁，突然話對老婆冇左愛情，話就算離婚都冇咩所謂，繼續一齊都冇咩所謂。我朋友傷心左好耐，最後努力有成果，佢老公鍾意返佢，但佢用左好長時間呀，你唔好咁心急。
請教下當中佢地點做去搵返愛？
聽到成功例子，有返d信心
多謝你
其實我又有另一種睇法，唔知啱唔啱，我覺得夫妻對得耐，個個都係咁，只不過冇講出口咁解
1個讚