全滿嘅970定970X，有男仔喺車門位置企，突然踎低咗似唔舒服，即刻有個坐較前排嘅嬸嬸拎支藥油出嚟傳過去，仲有人讓坐畀個男仔，又有幾句關心說話
5個讚
使唔使咁串呀, 唔讓都唔使咁串呀?
鬼唔望呢d 人第時遇到同類同佢地爭位坐
好同意, 我住緊果度d 姐姐都特別願意幫d 帶住小朋友既街坊開門
岩岩經歷 - 一啲都唔窩心既經歷!(容許我爆下)
頭先廢老坐出面，咁我就示意要入去坐
我就望住佢，指住佢枝拐杖
（佢枝拐杖係掛住係入面個位！！）
我話「枝野係咪你？你係咪要拎開？！」
佢個仆街廢老，啊吱啊左
我再講「你要拎開啊！」
呢刻廢老個老公坐另一行，叫佢拎枝野比佢，但佢唔肯！
之後佢個仆街，拎開但掛係自己到，咁我點夠位行入去呢？冇可能入到！
佢仲口up up，話讓左你仲咁多野講
我話「你唔可以周圍放啲野！你要拎開比人入去！」
跟住前面個女人拎開自己啲野，叫我坐入去
我坐低佢仲話「後生仲要坐」
我大大聲話「邊個話我後生就要企啊！」
死廢老，快啲個頭近！生人霸死地
坐個位仲唔夠，仲要霸多個好似好應份咁
啲死老野最鍾意分開坐霸4個位！
正乞兒！
2個讚
有一次喺轉車月台，有個女人行去對面月台途中突然跌低
之後好多人圍埋去幫佢
有人扶佢起身
有人幫佢拎野
有人幫佢通知職員
果刻覺得香港人好有人情味
2個讚
同意，仲要分開坐傾計講嘢大大聲，我都係照坐入去理得佢吔
我當年大肚，因為個肚偏細，加上冬天，真係冇乜機會被人讓坐。有次我入地鐵，有位爸爸即刻讓坐俾我，但我相信佢前面同後面個大背囊加埋應該重過我個肚，搞到我都有啲唔好意思
3個讚
我可唔可以自己讚自己窩心？
有一次我同老公搭地鐵，去到牛頭角站
車門打開左落緊人，見到對面架車有個
女仔扶住另一個就跌既女仔落車大叫有
人暈左，當時就關車門我同老公不加思
索就衝左出去幫手。好彩我地跑得快唔
係個兩個女人一孖腸咁跌倒。
個女仔因為剛捐完血又休息唔夠又 M 到，
見佢個時嘴唇白晒。
同一時間有另一個女人跑落去搵月台職
員叫白車，有個休班消防員行埋黎睇下
咩事。個女仔有水係身，叫佢飲小小濕
下個口。
最後我地等到救護員黎送佢走，我地先
走。
8個讚
嘩真係cheap 到爆呀, 霸住入面個位都算啦, 仲要咁多野講!
放心, 人在做, 天在看啊, 呢條PK佢都係犯口孽架! 佢第時一定會自己受番
(有時真係唔好怪點解香港後生呢代咁憎兩蚊搭車政策)
當然可以 
好人好事嘛 
3個讚
香港人個個掛住搵錢好似好冷漠，其實有起事上嚟唔會見死不救，好熱心
特別係年紀比較大嘅姐姐，佢地一見到大肚婆即刻讓，仲要驚死迫親大肚婆
1個讚
我好少讓比大肚婆, 除非係就黎生得, 個肚勁大, 見到對手會扶住條腰&個肚
因為我唔識分佢係大肚定係肥
因為我都試過比人讓, 但佢以為我係大肚, 但我只係肥 
我會讓比老人家, 我都唔想佢企唔穩
我都係
怕令到大家尷尬
我試過有次m到搭巴士，車程中我已經面青青，好肚痛想嘔，落車時，差d連車都落唔到
一落車就坐咗喺行人路，有個婆婆同我一齊落車
佢見我就暈咁嘅樣，聽到我想去廁所，就帶咗我去巴士站對面間中學個廁所，佢話喺個度嘅教友叫我放心用
之後我去完廁所行落樓，d工友好疑惑，不過佢哋見我面青青，好好俾凳我坐，俾水我飲
我而家大肚，8個幾月行得唔快，次次搭屯馬線差一步就坐到，都會俾人坐咗，有時企成程都冇人讓
1個讚
你果張係個人八達通？
有一期我啲小朋友不斷咁唔見八達通 入面有錢架嘛
有次真係想去報失
CS話唔係個人八達通唔會受理報失
即使我有曬八達通號碼
都幾無奈
個人認為，唔好因為自己大肚、老就一定要人讓座，可能個人哋返完十個鐘頭工都好攰、有病唔舒服睇唔出。我自己大肚時，有人讓座都好多謝，但其實返得工、出得街即係行得走得，唔舒服我會休息而唔係坐公共交通工具而expect 有人讓座，真係必要時eg 睇醫生咪搭的士。
我自己會讓座，純粹覺得人哋比我需要，但見到讓座、關愛座呢d 批鬥就唔認同。
1個讚
喺台灣去鄉郊d 嘅地方發生，我懷疑成車都係街坊，司機開咪好溫柔咁講咗幾句嘢，祝大家有愉快嘅一日，成車人聽完都好開心笑咪咪咁。
2個讚
咦係喎，我有次去花蓮都係咁，司機好鬼可愛
台灣人可能純樸d? 帶bb 去旅行時佢坐bb 車，搭捷運有兩個學生讓座，我話不用啦我不累謝謝，學生A 講媽媽辛苦了，學生b 跟住講爸爸都辛苦了，搞到我哋勁唔好意思。
2個讚
我大肚時都好少有人讓座俾我
但生完揹住hip seat，真係十次有八次有人讓座
由中佬到師奶到後生仔女都有
真係好多謝佢地
1個讚
認同
所以有人讓係感恩，但佢哋唔讓我又唔覺得佢哋衰，最多自己捉實扶手
1個讚
我都想讚下自己，有一次搭巴士，上車時前面婆婆倒瀉雲吞河，婆婆又好有責任心去清理 (說實話我自己倒瀉就一定大聲講聲唔好意思就揾位坐)
我勸了婆婆停手但她不肯，立即叫婆婆坐定定，徒手將大部分固體執走，印走小小湯，最後婆婆堅持自己拿回那袋垃圾，我還開玩笑地問婆婆碗麵好正，越執越肚餓，可以去邊度買來分散她注意
後話，我兩歲囝囝嫌我雙手髒，要我落車後去洗手後才讓我接近，個語氣十足似我話佢唔洗手唔俾食東西一樣
2個讚