私校嚟緊要收20%VAT，我喺香港人中學group見到話已知不少人讀緊私校嘅會退學，每級有5-10個學生退學，包括local同香港人
呢個消息唔知真唔真，不過我認識有兩個香港人，佢地仔女今年gcse，佢地都係退咗學，下個學年轉去state school讀six form
如果剛入中學，仲有6-7年要供，私校學費仲要有加冇減，應該好多人都大失預算，甚至供唔掂
1個讚
有錢嘅可以預繳
要等出糧先有錢交學費的可能負擔真係大好多
朋友個仔9月升中學，有間幾好嘅state school同私校offer, 佢兩邊都有register，而家肯定要俾VAT立即向私校退學，寧願蝕一個term學費
佢老公仲係賺緊香港人工，不過佢同老公都認為香港搵錢前景只會越嚟越差，點都要未雨綢繆，如果讀讀下供唔掂仲大鑊
20%真係好多，不過好似未正式公佈。
好大影響，唔知係米真的咁做
1個讚
20%vat仲未計每年例行加學費，條數真係好大，好區嘅state schools同grammar schools將會更加難入
之前睇過篇報道話labour上場後會儘快實行add vat，想maximize到下個tax revenue
當淨加 20% vat 都已經好係嘢
上台同末上台做嘢唔一定一樣。
但學校都要報定，in case 佢真係加
1個讚
有機會縮沙，計過條數公校應付唔到咁多學生，稅收又不增反減，個政策就擺埋一邊架啦
工黨班底個個都理想主義，講d野根本實行唔到
1個讚
加移民稅, visa fee 好過，任加
起碼唔使影響本地人先
1個讚
吓，無野呀！
加稅民稅 visa fee即向大多數基層入手，反彈仲勁
選擇得讀私校即代表呢班人係afford得到，收vat只係影響緊極少數人口，對真正有錢嗰批呢20%只係散紙，平時學野補習都唔只呢個數。當然對計到岩岩好夠供嘅就會大影響，但教育system係有其他options可以選擇，讀私校唔係一個must, 如果冇能力俾多20% vat可以揀轉去state/ grammar，佢地唔係冇其他選擇㗎
私立學生要轉返去公立，即係公立學位更加難爭。 之前有人計過數，加20%VAT 收返嚟嘅錢如果分比公校，淨係夠錢請一個老師，但係要收多啲學生嘅話其實得不償失
我唔係支持加vat 20%, 我係反對上面有人提議加移民稅& visa fee
唔想自己受到影響係好正常，但想將個影響轉嫁比其他人就好有問題囉
1個讚
你知唔知IHS係2024年2月已經加左66%
其他working, family, student visa, settlement & citizenship fees都分別有加價
仲加？
我知今年已經加左
我只係話佢可以加移民稅，visa fee, 冇提議佢加
我知對移民英國的人有影響，大家唔使咁大反應
不過有心理準備佢一兩年內有機會再加
7傷拳，英國最有傳統價值既private (boarding) school 變左富人專利，本身勉強讀到private school 既local 中產呢家上流唔到，要吱返入去state school, 令本身唔夠資源既學校更加不勝負荷。
state school 輸，local 中產輸，private school 又收唔夠生，如果向國際招生，到頭來可能又係中東，俄羅斯，大陸既有錢人，暴發戶黎讀。
最prestige 既英式教育外國學生反而受惠過本地人，好諷刺。
5個讚
工黨講過會照收20%稅，預繳冇用，不過我唔知係咪真
係好諷刺，有不少私校 local kids反而係少數
私校local kids聽返嚟都係佔少數，知有幾間大約1/3 Chinese (incl all HKers), 1/3 Indians, 1/3 mixed (incl local)
朋友個女間私中有幾級都有一班幾乎全部係香港學生，佢勁後悔揀咗呢間私校
有錢又有得預繳，幾大都預繳
不過等陣啲學校突然一次過有一大筆錢，可能會用來投資。可能會輸晒執笠唔奇。
1個讚
塘水滾塘魚就係咁，所以最好揾外面人啲錢
吓，多成咁