鑄鐵鑊 - 唔識欣賞, 等佢熱都等到天荒地老; 好多時心急於, 等唔夠時間, 痴底痴到傻咗
鑄鐵煲 - 煲粥好快綿, 煲湯炆嘢都覺得出味D, 亦從此唔再用電飯煲, 改用鑄鐵鍋煲飯. 仲會用來做no knead bread, 成個煲放入焗爐. 兩個主要品牌比較下, 我鐘意staub多D ; 但係顏色/款式就無le creuset咁多.
易潔鑊 - 暫時屋企仲有一隻細嘅, 但打算佢退役後就唔再買, 改用carbon steel pan. 原因包括佢嘅塗層, 其實都講咗幾十年有幾唔好, 而且deteriorate得好快, 要密密換, 即係不斷製造垃圾. 曾經拎過去renew個塗層, 雖然係有限錢但係長久下去都費時失事.
carbon steel pan - 本身屋企有隻大嘅, 但都唔多用, 又重又痴底. 後來發現我屋企嘅電磁爐係唔夠熱去開鑊, 特登去買個打邊爐果D gas 爐去再開鑊, 從此就好好多! 但係有時都要小心, 唔好用洗潔精, 否則又要開過鑊.
Instant pot (壓力煲) - 最近先入手, 煮食pattern從此就改寫. 煲湯炆嘢都快好多, 好出味. 港女煲都要行埋一邊. 最好係全電子, 有時間制, 唔洗特登睇火就由佢煮好然後焗住繼續炆/煲.
金樂煲 (配埋燉盅果隻) - 曾經擁有過, 但其實只係一個有時間制嘅電子煲, 唔係特別快或特別出味, 而且太大座, 好快送咗俾人.
真空煲 - 亦都係曾經擁有過, 係慳到能源, 但係時間上要好耐. 同埋覺得煮完出嚟都唔係好出味, 縱使食前再用大火滾起. 又係最後送咗俾人.
以上係自己不專業的入廚心得, 大家交流下 
根本就唔知佢買咗隻咩鑊，佢嗰日煑完飯就打嚟同我哋講，話隻鑊一用就花咗，好驚再用食咗會生cancer喎⋯⋯點知原來係痴燶底
