講得好啱！就係咁囉！
正如好多香港家長移到英國，都想仔女跟到中文，繼續zoom補中文，太貪心
我小朋友由細到大讀IS, 而家中學, 中文應該只有初小程度, 都有補習幾年, 都冇用, 因為佢自己本身都冇興趣.
我仔2歲時係language delay嘅
因為屋企無工人，爸爸輪班，大部分時間在長老屋企
長老係30幾年前大陸來港，爺爺差唔多唔識廣東話（講客家話），嫲嫲就係唔正嘅廣東話，睇電視係睇普通話台
但我仔星期六日係同我一齊去婆婆屋企瞓，嗰度100%廣東話
結果佢language confusion讀完個N班都未識講句子…
英文佢係2歲時自己睇Youtube學，到咗3歲去全英幼稚園，因為4歲考小一（佢哋5歲入學，我仔中B，4歲3個月就in Yr1)，所以我當時我係力谷英文的。
我同佢講英文，俾佢睇英文卡通甚至電影（係呀，佢4歲已經睇marvel movies，6歲睇Harry potter movie)，伴讀就中英都有，英文就會買readers但中文就求其睇兩頁繪本就算，又無叫佢認字（當時諗法係要打好phonics底先，學校有教phonics)
K1我有俾佢去鬼佬教嘅足球班，ESF暑期英文班，後來考到Yr 1先開始報講中文嘅興趣班同埋補習社嘅普通話班。
最重要係佢讀咗兩年無中文嘅幼稚園，無咗學中文嘅習慣…當時嘅佢，只係識得用英文表達佢嘅情緒同需要，同爺爺嫲嫲都係用body language溝通。
就係咁，佢成為咗一個native English speaker…
1個讚
Btw 回應返你之前關於「放唔放棄補中文」嘅post, 你話小朋友有學Spanish
我知你已經放棄左補而家由爸爸係屋企教。我唔知佢Spanish 學到咩level, 但我估實好過中文。個人覺得，咁已經可以放棄中文
精通English +Spanish ,競爭力好強，去歐洲美國南美洲做野都掂
呢個話題好有趣… 都正正係我面對緊嘅未知
我小朋友而家5歲, N 到K2 係本地幼稚園, 啱啱9月嘅時候轉左IS. 我同爸爸由bb 開始一人一語言, 佢英文 (佢係native), 我廣東話, 加上本地幼稚園, 我小朋友好明顯英文係弱嘅 (我個人覺得以爸爸係native 黎講), 而佢廣東話發展得好好, 表達能力唔錯. 而家IS 開左學幾個星期, 我發現佢英文開始進步少少, 有啲中英夾雜. 我自己預期, 慢慢佢英文會繼續pick up. 會唔會去到 native level, 就有待觀察
我曾經有掙扎讀唔讀本地學校… 都係考慮到中英兼備嘅問題. 經過幾番商量, 我同爸爸相信IS 會較適合小朋友, 我雖然都想小朋友有一定中文能力, 但都同自己講一定要調節心態
而家間學校係普通話教中文, 而家時間尚早, 我會再觀察下… 如果有需要, 日後喺外面定期再學下中文, 保持一定嘅程度. 我自己覺得, 一日仲係香港生活, 就算唔係考慮到工作發展, 有一定嘅中文能力, 例如應付到同人溝通, 睇下簡單嘅文章, 都會令佢生活豐富啲 (呢個係爸爸嘅觀察, 佢成日話, 如果佢都識中文, 可以更加投入體驗一下香港嘅生活, 而家係打左折嘅, 始終好多野唔明)
另外講起語言能力同競爭力, 社會普遍favor 外向同善於辭令嘅人, native 嘅語言能力都係會加分, 但我亦都留意到, 隨住而家時代變遷, 例如AI, machine learning, big data 等興起, 唔一定要有好嘅語言能力包裝先叫有競爭力. 相反如果只有語言, 但無其他 “賣點” 搭救, 分分鐘輸蝕過有其他才能但語言普通嘅人.
