你哋啲貓幾多歲？我兩隻貓都12,3歲，已經係老人家喇，各有不同嘅老人病，好似開始要倒數生命
我搵緊機帶佢哋嚟英國時佢哋仙遊，都係十幾歲，而家主要幫人溝貓算，冇再養
係咪因為怕自己會再傷心多次？我有時都會諗養咗咁多年貓，突然間屋企冇咗佢哋可能會好唔慣，再養嘅話又要面對傷心嘅問題。
1個讚
我暫時未接受到再養十幾年然後佢再離開，移民後心情又未話好好，生活又未算好穩定，所以唔養住
其實我都好想做貓奴
但我接受唔到佢哋嘅離別
屋企人都好清楚我性格
話我會崩潰…
所以只能同屋企人定期買吓貓糧或者貓條條
見到街貓就會去餵佢哋
2個讚
一樣, 為有玩人地D貓, 或者上youtubeb睇貓
1個讚
係㗎，生離死別真係好難面對，始終佢哋都陪咗自己十幾年，同冇咗個親人一樣，好心痛，但呢十幾個年頭有佢哋加入自己嘅家庭的確係好開心。
1個讚
我入咗好多Facebook貓貓嘅群組
成日睇佢哋啲嘢
1個讚
其實早排我有同屋企人講過，不如我哋做暫託家庭
好想盡量幫到啲貓貓
不過我哋冇呢方面嘅經驗，所以都嘗試去了解緊
1個讚
都好有意義呀，又可以加深了解啲貓。
1個讚
我做暫託都好開心，又有意義
2個讚
我有入天下貓貓、舖頭貓,
亦有follow開黃阿媽、好妹小姐、larry the cat,
睇住佢地由細到大到老, 未來幾年應該都會陸續過身, 淨係諗起都唔開心, 更何況係親身養貓, 所以真係唔敢養
2個讚
好似Bob死咗主人又depressed過，到而家都未好企返喺身，好陰功
1個讚
英國政府直情準備左應變計劃for larry過身, 我估到時都會舉國甚至國際新聞, 畢竟佢應該係全球最出名嘅貓
5個讚
啱啱養貓嘅時候，話就話知道佢哋離開嘅時候會唔開心，當真實面對嘅時候，嗰種痛真係俾刀割咁，今年年頭啱啱走咗最痴我嗰隻，依家到第二隻開始有事，睇到佢冇晒精神，真係好擔心…
我估我最後都係會養返，一係貓一係狗，因為嗰種親子關係好難得
1個讚
其實真係好傷，雖然話係寵物，但係佢哋真係會feel到你對佢哋好，佢又會痴返你話你知其實我都好愛你… 突然間冇咗呢份感情嘅互動，真係會好失落又以難接受
1個讚
未爬晒文，我最近3年半有3隻貓貓離開咗我，分別15, 17 同接近20歲
喺第一隻返咗彩虹橋後，心好痛，係真係physically覺得痛，有少少壓住壓住唞唔到氣咁，仲會成日同仲在生嘅主子講唔好咁快離開，諗起又會喊，主子們feel到仲會安慰我
到第二隻走後，我覺得要更加珍惜相處時間，唔可以成日咁負面
因為我嘅情緒真係會好影響佢地。加上主子們相處咗十幾年一齊大，朋友仔離開都好唔開心，要照顧好佢地心理狀況
貓貓離開係會好失落好難受，但我相信佢地係有返黎探我嘅，而且我同佢地約好咗遲D見 
我覺得主子俾到嘅關懷同愛係無人類俾到我，如果身體狀況許可，我會一直養
4個讚
多貓家庭
最細14歲，最大20+
暫時都成日跑走跳，會打交互追，屎完會爆衝，我成日唔覺得佢地年紀大
除咗自己唔捨得佢地，小朋友同貓貓感情好，貓貓係會上佢床訓，又成日跟住佢。
小朋友會話擔心貓貓去彩虹橋唔捨得，因為小朋友情格比較焦慮，都就青春期啦，驚貓貓離開對佢會情緒上好大衝擊，因為BB開始已經對住。
2個讚
想養貓，但屋企環境未ready，如果遲啲搬屋會設計到可以養貓。
但每次我有個朋友去旅行，我會同小朋友上去服侍主子，專業鏟屎餵食陪玩。啲貓都認得我同嗲我
1個讚