返工唔開心，但人工高福利好。
唔開心嘅程度係DH將你投閑置散，
所有嘢都唔受你玩，唔同你講。
原本Under你嘅全部上晒位。
我幾十歲原本應該要睇得開啲，但係個心堅難受。
我想辭職，你哋會點選擇？
PS： 我係唔會被炒嘅，因為大老闆好鍾意我。
問自己
自己搵唔搵到第二份差不多
開心緊要定錢緊要
有冇f*** you money
情緒係大於一切，但比DH迫到抑鬱前，自己可以轉念一下…
喂，你就好啦，咩都唔使理可以印印腳等收工！d野人地做，錢你又有份袋，又有後台，咁同隻比人供奉既招財貓（仲要招落自己度）有咩分別先？
d會真係好煩，出面人際關係好複雜又多是非，都未講陪笑陪happy hour, 自己係個安全島做自己野幾好呀！準時收工wo!
係呀，我係唔上進ga la, 高位無我份，但我重申一次，我薪高糧準wo! 有後台係躺平ga la, 呢d 叫高級躺平，你地繼續努力埋我個份啦，我黎緊份bonus靠大家！
如果以上你feel good, 可以試下咁諗。但如果你係工作狂，咁另外再搵地方。另外，返工太得閒都會亂諗野，不妨搵野做下，以防真係比人炒。
12個讚
自己搵唔搵到第二份差不多。
唔算易搵，始終年紀大，搵到的話人工相差唔會太多。
開心緊要定錢緊要
我兩樣都需要。
有冇f*** you money
得幾年生活儲備。
Feel 唔到good。
你心水清，我真係工作狂，所以而家好痛苦。
我有嘗試過自己諗，唔緊要啦，啲嘢留返俾後生做，我老花唔夠醒目做唔黎。
我坐呢個安全位好安全喎，唔使做唔怕揹鑊又唔使捽數。
最後都係呃唔到自己，個人唔開心到一個點。
但世事往往只能二選一 （或搵個平行 20% 快樂 /80% $ 之類）
我就覺得冇野比精神健康重要
5個讚
而家只有2揀1
上次轉工，量咗半大半年地先搵到新job。
過左幾年以家又大幾歲，真係擔心搵唔到。
屋企人有醫療開支，有一定負擔。
我都好想好似樓上講阿Q咁諗嘢。但我又真係好唔開心。
唔開心到嘢都唔想食。
我都有嬲自己，都幾十歲人，做乜仲咁情緒化。
喂喂⋯⋯我同你一樣呀，仲加埋係外國，英文唔夠好，但係出去搵唔返呢個人工，唔敢郁
我選擇盡自己能力做，做到幾多得幾多，唔好孭鑊就算，我想係搵到錢嘅時間盡量搵多啲錢，因為我知道我自己冇得後悔
2個讚
你本身性格係點？會唔會容易後悔？坐這山望那山嘅人？肯唔肯捱窮？係咪怨天尤人？定係向前衝衝衝嘅人？
如果本身鍾意工作鍾意拼搏嘅，以工作去定義自己，呢份工的確影響你
但如果個人樂天，有其他嗜好，有份糧就得，工作點都影響唔到你，咁當然呢份工好適合你
仲要計埋你仲有幾多年退休，有冇其他想pursue嘅嘢，一兩年後都搵唔到工或者新工未如理想會點？
我都鍾意移民前份工，但冇辦法，要選擇，我亦冇後悔，揀咗就向前衝
2個讚
我諗呢樣已經係答案。
你升咗去神台位就做番神台位嘅嘢。唔好再諗太多。
8個讚
我諗全世界人都想
但有條件做到有幾多個?
如果你本身事業心唔強
想成世開開心心打工只能靠運氣
你已經人工高福利好又冇野做
對好多人黎講已經好幸福
3個讚
我完全明白你感受，我之前個情況同你一樣，最終我係決定走人，重要跳過佢直接同老細講
2個讚
找其他精神寄託,既然咁得閒,學下其他知識,例如外語或你一直想學,但以前無時間,無機會.
4個讚
樓上講轉念嘅方法其實係最好(好多人比like)，但係原來你係工作狂。咁你不如騎牛揾馬，揾倒工就轉。你繼續留响度，冇野做又亂諗野，真係驚鬱到病
3個讚
樓主你覺得呢個DH 可以玩幾耐? 得唔得到老細歡心?
感覺到你鬱鬱不得志, 我都支持騎牛搵馬。
(之前試過份工係, 人事複雜, 豬頭骨我食晒, 班cheap 精日日歎咖啡, lunch time 我完全想自閉, 我討厭份工討厭到個個月都有一日扮病SL射波, 最後我做夠一年都搵工走人)
但需知道你有家庭負擔, 家庭儲備有限, 你都要諗定backup plan, eg 有一舊錢係三個月至半年生活費, 做住3個月定期, keep 住滾存, 賺番多少被動收入先
3個讚
你似曬命多啲喎
1個讚
比著我就唔會走
出去揾過份都會有人事問題
6個讚
不過我份人會好厚面皮
你愈唔鍾意我我更加會見親都笑笑口同你say Hi，尤其係啲曾經篤過我背脊嘅同事
2個讚