無工人姐姐就一定係FTM舒服過WM,時間自己控制到~
到時小朋友大啦,青春期都想有自己空間,到時我地咪出返黎做野囉~
2個讚
我會返去以前公司返工，唔使ot ，準時收工，收工就收工，但返到屋企都要7點
係，我覺得如果經濟許可，可以請工人加ftm，兩個小朋友有唔同活動，有兩個人就可以靈活走位，小朋友病或者媽媽病，都叫有多個人幫手。
同埋趁有姐姐，媽媽可以有空間去增值一下／返part time，然後先出返嚟工作。
1個讚
身邊有幾個朋友都係請工人姐姐，自己出去做兼職，又可以有工人姐姐幫手，又可以賺少少錢，又可以照顧小朋友，雙贏局面
2個讚
而家請個好姐姐好難架，如果我遲早都諗住出去做嘢要請個姐姐，咁我會請咗呢個姐姐先囉，小朋友上小前可以做住part time先，到小朋友上小，姐姐又做熟手咗，之後先搵份full time做
1個讚
錢唔係問題既話, 請姐姐+Part time
返Part time主因唔想自己脫節, 如果姐姐唔做, 隨時可以抽身主理頭家
2個讚
另一半大概幾點返？
小朋友初小都會需要功課指導，如果請工人+放學去功課輔導班做功課，咁你放工返黎都仲可以有兩個鐘頭陪佢地食飯、睇兩眼功課、玩同傾偈。
如果唔捨得放佢地去功輔班，另一半又無辦法負責到嘅，咁靠7點返屋企嘅你基本上係搞唔掂，會好痛苦。呢樣工人基本上幫唔到，最多煮飯同接送。
小朋友自理能力係可以培養，不過都唔係一步登天。
2個讚
我覺得去功課班係一個option。同埋大把香港人雙職都未必個個去功課班。
我自己同妹都係band1，父母雙職，都唔洗去功課班，自己搞掂。我係中四五先有補習。
你可以話宜家唔同以前，但ftm應該都唔係大多數人既情況。
1個讚
好多都係咁，姐姐接放學，同小朋友食完下午茶送去功課班
1個讚
咁你有工人姐姐,返到屋企就開飯,無乜問題呀. 最緊要份工方便請假.
1個讚
如果我係你會試吓，見你講返係返舊公司做，雖然已經有人脈，但機會唔係話有就有，所以試咗先。
有冇長老幫手睇？
1個讚
Why not both?
1個讚
另一半都係7點左右返到屋企
到佢哋上咗小，都有放去補習嘅打算
希望親子關係和諧啲
請教一下係你父母幫你哋跟功課？都有工人姐姐？
請假方便，工作唔跟身
婆婆有時會上嚟坐，但呢個菲姐姐主要講英文，婆婆驚同佢雞同鴨講
咁就無問題啦
1個讚
Download 個翻譯app俾婆婆用
1個讚
工人一定唔會幫我跟功課，我爸都無。我媽係細個可能背默佢會讀出嚟，但我同妹大部分時間功課都唔洗我媽擔心。
1個讚
有個自己人睇住屋企同工人會放心啲，我覺得唔好叫你媽咪叫佢做嘢喇，工人做晒你要做嘅嘢已經ok。反而係有啲老人家唔鍾意見到工人無所事事，都要俾心理準備婆婆，有時工人姐姐會坐喺度就由得佢 
2個讚