如果佢而家year 1 英文都唔係native,咁英文就應該唔係佢1st language，最多只可以去到接近native 嘅level
我見英文native 嘅都唔係讀local 幼稚園
不過佢中文ok, 係好事黎
另外除左語言同parenting, IS 培育小朋友嘅模式都唔一樣. 我刻意用培育呢個字眼, 唔係教, 因為以我理解佢地嘅理念, 佢地唔係教緊小朋友, 而係喺旁邊提供比佢工具, 令小朋友發揮佢地自己每個最佳嘅潛能, 引導佢去思考. 結構性唔一樣
以工作上接觸過嘅人去睇, 土生土長長大教育, 本地長大教育然後外國留學, 同從小IS /西式教育, 佢地嘅作風, 待人處事都真係好唔同
做唔做到真native 有部分都睇佢自己本人 (例如資質, 努唔努力等), 環境就提供左
但就算唔係真native, close to native 都ok 丫, 特別考慮到如果其他語言都唔想太差
另外我小朋友嘅情況, 佢有第三個語言 (歐洲語言). 呢個純粹1歲多嘅時候無心插柳, 搵到一個playgroup 佢好中意但唔係中英文. 幾年黎一個星期一次, 佢而家聽得明好多, 會講到啲單詞, 所以我都會喺冇壓力嘅情況下繼續, 學到就繼續住先
1個讚
你覺得係有咩唔同？
我工作上接觸過鬼佬/ABC，但從小IS 長大嘅同事反而未接觸過（只係大學做intern接觸過 ）。佢哋作風&待人處事都係鬼佬/ABC 咁？
土生土長嘅有2類, 有啲會比較直白, 對於規矩規範嘅野會傾向遵從, 跟manual, process 做野. 亦有另一類比較滑頭, 機會主義, 叻cut corners
IS 有外國人影子, 但相對無咁隨性. 佢地優勢係理解分析表達能力好, 部分有領導能力, 我覺得呢啲同自細多project, teamwork 有關. 但講踏踏實實做嘢, 又真係唔夠本地嘅實幹型… 所以各有長短啦
但目前黎講社會嘅情況係, 實際嘅value < 人地覺得你嘅value… 形象管理係好重要. 所以都係懂得包裝下自己嘅人著數好多
我突然醒起一個你口中嘅中英兼善… 佢係外國讀幼稚園同初小然後回流香港讀本地學校, native English + 紮實中文程度 (考公開試). 但佢同我講當年追中文真係好痛苦
佢而家係 slasher, 自由工作者, 工作上唔需要睇同寫中文, 講到就ok 而且明顯英文係first language. 語言上佢雖然都幾有優勢, 但佢又無好拼搏, 算躺平… 所以都有令我諗第時小朋友學成做啲咩都唔係父母想, 佢地都有佢地自己嘅世界
1個讚
佢Spanish都係一星期一堂，當興趣班咁學
但老師讚佢發音標準（梗係啦，佢根本就係西人腔）
可惜佢間IS中學無第三語言，去到IBDP先有，到時一係出咗國一係中文已經pick up（中學要讀5年中文，點都好過一星期一堂Spanish)
隨緣啦…
多謝你嘅分享
想同你分享返兩樣嘢：
- 你背景似我一個friend，佢同老公選擇咗CIS，兩個小朋友讀完本地K1就轉去CIS讀。宜家初小，感覺似西人多啲，佢哋識聽媽咪講廣東話但答媽咪係會中英／中普夾雜，中文讀寫能力我唔知。
- 我仔中文補習老師講過，中文學唔學到係睇動機，佢有幫成人嘅西人補習，因為想返大陸做嘢，佢哋好勤力學，雖然零基礎但係成績好過我哋呢啲本土家庭小朋友。讀IS就係無咗學習動機，同樣地如果讀本地但將來去外國生活（尤其有passport)，遲早都會擺低中文。不過如果要同大陸人做生意，識中文會有著數。
1個讚
我諗起我有個讀IS既學生，有次上我堂前佢媽咪發現佢冇溫到我叫佢溫既中文生字, 佢媽咪罵佢，又同佢講要學中文因為"we are chinese"。後來佢媽咪同我講返，佢小朋友因為覺得中文唔重要, 所以冇incentive 學
我聽完又覺得唔怪得哂個小朋友，始終佢幼稚園已經係一間鬼佬學校讀書，唔係去到高小同佢講"we are chinese" 就改變到個mindset + 增加到學習既incentive …
根本native english speaker 學呢d 歐洲語言容易過學中文，亦容易過Chinese as 1st language 既人學歐洲語言
雖然唔係香港人，係台灣人，但最近聽佢電台訪問，有提到佢點解可以講得一口流利國語同英語。佢媽媽本身國語都好流利，但佢地係屋企語景係英文，係外面就講國語。
＂https://youtu.be/qLUMxek0Y50?si=qOoRVAbsxru0cDxl
所以小朋友中文好唔好都係睇父母取態
你提嘅動力呢點好中, 我都多加留意先
例如, 我仔到而家都未識用筷子
我有試過講過, 我地係香港人, 要識得用, 佢就比左個類似 “咁又點呀” 嘅回覆我
至於中文書, 好在佢而家仲係好中意講故事… 都係嗰句, 盡做啦
之前有睇過有人親身share,細細個移民,所以返學係用英文
但父母堅持屋企要講廣東話,同埋課外書只可以睇繁體
所以佢中英文都好好
你呢個case係因為佢本身在英語環境長大，唔使擔心佢唔識，所以可以力谷中文。喺香港，如果資質唔夠，就會變咗上文其中一個例子咁，讀IS但英文追唔上，寫港式英語，兩頭唔到岸。
1個讚
父母係香港人但仔女成為native English speaker, 父母真係要付出好多efforts 自小提供英文語境