明呀！ 所以要想來討論區傾下，唔係人都癲，大家傾下，聽下意見，訴下苦都好吖
講開出去食嘢，我哋已經各自各叫好耐
有次(同埋個女) 叫餐有連小食，結果3個都叫蝦多士
我心諗唉叫唔同小食咪可以share/試唔同嘢囉
不過算，我都忍住
人人情況大不同，呻下舒服啲
我諗成個亞洲「公一份婆一份」比例最高一定係港女
我個衰佬啲態度都係超級無敵衰，有時有啲咩，我怕錯，問多次者，佢都會好寸甘話咪講左囉，語氣勁衰, 頭先佢焗pizza , 個爐自己熄左，我又見啲芝士未熟甘，就幫佢開返爐，佢又好惡甘話做乜開返佢，又唔問下先，咁我咪鬧返佢，係，我好心做壞事囉，sorry 。
堅唔明有咩點解唔可以正常語氣講，係要勁嘈，真係好辛苦。。。成日受佢呢啲
佢啲語氣一衰，我就同佢鬧衰，所以我成日都唔開心
2個讚
會不會愈親密的人愈將對其他人既脾氣發洩係你身上？
如果你又黑面對佢呢
3個讚
真呀, 有d 人係咁, 對外人一個好好先生樣, 對老婆就另一個黑面樣
3個讚
我老公就係咁, 依家我會由得佢發/黑面, 過一晚先同佢心平氣和咁傾, 千萬唔可以發惡鬧返佢, 連委屈到流眼淚都唔得, 否則佢會覺得我用眼淚躂佢, 會仲嬲
由出post到依家, 過咗一個月, 總算學識點相處… 大家教嘅方法暫時好work, 多謝各位!
1個讚
所以點解講夫妻最難既係維繫,一接受唔到對方,日積月累下就容易有離婚念頭出現,加上現今既婚姻如同兒戲,好像十分容易就散.
唉, 話口未完又黑面…
話說我媽手痛, 我打電話同我媽傾, 點知我媽好似細路咁發脾氣, 我喝咗佢一聲, 我老公竟然怪我嚇親佢, 黑面行開. 收線後同佢理論, 佢仲繼續話係我錯.
其實佢成日都會無端端大聲喝人嚇親我, 特別係揸車時, 我唔只無怪佢, 仲會安撫佢. 所以今次佢嘅嬲我幾心淡…
佢每個星期最少發一次脾氣, 咩原因甚至無原因, 都可以係發脾氣嘅"合理理由"… 相反我咩理由都唔可以嬲, 黑面都唔得, 否則佢會嬲返我轉頭…
我都係人, 我都有情緒, 平時都唔敢表現出嚟. 今次我大聲"一句"係話我媽, 唔係話佢, 無安慰我仲要怪我嚇親佢, 安慰下老婆係咪咁難為佢?