佢一路擦,你一路陪佢做動作,6歲仲係好細
我都有呢個game
一開始好ok
玩玩下無左新鮮感就唔work…
咁試下搵日由佢由頭拖到尾，拖到咩都去唔到做唔到，睇佢點。大人唔好嬲，放棄mode, 講一次就唔再提。
事前同佢講聲，你都提到好煩，唔想長氣了，等佢有個預知。
6歲仲細，有些人天性滋油，趨唔嚟，唯有樣樣嘢預多啲時間
1個讚
等我搵個weekend試下
但我覺得佢當日傷心完
下次又會咁…唉
唉,我係一個乜都要快既人
見住佢咁真係好忟
一忟又好易爆佢
刷個牙可以拖1個鐘
爆完佢我又後悔… 
會唔會你自己有anxiety? 好普遍，媽媽們身兼多職好唔容易。
平時我地食飯無電視
如果比佢睇仲衰
成個魂會比電視攝走左
應該3個鐘都食唔完…
因為平時係屋企睇戲會比佢食下佢鍾意既snack,佢都會定左格唔食…
其實我都覺得呢排我自己情緒都好差
對佢無哂耐性
好多時一爆佢我自己都失去理性咁咆哮
我自己都跳哂掣…唉
睇到呢度，我覺得你同我朋友個仔好似，身邊嘅人包括佢阿媽都覺得個仔有問題，要轉介見專業人士。你鬧佢、同佢傾無用㗎，要搵咗問題嘅根源先。
放鬆啲放鬆啲，唔好將少少事放到好大好遠嚟諗。
想問下你朋友個仔,問題既根源係乜?
其實我都有比佢去上d情緒控制既堂
係由治療師主理既
佢上堂又好ok
係係屋企就咁既樣…
『唔刷牙由得佢，爛牙由得佢啦，牙痛由得佢啦，口臭由得佢啦。』
佢已經大個，你逼得佢幾多。
真係由佢爛?
我日日幫佢補刷,早晚都刷
佢都蛀到用左10萬蚊杜牙根
唔知唔理佢d牙會變成點… 
乳齒⋯⋯咩牙醫收咗你十萬蚊咁多，
你平時俾咩佢食？好高糖份食物？
睇到你講嘅有共鳴… 我自己本身都係心急耐性唔多嘅人, 管教小朋友上容易燥底, 大家有摩擦
慶幸嘅係, 我老公耐性比我好, 會時刻提醒… 咁我又分享下一樣佢講過我又覺得有用嘅
到最後, 到底做到某啲tasks 定還是你同佢嘅關係重要啲?
父母嘅期望 (無論係咩野都好) 好多時對小朋友都唔重要 (特別咁細個). 唔係話所有野都要由得佢, 但都係嗰句, 感情要培養, 唔好下下鍊得咁緊
感覺到自己即將要爆嘅時候, 不妨行開一下, 深呼吸幾下先再講. 避免正面引爆佢
另外… practical 一啲, 會唔會考慮同佢一齊整時間表. 例如食飯同刷牙, 幾時做, 幾耐要完成, 讓佢有參與, 大家同意左, 做得到就獎勵, 例如10次, 做唔到你都有理據提點佢, 唔係下下都爆佢… 試下咁得唔得?
杜左5隻,全身麻醉
睇過幾個醫生,都話要杜
話唔杜會影響恆齒
佢唔係食好多糖
可能一星期先食1,2次
我都唔知點解會爛成咁
可能關食野太慢事
咁即係話，次前你地一直都係由佢咁樣
佢口有冇含住啲食物無吞入肚習慣
我老公都係超有耐性超高EQ
所以每次我就爆,佢都會處理個仔
仔仔同佢既關係亦比同我好
但有時佢太過份,就連我老公都會鬧佢
等我真係同佢傾下整個幾點做乜既時間表比佢
睇下work唔work…