大家減肥有效果未？
我用咗4個月減肥
體重：63.2kg 
53.9kg
體脂：33.3% 24.7%
自己好滿意
期望體重可以去到50kg，但呢個月體重冇乜跌幅，應該係平台期緊
嚟緊集中修線條操肌肉，暫時唔會focus向體重度嚕
大家進度如何？
3個讚
快d講點減！
3個讚
本身矮，m size，下身肥胖，肚腩以下慘不忍睹。
三月開始做運動，無特別節食，只係盡量食多d 菜、夜晚戒澱粉質，但都會食，有時同屋企人食好難避免，沙律照落醬，肉類一定唔食瘦肉、雞要食雞髀連皮。
無戒口又食得飽，所以唔算辛苦，唔會想放棄。
無量住體重，衫褲size 著得返s-xs。
4個讚
咩運動令你keep住做？
係呀，華人食飯係煮一大碟餸share，好難淨係自己果份少鹽糖油
我都花左好耐時間說服阿媽煮飯唔好落咁多調味料，其實都唔係完全為我自己減肥，係全家人健康著想都應該落少啲
飲食：
飲食均衡，少鹽少糖少油少調味
碳水每日<90g，蛋白質每日100g
運動：
跟pt做gym，每星期2堂
泰拳，每星期3堂
其實冇花巧嘢，冇特別飲食方法，只係要控制好把口唔好亂食嘢，同埋要keep住做運動
嘩一星期五日運動好多呀
你好勁呀跟屋企食飯都減到！
另外可唔可以分享你100g 蛋白質係食啲咩呀？一隻蛋先6g蛋白質我有時想食多啲都覺得難。
9月開始日日跑30-40分鐘
冇控制飲食
55kg 去到52kg
睇完呢個post 重燃返減重嘅決心
2個讚
其實係冇5日運動，因為gym同泰拳會同一日上，所以係一星期做3-4日運動
個配搭係1 hr gym + 30 mins cardio，已經減到肥，30 mins cardio 可以行跑步機（唔係跑）就滿足到。但泰拳係我嘅減壓運動，持續左10年唔想停，所以就用泰拳代替行機去fulfill 30 mins cardio
我用左一年多啲，由66kg減到54kg左右
主要行168,減碳，朝早一杯手沖咖啡，中午食靚油脂餐或地中海飲食，主要食菜，蛋/肉，加個蕃薯/薯仔/南瓜，晚餐少飯其他正常，所有飲品走甜，一星期最少一次跑3k左右
瘦左真係睇落後生左，個個聽到我仔讀高小都好愕然，會努力keep住
4個讚
係呀，瘦左個人靚左又後生咗，著衫好睇咗
80後嚟講，覺得出街仲有男人望下自己都覺得自我感覺良好
你幾高呀？ 52kg都唔算重了，可以唔洗著重向減重量度，可以做多啲修線條嘅運動
我以前都試過打泰拳+控制飲食，減到10kg，但就算有做運動，都做唔到修線條嘅效果，啲鬼鼠位仲係鬆鬆哋咁
所以今次的起心肝做重訓，效果真係好唔一樣，開始見到有少少肌肉，平時郁唔到果啲位都firm咗
2個讚
我3月開始報運動班,斷斷績續做運動,今個月有join gym room,我半年大約減左5kg,但我係超重 
我跟過PT度過我肌肉量係好多,所以其實我減肥係減食重要D,運動效果不大~
1個讚
呢個真係好問題，食100g蛋白質真係好難，其實我都係食唔夠
主要每日兩份高蛋白質肉類：雞肉、蝦、魚、蠔…
牛都可以但我唔食牛肉，估計兩份肉都有幾十g
之後就係補豆類製品：豆腐、豆漿、鷹嘴豆…
再加蛋&脫脂奶，9唔9會補啲蛋白飲品
加加埋埋唔夠100g都接近嘅，但我教練比我最低要求係至少多過60g，咁就一定夠
最麻煩係我有啲日子會素食，食少果兩份肉就真係唔夠數，試過食多啲蛋同豆腐，真係飽到想嘔，所以素食嘅日子基本係放棄蛋白質
係呀，成日都講減肥係7成飲食，3成運動，唔知點解好多人都唔信
其實身體每個卡路里攝取都係靠食嘢/飲嘢落肚，成日諗點做多啲運動去消耗卡路里，不如直接控制唔好攝取咁多卡路里好過
我有朋友淨係睇營養師改善飲食，零運動，減咗30kg，不過佢唔做運動減完成身鬆泡泡咁
所以就算你肌肉量足夠，都唔好放棄做運動，做運動身形一定會好睇好多
2個讚
我都覺得減到5Xkg個陣都練下肌肉修線條，不過我冇時間去做gym，唯有keep住最少一星期跑一次，臨瞓前做少少伸展運動。
瘦左另一好處係可以買番大童size既tee，好抵，係由治及興下，更加要精明消費
2個讚
我做可以一路碌電話嘅運動，me time 得嚟又郁下啦
我依家食零食前，都會諗，食咗呢舊要做成個鐘運動先消耗到，就唔會食。
不過我有睇下ig 分享點樣長遠keep fit，就係唔好迫得自己太緊，好易會暴食。另外其實放縱下只係佔你一年以內好多餐嘅其中一餐，久唔久開心下都ok。
1個讚
其實都係，我有照飲珍珠奶茶同食雪糕，不過一定走甜，雪糕一係食細枝啲，或同個女share幾啖就算。走碳個餐都有肉，唔一定係烚雞胸，有時係焗雞/牛/豬/三文魚乜都有，咁就有恆心同持續到
我就係衰在為食,同埋我肥左之後如果肚餓我會頭暈,攪到我唔鐘意食糖,出街都要袋2粒 
而家我都改善緊飲食,食飯食唔曬會留起佢,唔會夾硬食