老公好易黑面, 問佢咩事佢永遠話無事, 但明顯嬲緊, 只係唔知嬲緊邊個, 可能係我, 可能係其他人.
如果我對佢嘅黑面有任何唔耐煩嘅說話 (例如"究竟咩事?")或動作(例如反眼), 佢就會放大100倍變成我發佢脾氣甚至發癲.
以佢嘅意思, 係要我唔好問, 等佢冷靜咗就當無事發生過. 如果知佢嬲緊我, 唔可以反駁, 就算老屈我都要忍, 一反駁就等於"逼佢發嬲", 最好我就要"誠心"認錯, 佢繼續黑面都要由得佢, 佢冷靜完就當無事發生過.
佢話有咩唔同意都唔好諗住當刻解決, 否則等於"逼佢". 寧願第二日同佢講返… 其實就算過幾日後傾返, 佢只會俾個敷衍嘅表情俾我, 所以我越嚟越少事後檢討, 但心裏面條刺越嚟越大 (唔服氣俾佢屈).
頭先差d 嘈到鬧離婚… 但從中終於發現自己好性急, 好執著對錯, 咩事都要即刻解決, 否則成晚唔服氣到瞓唔著. 但原來咁嘅舉動會俾人壓力, 雙方鬧得更厲害.
每段關係都可以令自己成長, 變得更好. 就算對方有不著, 就算依段婚姻最終要了斷, 我都要學習"唔好咁執著"…
唔洗諗到咁複雜，呢個scenario 好普遍，好多 couples 都經歷過，只係男女大不同。
男人唔可以攰，攰就control唔到情緒脾氣。
另外男人心情唔好要自己冷靜自己諗通，十處理好自己，先有安全感可以同人溝通。佢未冷靜你迫佢溝通，只會爆到七彩。
女人係要靠溝通去得到安全感然後冷靜。
大家明白大家多d，體諒下對方，就會搵到點先大家舒服。
試下做法，佢黑面唔好理佢，完全當佢透明做自己嘢。等佢自己黑完面又或者佢發現你無理佢，睇下佢會唔會問番你咩事，然後你正常溝通咁問番佢之前仲咩唔開心？諗緊咩呀？有人激嬲你？如果佢唔答又黑番面就閃開繼續當透明。
嘩，同我老公一L樣喎
以前佢無啦啦黑面，我都會好燥底，唔知佢嬲乜嘢，有時明知佢嬲咩但又覺得佢嬲嘅嘢好無謂，總之佢就唔開口講，淨係黑面
同我老公一齊十幾年了，而家佢少少嘢唔對路我都知佢咩料，佢黑面就由佢囉，都總唔能夠每一樣野都要講清講楚為止，唔係每件事都有對錯分到
佢黑面總好過鬧我，我至憎啲男人會大聲鬧老婆控制唔到自己嘅人
其實係咪男人結咗婚嘅通病？
我嗰個都係啦，我身邊朋友啲老公又係咁。
所以同我啲朋友傾呢啲好鬼有共鳴。 同埋總結做女人係呢個情形多數唔出聲。就算要死咬件佬都只能大力咬佢一嘢就要立即唔好再講。
發洩下，係到講出黎會舒服啲！
深呼吸～
佢發脾氣 - 由佢，做咩接收佢負能量？佢都唔係想解決，只係單單鍾意「嬲爆爆」由佢嬲到夠！
佢話你發脾氣 - 笑!「哈!我冇啊，不過你話係咪係囉～」保持心情愉快，唔好比佢影響你！
以上都可以做到, 但如果問佢嬲咩, 佢答嘅係老屈我, 或將我嘅說話跨張10倍嚟講, 例如事發時我語氣好平淡, 佢就話我當時發脾氣/鬧佢/寸佢, 我最憎人屈我, 我應該點處理?
真實個案:
我: 叫咩食好?
佢: (黑面) 各有各叫, 唔駛理我
我: 我叫A餐 (菜)
佢: 你喜歡囉
我: 你想叫依d? (我唔食嘅嘢) 咁我轉E啦(肉), 飽肚d.
佢咁就嬲咗
當傾返佢嬲咩時, 佢就話我當時話"我要知你叫咩我先知我可以叫咩㗎! 咁你叫依d, 我叫依d囉!", 演譯到態度好差, 仲話佢隔離個男人都取笑佢喎…
婚姻生活係會令自己有所改變,唔可以單單衹顧著自己意思做,都要顧及對方,另一方都一樣,衹係作為男人正常應該容忍度及體諒要多,起碼你老公識稔唔好當刻爭吵或解決,床頭打架床尾和,隔一會或隔天正常大家都冇咗件事,若然其中一方一定要贏,那這樣的婚姻一定冇好結果.
佢話各有各叫嗰下，你就自己揀自己想食咩，唔駛理佢，唔駛講落去。
拍片錄音。 
我同我老公嘈，我老公成日死咬住我語氣差，話我起晒鋼。但佢又唔認自己語氣差撩交拗在先。
我老公另一樣最仆街就係明明件事我無錯，係佢撩交拗在先，佢可以用說話同你遊花園後就話你係有問題，講真堅嬲，係嬲上嬲。
佢都叫各自各叫，咁你就唔洗理佢食乜，你叫你自己想食嘅就得。完全按佢指示，佢食咩唔好再加自己個人意見。
我要學識少說話, 哈哈
完全一樣
我果件又係一模一樣係咁，耐咗之後就慣咗，總之佢黑面就唔好煩佢，等佢自己冷靜，我咩都唔問唔理佢，總之瞓醒第2日，佢就會冇事，我亦唔會問返佢咩事，本身我個人都係啲好心急，咩都要搞清楚嘅人，而家學識調整自己的心態，揾個方法同佢相處
明白晒, 多謝各位嘅意見! 我會努力改善!
應該話努力「習慣」
其實你老公好似個黎m既女人，燥底
好似之前咁，「我要知你食咩，我先可以叫」？
即場串9佢啦！又話各自各叫，你理得我姐！
又係你講，又唔鍾意啊？比返佢啲屎自己食！
講起M
啲人成日話女人嚟M前心情大起大落。
男人無M，不過佢地心情係每日都大起大落，只係無女人咁明顯。
係呀，我寧願黑面，我果件係會鬧人，所以黑面起碼唔駛被佢鬧。但2佢鬧完我，就輪到我黑面，有時真係唔理解d男人個心諗緊咩，仲少氣果d女人，成日話女人少氣其實佢地都不遑多讓。Happy wife, Happy life 唔係咁多男人明呢個道理。
香港男人特別多性格缺陷。如果有得揀都唔好揀港男。
好有共鳴
我老公又係，最近應該係返工好攰，所以keep住黑面，最慘係佢黑面黑到好似我做錯野激嬲佢咁，攰放假又唔抖抖跟住又走去整花園，諗住關心下佢，又十問9唔應。
有時啲長老問起，最近點，啲長老淨係識得叫我忍，話咩佢性格係咁。頂，我都係人，忍得多我都會爆架
最慘班港男睇唔到自己啲缺點，仲要成日話番啲港女要求高。真係聽到都反白眼。
最公平，問下港女啲老豆眼中嘅港男係咪廢就知。 