x2
我都覺得我唔適合養寵物
1個讚
而家健在兩隻11歲同15歲，上年半年走咗三隻14，16同17歲，無憾了跟我過咗英國終老
5個讚
前貓奴，貓貓幾年前走咗無再養。
1個讚
養左差不多二十年，經歷離別都好幾次，我覺得最痛苦唔係畢業後嘅掛念，而係佢畢業前患病嘅痛苦，照顧者同被照顧者都辛苦。
始終佢地係動物，天性係重病臨終會想喱埋獨自面對，而我哋又會幻想到佢地隻隻係生命鬥士咁，做盡各種嘅事去「幫」佢延續生命。
而家呢幾隻只得3歲，不過我都隨時要有心理準備，我想自己可以成長，用適合貓貓嘅方式去陪伴同面對果一刻，而唔係人類嘅方式
而家有左小朋友，我學識冷靜處理，因為小朋友真係見貓貓病都喊到癲咁，畢竟佢一出世屋企就有貓，係陪伴左佢一世嘅家人，有人emotional, 都要有人識冷靜。
我好樂觀，都有信心貓貓活左成世，我地係對得佢住比左快樂貓生比佢，無憾嘅。
3個讚
兩隻12 ／10歲，
幾乎日日都打下交先至安樂，所以屋企都幾嘈，
主要餵鮮魚，多數係街市買，
有部份係自己出海釣魚嘅魚仔，蒸俾佢哋食，
每日中午及睡前餵魚俾佢食，
有餵亁糧，放咗喺度，佢哋自己肚餓就會食D，
長期種小麥草，每日餵幾條草，
最鍾意瞓梳化，比佢哋爪到爛晒，
梳化套十幾日就拆出嚟洗，
我覺得佢哋都幾健康，點解⋯⋯你見到佢哋磨爪劍麻地氈，開晒花，就知道佢對爪幾有力。
2個讚
你可以好好控制自己情緒係好叻㗎喇，我係好眼淺，一有情緒波動就撳唔住。
同貓相處過，先體會到每個隻貓嘅生命係好有限，壽命比我哋短，大家用咗咁耐嘅時間建立親密嘅關係，但佢哋已經年華老去，係好唏噓，不過都係好開心，好珍貴。
佢哋只係行先我哋一步，之後我哋一定再重逢。
1個讚
見到佢哋跑跑跳跳，之前會覺得好嘈，但經歷咗佢哋重病，冇胃口冇使動力，真係好心痛，之後就希望佢哋keep住咁活潑，嘈啲都冇所謂。
咁你要好好睇住你小朋友，到時係會好崩潰好難接受，但同時都係體會生命嘅其中一科，學會珍惜。
1個讚
你講嘅我呢幾日深深咁體會到，其實我其中一隻貓上年check到有腎病仲要係第四期，今年年頭好好彩靠藥物將佢個腎指數撳低咗，而佢都好努力咁生存多一年。
但由於腎功能只會不斷衰減，上兩個星期見佢又唔食唔痾就知大鑊，就馬上送咗貓貓去醫院留醫，大約留咗一星期，醫生都幫唔到啲咩，就拎返佢返屋企好好休養，好好陪埋佢最後嘅日子。
呢幾日睇住佢行路趷吓趷吓，去飲水去廁所都要格外用力，但都會周圍望吓，叫佢個名佢都會應，之後慢慢虛弱到只係搵個枱底窿扒喺度，叫佢個名只係見到佢耳仔同尾巴郁一郁，佢真係冇晒力，真係好心痛。
琴晚我餵佢飲水，之後佢撲咗喺我隻腳到，見都佢呼吸比平時快，我意識到應該係差唔多時候…我叫晒屋企人入房陪住貓貓，大家雖然好傷心，但直到貓貓斷氣一刻，我哋竟然好冷靜冇喊到，好好咁處理貓貓，再送去去醫院辦後事，當然返到屋企都係喊到痴線。
1個讚
sorry for your lost.
貓貓畢業喇～希望你地都唔好傷心太耐，將來大家提起佢仍然係充滿歡樂開心回憶。
1個讚
其實⋯⋯我聽過貓有腎病，主人一星期三次帶佢去獸醫度打針，佢哋叫「去水」，然後帶佢返屋企，
長細情況我都唔係好清楚，
明白的，佢係我第一隻養嘅貓，親手由BB帶佢返屋企，最後喺我懷中走我覺得係圓滿嘅。
個啲好似叫做打脾下水，係可以幫到嘅，但腎功能如果一有損耗就唔可以復原，所以真係睇吓last到幾耐咁解…
我上網睇過，老貓頭號殺手都係Cancer同腎病…我兩隻貓都中晒…
其實唔只貓 連人都係，
我見朋友都帶隻貓，來來回回獸醫診所，都有幾年咁耐，
隻貓而家都仲未死。
宜家兩隻貓，一隻6-7歲，一隻3歲嚕
因為好清楚以後總會有一日會分開，
宜家都盡量對佢地好d，
雖然都要返工冇辦法成日都陪住佢地，但係都係盡量每日用好多時間摸佢地，
同埋影好多相，留多d回憶
1個讚
你錫佢哋，用咗幾多時間都好，佢哋會知㗎，感情係日積月累，但佢哋嘅時間真係唔多，要好好好好咁對佢哋，至少唔會令自己後悔
一隻5歲
一隻2歲
都好怕呢日嘅來臨
所以從第一日養開始 我已經同自己做心理建設
我知道自己一定會好傷心 同無咗佢哋之後日子點過
我可能會好快再養 因為有好多等待被領養嘅貓
1個讚
衰啲講，死亡真係可以隨時恭候。
因為我去咗彩虹橋嘅兩隻寶貝貓，我明白到要活在當下同及時行樂嘅重要，佢哋喺度嘅時候要好好錫佢哋，影多啲相，陪佢哋短暫而無悔嘅一生