幾個月前自己論盡跌親手，嗰陣未有意識睇醫生，諗住自己好
點知冇好過，俾個所謂中醫fing完同正骨之後衰左傷到神經線搞到頭暈
即刻去醫院睇醫生照X光
後來出院轉介去睇骨科同物理治療
已經睇左好多次物理治療都冇好過
止痛藥又冇效
連物理治療師都覺得好奇怪
照過MRI冇斷筋骨都可以越來越痛，只係照到有囊變，下個禮拜翻去覆診睇報告
唉，點解咁不幸嘅嘢要發生喺自己身上 
喺公立開左file，冇買保險，唔會諗住睇私家㗎喇 
1個讚
人老咗跌一跌都幾麻煩，好多諗唔到嘅痛／影響咗其他部位都會有。
樓主你係跌親隻手邊個位痛? 有頭暈會唔會肩膊太緊？
如果止痛藥都無效就要問醫生開另一種止痛藥。我以前有痛症政府醫院開一隻粉紅色止痛藥都好有效（但唔可以長期食好似傷肝定傷腎)，而且治標唔治本，過咗藥力痛都係照痛。都係要靠運動。
2個讚
我30都冇啊 
我係手踭，手臂，同埋膊頭對落少少位痛
醫生話我頭暈係俾人按傷左神經線，因為位置好近頸
我都係食粉紅色好勁嗰款止痛藥，但係都係冇效
咁有無問醫生傷咗神經線會唔會好?
維他命B雜對神經都有幫助，你可以上網搵下B雜資料，試下食一排有無用。
係啊，我依家食緊維他命B，只係頭暈有改善，手痛完全冇料到，仲要越來越痛
即係你隻手會痛, 係肌肉痛? 定D筋痛?
醫生仲有冇健議???
唔夠30歲, 應該可以好快好返
我都唔知咩痛，只要一郁就大範圍痛，有時放低都痛或者會攰，上次醫生建議照MRI，我照左等緊覆診，太耐啦已經五個月，純粹跌一跌咋 
用暖水袋敷下傷痛處。
似唔似五十肩個啲痛？做啲螞蟻爬樹，毛巾操得唔得?
我又想叉一腳落黎度 
話說我前幾個月一早起身拉筋筋到個背脊痛 (大約係雞亦位)
到而家都有時會痛, 佢一痛我瞓得好差
上星期因為其他野走左去街症, 話比醫生聽佢叫我可以睇下XXX片
之後youtube/facebook 開始出D相關片
其有幾有條幫到手
係拉開左條頸, 個背脊無咁痛, 個晚仲好好好好瞓
所以 呢個位痛, 可以係因為另一D位置太緊
雖然而家我背脊仲痛緊, 但起碼無之前咁明顯
2個讚
試過啊，幾個月都敷過，喺物理治療又電過，完全唔work 
咁你都好好彩，難得街症遇到個有料醫生。
香港中文大學醫院有痛症專科，你可以去試吓，不過好似係私家，我都唔肯定。
應該唔似，我主要上臂位置痛，特別躺平舉手真係痛到入心入肺 有拉過繩同用過鬆動手臂肌肉嘅機，不過都係痛，仲要係做完更痛，唉
我前幾年跳一跳企唔穩, 膝頭哥都痛到而家, 已經3年啦, 我都仲痛緊 
鐵打, 針炙, 電療都試過, 下年先做物理治療, 醫生話我係菠羅蓋有小小移位 (不過佢都係摸左一陣)
你有冇試過鬆心口位???
我做左好幾次物理治療都冇效，周圍嘅痛都好晒，唯獨手臂完全唔識好
我都覺得係, 我之前搵我痛既背脊片, 都無幾多岩用
搵完佢比我既名, 之後D片就岩使
希望早日好返 
真係唔識
咁幾時有MRI報告睇???
(要知點醫, 就要知原因先~)
下個禮拜
岩岩向外伸展隻手，劇痛，好似想甩咁 
記得睇咗報告返嚟話返俾我哋知道究竟咩事