我幫過唔少國際學校既香港學生補中文 (父母都係香港人), 佢地既中文真係好差，有d 幾乎係唔識中文
例子:
有個11歲,將"名字" 寫做"名子"。有個9歲， “羽毛球”, “表哥”,“動物園” 呢d 字全部唔識。有個 8 歲，問我"the body" 點寫，我寫左"身體"後，佢問我咁 “the” 字既中文呢? 有個16歲，“足夠”,“考試” 呢d 字唔識。
oral 方面, 有幾個簡單日常對答Ok，但如果第日返工叫佢用廣東話同客講解金融產品/同病人講解病情，佢地一定講唔到。有1個直情廣東話簡單日常對答都唔OK
中文水平最高果個, 13歲有小學3-4年級程度, 以上講既廣東話複雜對答OK, 只係俚語/諺語唔多明
我諗，佢地英文雖然native 但幾乎完全失去中文能力，overall language skills 咪差過local 名校生?
唔談論中文重唔重要, 識多一種language 對任何人都有好處，佢地係咪放棄左係香港出生長大中英都係Official language 既優勢 (雖然佢地有d 會係學校讀French/Spanish，但又未到好advanced level) 對比之下，傳統名校英文接近native, 中文亦好過國際學校好多，有好多係"中英兼善",似乎比國際學校更可取
我本身傾向俾小朋友讀國際學校，但又唔想佢地D 中文搞成咁。想問國際學校係咪冇可能中文好?
我由細中文就好好，因為父母自細培養我閱讀中文書，但英文就慢慢大先追返(最後讀HKU文學院)。我有諗過自細培養小朋友閱讀中文書，但又怕佢地冇英文語境。我聽學生家長講,佢地係俾小朋友睇Disney, BBC 長大, 閱讀都係英文書, 所以英文先咁native
係咪讀得國際學校就預左中文係咁? 有冇人分享讀國際學校但中文都好好既case (&如何做到)?
其實好睇屋企重唔重視，咁屋企都唔重視，自不然就唔識
係. 唔係父母唔教, 係中文科比重太少, 同學之間/娛樂/生活中又唔用, 所以唔識讀寫, 甚至唔願講.
如果唔打算送去外國讀書或冇外國passport, 我唔建議讀IS.
1個讚
我覺得over 一半cases 係父母突登造成
如果係香港生活，有少少心學中文，都未至於咁差
我真係識人明明自己中文流利，但突登同讀 is 嘅仔女講英文，同人講話啲仔女係鬼佬淨係識英文
唔知乜心態
好多香港家長唔想仔女識中文添，最好講都唔好識，唔明乜心態，可能覺得識講英文高級d
1個讚
中文唔一定差喎，阿仔學校Grade 1就要中文默書、學漢語拼音、做中文功課，中文不至於唔識睇唔識寫，但當然未去到local school水平
我覺得小朋友將來係香港定外國發展，好睇佢長大後嘅意願，所以唔想因為佢讀IS—》中文差 -》 局限左佢嘅發展（一定要外國發展）
如果「中英兼善」，無論佢係香港定外國發展，都有好處，始終識多一種language
原來唔想讀本地名校嘅原因：1）驚萬一小朋友唔係叻果堆，會壓力好大 2）想避現行嘅教育問題
我有啲學生真係好似係外國生活咁（雖然住在香港），8，9 歲，廣東話識聽，講讀寫都唔太識
即係你想像下你報名學德文，每星期學一個鐘，學左半年至一年嘅水平
中文對佢地黎講就係呢種陌生嘅foreign language
咁佢應該算係IS 中 中文好果批，但你覺得係咪屋企點教都好難中文去到local school 水平？
我小朋友bilingual, 不過中文讀寫唔得. 有時唔計劃得咁多, 中途會不斷有其他事比練中文排得更前.
似乎係父母都好ok，可能覺得仔女一定會喺外國發展，唔使學中文
1個讚
中文好, 只有ISF, VIC, 其他學校根本個中文科冇系統性教學, 自己出去補習, 可能要一星期兩三日先可以有進展.
而這兩間其實唔係IS.
至於YCIS, 中文好的學生都係大陸或local中途轉過黎, 唔係自小幼稚園或Y1上.
我認同應該真係要補3-4堂+佢自己肯課外閱讀先會有進展
但我諗長期有冇咁多時間每星期補3-4堂係一個問題，始終小朋友都有其他subjects & 興趣要兼顧，IS的功課都好麻煩的
m_m_m
18
我覺得讀名校（身邊例子DBS， SPCCPS）真係可以做到中英俱佳（10歲中文睇金庸，英文睇Harry Potter)
父母係強度鼓勵閱讀（成屋都係書，無任何電子產品時間）果隻。而且唔係人人得，好多人喺呢個情況下會係英文比中文好（即係中文讀得吃力，要補習，英文就唔駛）
幼稚園起讀IS係唔會有local school中文水平（我未見過！恕我見聞淺陋），最叻都係EK有個資優生IB中文A考到7分，但佢除考試以外中文係唔叻的，亦討厭中文。
如果你想bilingual，應該aim神校。
m_m_m
19
有時就係要取捨～
我身邊仔女讀名校嘅家長真係港豬嚟，佢哋亦接受考試文化。
但佢哋仔女競爭力係好啲，最少可以選擇喺香港或外國做嘢。
Victoria 冇咩鬼佬學生，幾乎全部locals & 大陸人
ISF我冇教過，唔知係咪都係locals & 大陸人多？
Btw 我補過幾個Victoria 嘅香港學生，佢地係讀Chinese as 2nd language, 一個就係16歲唔識 「足夠」、「考試」呢啲字果個，另一個13歲但識既形容詞只有「大大的」、「小小的」。呢啲我覺得明顯係屋企由細冇俾佢哋接觸中文造成的
但我有個親戚就相反，個小朋友都讀Victoria ，但佢屋企由細冇俾英文語境佢（冇英文閱讀，冇睇英文channel e.g BBC Disney），佢而家Victoria 高小，佢d 中文讀寫係ok,但d 英文係學校跟唔上，我睇過佢d 英文作文,好多港式英語，英文仲差過協恩呢類非最top名校入面英文好嘅學生
m_m_m
21
我都聽過VSA，ISF裡面有學生英文唔好，但唔知詳情，多謝你分享實況～
但如果英文太差，上到中學全英文教時可能追唔上，咁咪仲慘過唔識中文？