我小朋友就黎6歲
愈黎愈唔聽話
日日都因為食飯刷牙而比人鬧
仲要係鬧得好甘先會肯郁下
食飯食勁慢,食食下又坐得勁衰
我set timer比佢食
話夠鐘未食完就無得睇電視
佢都係係到hea
到最後夠鐘未食哂,無得睇電視
就係到發大脾氣,又大喊
乜都怪人,話係人地既錯
刷牙又叫極都唔郁
每日都好嬲
淨係因為食飯刷牙,日日家嘈屋閉
我情緒控制都愈黎愈差
每日係屋企都好唔開心
親子關係惡化
連個細既都無時間理,因為掛住鬧個大既
用咩獎勵呀,正向教育都無用
真係好辛苦…
1個讚
做父母先要放下自己主見,不論對與錯,對待孩子永遠唔可以用命令式去做,這樣衹會適得其反,且大部份都係唔好既回應比較多.
其實以前我都有tum又鼓勵
但有時佢都係拖拖拖
搞到我EQ愈黎愈低
更易爆佢…唉
佢上次喊住咁話,點解我唔再係以前咁愛佢
我聽完喊左出黎…
鬧完有無解釋番點解要咁做? 又或者自己有無嘗試搵個解決方法唔好日日都無限loop食飯刷牙呢啲日常問題?
好似刷牙，唔刷牙口會臭又會有蛀牙。
問佢怕唔怕見牙醫打針？
又或者買支兒童漱口水俾佢＂浪"下個口，同佢講嘩～好香喎個口，吸引番佢去刷牙。
食飯，我個人角度只要有食同唔好食太少，有剩少少我都接受到，唔洗餐餐都要清到乾乾淨淨先叫食晒。
有解釋過
其實佢已經有過蛀牙,仲杜埋牙根
見過好多次牙醫都係咁
佢長期練仙mode…
可以每餐只食2啖飯
佢只要食到無左肚餓既感覺就會停手
中間唔再比snack都係咁
仲要細粒過人…唉
最後三集講拖拉, 睇吓會唔會對你有啲啟發
Thank you
今晚即睇
明顯對呢d routine 野既motivation 好低，覺得呢d野唔重要所以唔做。會唔會暑假無timeline 所以無左時間觀念所以好hae？
佢唔刷牙洗面食飯咁佢做咩？
6歲可以溝通，可以大家傾下計探討下佢唔做既原因，你又唔好傾傾下嬲。對6歲來講，媽媽嬲惡=唔愛，佢就越來越抗拒。
已經開左學啦,都係咁
佢可以係行黎行去,無所事事,玩玩具,填色等等
就算講好玩多5分鐘去刷牙
佢都可以羅住支牙刷係到發牛豆
唔放入口
有時放入口都真係淨係放入口,開住支電動牙刷,但隻手完全唔郁,真係激死人…
我都覺得我愈爆佢佢情況愈差
但有時真係忟到我都失控
唉…
其實鬧極都係咁,可能代表你以往的方法行唔通
簡單啲,你上POPA CHANNEL睇佢早期講教養嘅video,我覺得學到好多嘢
再下一步,可以搵專業人士諮詢吓
我識得有一個幾好,可以介紹俾你
呢個情況幾時開始，如果突然改變，咗一定有原因，小朋友唔會無啦啦轉變
即係明知會遲到，都唔做？
其實佢拖就不嬲拖
但近呢幾個月係拖得黎脾氣又大
等我都睇下
請問有邊個專業人士好介紹?
佢就算趕住出街玩都係施施然…
所有野施施然…
比人鬧都係施施然
會唔會係同體質有關？佢鍾意瞓覺嗎？
聞說濕重脾胃虛個人會攰，乜都慢。
唔鍾意
好好精力
plz check PM
我個小朋友都好唔鐘意擦牙，都係爛晒牙，唔知係咪觸感問題。anyway 後來我dl左Pokémon 擦牙game ，每次擦足兩分鐘，就捉到Pokémon 佢就肯擦牙，慢慢習慣成然，而家冇玩game但都肯擦，雖然都係求其。
我覺得食飯唔駛咁多限制,我屋企係睇住電視食飯