大家有無試過?
我講先
試過自己一個人孭住BB 搭長途巴士, 仲要孭住一袋野, 門口後面關愛座入面個位有另一位阿叔坐緊, 下層其他位都已經有人坐, 外面個位無人坐, 咁見到有位就坐啦。本身我坐出面個位再將袋野擺膝頭已經OK, 我都肯定我袋野無頂到佢/ 我BB 無踢到佢, 隔離個阿叔主動問我使唔使俾埋入面個位我用黎擺袋! (係好心果隻, 唔係串我, 咁我梗係婉拒啦。)
又試過第二次都係我同BB搭巴士, 又係同時孭住一袋野, 又係響下層坐某一行外面個位, 隔離位本身有人坐, 應該係外傭姐姐黎, 佢見我BB 打乞嚏, 主動問我使唔使幫我較一較個冷氣
我發覺好多時讓坐嘅都係姐姐，佢地有d真係好好，特別容易留意到帶住小朋友嘅家長有咩需要，都好肯提供協助
冇錯，有次姐姐讓座比我姨娚女坐，有次兩個後生廢老單打左成程車迫小朋友讓座比佢地
我試過放工搭過海巴士，上到車先知八達通唔夠錢，諗住落車之際有位西裝男士話幫我比，佢有多張八達通，程車都成10蚊架~知司機同我都等緊佢可能緊張仲有D手忙腳亂潻，事後我話支付寶比返錢佢，仲話唔駛潻～呢件事真係會記成世，好人買少見少
姐姐都成日讓座，要讚
靚唔靚仔？抄佢牌
電視劇咩 
咩呀，媾仔係生活技能
我都想分享大肚坐西鐵，香港人大多唔肯讓
一係d 廢老，一係好後生都唔讓
有兩次讓位既係姐姐，欣賞
可惜你無遇過我，我一定會讓的
我大肚時反而係D 公公婆婆讓座
其他後生既掛住打機/睇手機
當然都不能一竹篙打一船人
但整體比較起來
西鐵/輕鐵讓座比例比其他線係低
紅色線，香港站那條線好快有人讓
同埋唔會死霸關愛座
西鐵既關愛座形同虛設
有一次我差d暈好似
同個長者,young old 女士請佢讓俾我坐下
佢老公話我類似要坐就俾錢坐頭等（個到西鐵）
呢d就正廢老
嬲到我
有呀
坐機場巴士見到你行李多，幫手拎上車放在行李架上
好感動
有對公公婆婆入地鐵車廂, 兩個關愛位、一個普通位都空左出來,
婆婆坐左一個關愛位, 公公坐普通位,
婆婆講, 你講過來關愛位啦, 唔好搞到D後生唔敢坐
搭西鐵應該長途客多, 少人讓好正常
利申: 平日搭藍紫綠線多
和大肚朋友坐西鐵，入到車箱有大陸人
馬上讓座比朋友坐。
以前每次和媽媽坐地鐵都會有人主動讓座，
可能見我媽滿頭白髮和行動麻麻地。
有次我好眼瞓，企埋一邊合埋眼「閉目養神」
有個男仔見到，就比佢個位我坐，我都唔好意思坐但佢堅持，仲話「企係到都訓教，比你坐」
多謝佢
我都係
每次同媽媽搭巴士或地鐵
都會有人讓座比佢
可能都係見到佢行得麻麻地
試過一次搭巴士
車資十零蚊
但身上唔夠散紙
搵咗好耐都係差幾毫
司機就話算，叫我坐低
係, 啲人見到行得麻麻地既老人家都會主動
讓座.
試過喺港鐵站跌咗八達通
諗住凍過水
不過照去港鐵報失
點知過幾日收到通知，有人執到我張八達通
到而家都會記得同感激呢位好心人