我唔係當事人，我只可以講俾你聽我知道嘅嘢
佢老公喺傾談之下，都願意嘗試挽回關係
之後佢哋有一齊結婚姻輔導，有一齊返教會。初時，我朋友一搵佢老公，佢老公都覺得煩；有時我朋友特登喺公司附近等佢放工，諗住一齊去拍下拖，佢老公都覺得佢好煩，冇嘢搵嘢嚟做。
之後我朋友話：嘗試唔再以老公為中心，比自己自由，亦都比老公自由。佢試下培養其他興趣，唔想情緒再因為老公大起大落，唔想再亂諗嘢。
佢冇亂諗嘢之後，好似成個人氣息都好咗。
但我唔清楚有咩契機，佢老公鍾意返佢。總之用咗唔短嘅時間，起碼幾個月先有少少轉機。
其實我都有咁諗過
但佢講到我同第二個一齊佢都唔會唔開心
就算結婚多年都唔會咁掛？
我呢幾日都睇左好多野
都係叫抽離下，唔好圍住佢轉
發挖自己既興趣
我老公會主動叫我兩個人食飯拍下拖
因為佢好了解我扮無野
其實內心好不安好想佢陪住我
我係好想佢陪住我
但我都想比多d空間佢
唔想佢覺得我係包伏
所以我都努力扮緊無事
等佢唔好擔心
其實又唔使扮無野既,佢主動約會你,你咪去囉.個刻唔好諗咁多野,唔好自尋煩惱,只管盡情享受當刻.
當佢唔得閒時,你便自己打發時間, 唔好俾自己胡思亂想.
明白
我要好好地消化左自己情緒先
好幼稚，兩公婆有時鍾意有時唔鍾意有乜咁出奇
一個又要分析講出口，另一個又咁認真要難過。
兩個人剎有尬事咁諗多咗，做多咗，越搞越麻煩，你朋友唔斗纏咪慢慢冇咗件事
無論你或者你先生嘅幻想都唔洗太理會。人只需要望住前面，努力一齊走過去，既然講到明大家緊張大家，然後好想搞番好個關係，咁就足夠走落去！
最緊要大家有心維繫