有個POST講, 睇THREADS有好多人講回流
但其實THREADS都係用演算法推啲野俾你睇
(不過其他social media都係)
例如: 可以有10萬個POST講移民, 8萬個好地地, 另外2萬個想回流…但你睇開回流, 演算法就會不停推果2萬個俾你睇
你望落去, 就會以為個個都想回流咁…
(當然, 亦有可以係10萬個POST, 8萬個都想回流…但who knows?)
宜家究竟係好多人移民, 定好多人返大陸玩?? 我已經唔知道…
3個讚
你like 咗d page, post，social media 就會推返相關嘅嘢俾俾你
3個讚
兩樣都係啦，有能力使錢嗰班走咗，喺香港仲有錢嘅飛日本、歐洲旅行，仲有少少錢同假就返大陸
2個讚
係好多人返大陸玩
仲多唔多人移民我就唔知，之前聽聞會移民果班友都出發了
1個讚
好多黃店閂門後都走
係, 唔知佢地去第二度另起爐灶，定係做唔住閂
可能2千個都已經成日出現了
我信統計數字, 剛剛先公佈左, 香港人口係2023升左, 但2024又跌返, 即計埋磚才、單程證、出生BB, 都cover唔到死亡/移民數字,
social media演算法, 籃絲/政府有意識吹奏回流潮
2個讚
bno visa全部唔計移民
真係官字兩個口, bno visa唔計移民, 但又日日吹奏bno回流, 乜中文真係差成咁點, 回港兩隻字又唔肯用wor
4個讚
我估好多高才通係冇係香港住，純粹當工作簽證來搵工，搵到就做但住返深圳，反正人工高咁多冇損失
高才只要有香港income就得，可以wfh 再一年過黎住幾次
前排好多人移民，呢家好多人返大6玩。由一開始唔鍾意返大6 既呢家都感染埋，有小朋友既家庭更加返得快。返大6唔關有無錢事，都唔關係咪住得近。返大6 同去日本旅行都無衝突，可以2邊都去。
5個讚
疫情前都好多人返大陸吃喝玩樂，又唔見香港零售飲食死哂，個時都開始講緊自由行豪客減少，大陸人話香港消費貴，但一個疫情將所有野凝固左咁解
1個讚
多左班五十幾同六十幾歲阿太返去
佢地後生時只去歐美日，非常不屑返大陸。
而家都一年飛幾次日韓泰歐美，只係weekend 多左個節目 : 就係幾乎 weekend 就上去，又 join massage 又 join facial courses.
佢地完全唔怕運油車新聞，認為去嘅食肆都非常乾淨
佢地非常有消費能力
以上呢堆阿太係我親友。
搞到我返去都想跟去睇下
3個讚
我都係信數字, 19之前北上人數比23仲高, 又唔見當時香港D舖頭叫救命。
本身就經濟差左, 只係政府唔識、唔能、無法解決
5個讚
如果咁多人會回流，睇黎對香港未來好有信心
幾年後，香港仲係咪搵到錢先？
唔係講笑，我見到大陸嗰啲美容喺香港Carousell賣廣告
其實我見去韓國 join 做機拉提 facial都平香港好多，啲美容院同區都好貴婦 feel。不過佢地話冇人個個月陪飛所以唔去
但 shenzhen 就易揾腳。
等我抄下張回鄉証跟去睇下
1個讚
完全係跟風心態，佢地呢層既人如果同人講未返過大陸會比人下？！然後萬字文講內地呢家點唔同，幾咁抵，厚道d就唔踩香港，否則萬字都唔夠講。
然後就個個都跟住去玩。佢地都有個特徵，就係講明唔用腦，人地帶去邊就去邊，比錢方面無問題。
為左唔好望落outdate, 點會在乎個d新聞？