背景：
兩個小朋友，一個K1一個N
一直打算等兩個升小就請工人再返出嚟做嘢
大女嘅同學就嚟移民，佢有姐姐放出嚟
同學媽媽對姐姐評價唔錯，我平日接大女放學都有接觸過姐姐，都覺得佢唔差，姐姐都親自問我有冇興趣請佢做幫手
繼續做ftm：
- 可以對多幾年兩個小朋友，珍惜幼兒時光
- 自己湊安心啲
返出嚟做嘢：
- 搵多少少留比兩個小朋友去玩去學嘢都好
- 錯過呢個姐姐驚要花多啲時間先請到個好
歡迎留低意見，多謝大家
其實唔一定係二揀一，兩者可以同時擁有，問題係你想唔想
4個讚
即係ftm 同時請姐姐？
如果搵到份好工會揀出黎做野。好工定義為有支持到去玩既錢加唔多ot，心理壓力唔大既。
因為小朋友返學個啲時間，你去返工咪啱哂。準時放工之後又可以一齊去玩啦。
佢要返學，你去返工，其實無miss到時光，最多都係幾個鐘miss左
2個讚
你自己想唔想返工呢？
財政壓力？
2個讚
係同時ftm 同 工作
1個讚
其實我個人覺得，就算屋企無壓力，都唔應該做ftm, 一來唔知未來係點，如果突然再出嚟做嘢，易唔易？ 二來，好易同社會脫節
7個讚
目前開支唔大，另一半返工扣埋日常開支都仲有剩可以儲起
但到兩個小朋友大，想學多啲嘢就要投放多啲資源，所以到佢哋小學都係打算返出嚟做嘢
我冇專業技能如IT，搵唔到可以wfh嘅工作
多謝你，你嘅想法好正面
小學其實都好多野跟
可以的話，請姐姐加ftm都冇問題。
6個讚
當小朋友升上小一後，你嘅時間就唔係單單係屋但陪佢，而係到學校度，尤其是現時學校會有好多親子活動，考試呀，到時你又可能諗返唔返工好，怕無時間同佢地溫書，無時間參加活動呀，慢慢就會一年一年咁拖落去，最後當你認真想出返嚟做嘢時就會覺得好似脫哂節咁
1個讚
我自己睇法係，如果想要揾多個錢，幼稚園時期請姐姐加返工，儲下錢，小學時期先睇情況缺定做唔做FTM
如果好彩揾到份唔大壓力又容易請假嘅工，咁咪可以一直做落去
我自己經驗係，一做咗全職媽媽，除非屋企經濟突然出現好大問題，否則好少做做下出返嚟做嘢（尤其對小朋友上心同冇長老幫手嘅媽媽）
K2,K3會諗上埋小學先，初小又會諗同佢適應小學進度先，之後又諗不如搞掂埋呈分試……諗諗下小朋友中學傢啦
7個讚
你返工搵到幾多先？如果搵得萬零兩萬就算啦，以後都FTM
1個讚
唔係好明點解而家d細路讀書阿媽要咁上心+貼身跟。
我自己果件讀書我連功課都唔對成績中上。考試我從來唔會請假陪佢溫書。
我覺得而家d阿媽太上身上心，定係無從細教細路自己的責任同點讀書搞到而家咁。
如有得罪就講聲sorry。
1個讚
好怕見到d阿媽出post所有都圍繞仔女，一係就話考試周呀好辛苦呀果d…又或者成班阿媽早餐會咁呀
如係真闊太就另計
3個讚
兩個小朋友，如果學嘢好大機會都要分別接送，有姐姐方便好多。
如果屋企有空間請工人就請，反正遇到個唔錯嘅。
作為過來人，我覺得有工返有收入，放工陪小朋友，咁係開心好多，有自己生活，同小朋友相處嘅磨擦都會少啲。
都仲有好多因素影響嘅，例如老公意見？同你做咩類型嘅工，可唔可以放工就真係放工唔使再處理公司嘢？
返工時間點？如果要返shift 、weekend咁就真係對家庭影響好大。
2個讚
我都覺得係,做下PT/FREELANCE都好過無
3個讚
我做開FTM跟到小學真係好難抽身,我都係呀女幼稚園時返過長工,之後就疫情要自己湊返,如果遇到好姐姐,我建議幼稚園時期出返黎做野
2個讚
我都係2020年開始做FTM
返工媽同全職媽都做過，我做全職媽點都舒服過要返工果陣，起碼呢傢屋企6點3準時開飯，8點半熄燈，9點小朋友就訓咗，我仲有好多自由時間
如果返工就一定唔可以做到。
不過遲啲出返嚟做嘢又要面對空窗期嘅問題。
1個讚