我意思係嗰兩間本來就唔係登記為IS, 係非本地課程私立學校. 佢地課程, 教學方法同學生英文程度貼近真IS.
兩間都係香港人大陸人最多.
IS同這類學校好多小朋友連講中文都唔慣, 唔好奢望讀寫會掂.
我小朋友廣東話fluent, 但讀寫真係唔記得d字.
不過ok ge, 佢用普通話拼音或語音都打到字交功課同send message.
我諗全英文教佢係聽得明, 但讀寫跟唔上, 叫佢睇Harry potter 佢都睇得好慢,睇得有d 吃力
係, 佢讀IS 但英文唔得, 的確慘過唔識中文
係呀, 佢地識個普通話拼音, 跟住打返個字出黎，但佢地對中文部首&中文字既結構係完全冇概念，所以 寫方面, 好多字都寫唔出, 讀方面，好多字都認唔到
如果學簡體字, 其實已經唔駛學部首, 字典係跟拼音排
中文字最難係佢唔係表音, 如果表音就只需要學字母就可以. 認讀係都可以做到 (小朋友flash card咁樣), 但唔寫真係唔會識寫…本地學生每一日寫幾多個中文字? IS學生一日又寫幾多個??
聽講漢基國際學校 （CIS）中文都好，唔知有冇人識人讀呢間知道實際情況？
我睇返漢基公佈嘅資料，考到IB雙語文憑嘅學生得28%，唔算多
不過漢基嘅學費係香港國際學校中最貴果幾間
識得幾個中產小朋友，都係因為中文差，傳統港校讀唔掂，先"被逼"去讀國際學校。
1個讚
咁我都聽講過有人本身讀 DGS，覺得太Chur (唔止係中文），跟住轉IS
CIS小學收好多半唐番，屋企講英文的，中文好極有限。雖然學校都會派中文功課返屋企做（朋友引述）
佢哋叻中文嗰啲係本地學校轉去讀中學嗰批。
I see, 似乎個個都話IS中文好果批係Local school 轉過去
我諗可能小學俾小朋友讀返傳統名校, 中學先轉IS
cky 好似幾好，private independent school, 覺得係國際學校同local school 既mix, 100%IB
某程度我覺得IS小學係買生活/vibe. 接近完全唔使睇功課, 冇默書測考, 課餘好多時間上興趣班/閱讀/玩, 放假真正放假, 仲可以早走遲返去旅行. 如果家長唔追求或support唔到這種生活, 我覺得可以揀local.
1個讚
喺你做決定之前，想分享埋IS同local school喺parenting上嘅分別
無疑local school競爭力係高，但有時測考／去興趣班／準備比賽時難免會損害親子關係
我friend個仔同我仔一樣係10歲，我仔讀IS仲係勁痴父母好鐘意父母，我friend個仔已經係假期唔要父母，又試過去旅行同父母鬧交，喊住話「你哋管我太多」
如果小朋友本身學習能力高鐘意競爭，咁local係好適合，如果唔係呢類，讀名校可能會令親子關係打折。
CKY競爭都唔少，見鄰居細路都幾忙幾多嘢學。
Same. 我同d同學媽媽都覺得IS小朋友係比較天真同痴父母.
我以前做local小學, P.3-4學生已經好老積.
係，我有補過CKY 既學生, 佢地功課學習係幾Chur. 但我覺得所有IS /CKY呢類接近IS既學校上到中學都唔會輕鬆
係呀, 我都覺，有個學生仲同我講，話覺得佢媽媽好好，我聽都覺得幾Sweet。
同埋我覺得IS 學生普遍性格較純(可能就係你講既天真), 較chill & relax, 好多得意既諗法, 我幾鍾意呢d 性格既小朋友
我自己本身讀Local school, 我算勤力&學習能力高果批, 但成日都會好著緊分數, 低幾分又會唔開心(雖然同個人性格都有關, 唔可以怪哂local school)。所以我先想小朋友讀IS
多謝你分享IS同local school喺parenting上嘅分別 
同埋,我覺得另一樣分別係, 中學IS既功課似乎比較多project 類/探索類既野, 家長既involvement 好似要比較多
中學 local school 如果個學生上堂有聽書+勤力+自動自覺，家長可以唔駛點Involve 功課
我啱係另一個post 見到原來你冇耐前都post過關於"國際學校放唔放棄中文" 掙扎
係啊～
不過故事嘅發展係VAT20％之後老公話延後出國讀書計劃，但係嗰時已經停咗補習，我老公就決定親自教
而家屋企變返幼稚園嗰時，會貼晒大大隻中文字要阿仔認
我想問吓IS中學家長involvment係點樣㗎？而家小學0功課，想involve都唔得喎，咁中學又點involve?
例如我見我果個讀CKY 中學既學生，History 要Design 一個for 士兵打仗時既survival pack,
d 功課係比local school 麻煩，我諗呢d project 類/探索類既野家長要幫手諗下。雖然我係幫佢補中文, 但佢都會問下我, 同我討論下應該點做
我聽講有d science 要整水火箭tim 家長話d 功課連家長都唔識做
不過我始終唔係IS 中學家長, 等IS 中學家長回答返會好d
Y11先過去?
我都覺得好貴.
我見你之前個post 話由小朋友Yr 1開始私補中文，但進度都係唔ok
想請問有冇培養佢睇中文書？如果佢肯睇中文書照理唔會太差
不過老老實實，我未見過IS學生會睇中文書（除左我果個讀IS但英文唔掂嘅親戚），我唔知係家長冇培養佢地睇，定IS嘅環境令佢哋抗拒中文